Göyçay çayının üzərindən keçən körpünün uçduğu yerdəki vəziyyət

Baş vermiş təbii fəlakətlə bağlı xüsusi qərargah yaradıldı - RƏSMİ

113
(Yenilənib 16:16 03.06.2018)
Göyçay çayı üzərində yeni körpü inşa edilənədək alternativ körpü salınacaq

BAKI, 3 iyun — Sputnik. Güclü sel səbəbindən Bakı-Şamaxı-Yevlax magistral yolunun Göyçay çayı üzərindən keçən avtomobil körpüsü dağılıb.

Göyçay rayon icra hakimiyyəti başçısının birinci müavini, rayon fövqəladə hallar komissiyasının sədri İkram Vəliyev APA-ya bildirib ki, selin təsiri nəticəsində uzunluğu 76 metr, eni 11.5 metr olan körpü yararsız hala düşüb.

Körpünün yanındakı piyada körpüsünü  də sel aparıb. Sel suları körpünün altındakı beton plitələri, sahil-mühafizə bəndini dağıdaraq torpaq qatını yuyub aparıb və çay yatağını 20 metr genişləndirib. İ. Vəliyev dağılan körpünün 2003-cü ildə müvəqqəti olaraq inşa edildiyini və son illər sel sularının, ağır tonnajlı yük avtomobillərinin təsiri nəticəsində qəzalı vəziyyətə düşdüyünü bildirib: “2015-ci ildə  Bakı-Şamaxı-Yevlax avtomobil yolu yenidən qurularkən qəzalı vəziyyətdə olan bu avtomobil körpüsünün yanında yeni müasir körpünün inşası nəzərdə tutulmuşdu, layihə də hazırlanmışdı, lakin müəyyən səbəblərdən ərazidə inşaat işlərinə başlanılmayıb. Hazırda çayda güclü sel axını davam edir, suyun səviyyəsi hələ ki, aşağı düşməyib. Çayın sahillərində torpaq uçqunu davam edir. Dağılan avtomobil körpüsünün bərpası mümkün olmayacaq, onun sökülərək yerində müasir körpünün inşası üçün hazırda lazımi qurumların nümayəndələri tərəfindən məsləhətləşmələr aparılır. Yeni körpü tikilənədək avtomobillərin hərəkətinin təmin edilməsi üçün dağılan körpüdən 300 metr cənubda çayın içərisinə 10 ədəd beton su boruları qoymaqla üzərində müvəqqəti olaraq alternativ körpü salınacaq. Alternativ körpünün tikintisinə çayda su azalandan sonra başlanılacaq”.

Komissiya sədri rayon sakinlərinin hazırda Göyçay şəhərinin şimalında, Göyçay çayı üzərindəki asma körpüdən müvəqqəti olaraq piyada gediş-gəliş etdiyini bildirib: “Həmin asma piyada körpüsü qəzalı vəziyyətdədir. Hər an bu körpü də dağıla bilər, hazırda müvəqqəti istifadə olunur. Təhlükə artarsa, bu körpüdən istifadə dayandırılacaq. Hazırda polis əməkdaşları körpünün üstünə eyni vaxtda çox insanın çıxmasına icazə vermir. Alternativ körpü salınanadək rayon sakinləri bu piyada körpüsündən əlacsız olaraq istifadə edir. Bu asma piyada körpüsünü qısa müddətdə bərpa etmək mümkün deyil”.

Vəliyev rayonda baş verən fövqəladə hadisə ilə bağlı xüsusi qərargah yaradıldığını, körpünün dağılması barədə Nazirlər Kabinetinə, Fövqəladə Hallar Nazirliyinə (FHN) teleqram göndərildiyini bildirib. Fövqəladə vəziyyətlə əlaqədar FHN, Azərbaycan Avtomobil Yolları Dövlət Agentliyi, Aztelekom MMC, “Azərsu” ASC, “Azəriqaz” İB, körpü tikintisini həyata keçirən şirkətin nümayəndələri Göyçaya gəliblər, əraziyə baxış keçiriblər. Körpü ilə yanaşı dağılaraq yararsız hala düşən təbii qaz, içməli su, rabitə, internet, elektrik xətlərinin bərpası üçün işlər görülür. 

113
Mövzu:
Bölgələrdə sel fəlakətinin fəsadları (8)
Su kanalı, arxiv şəkli

Su kanalından qadın meyidi aşkarlandı

10
1982-ci il təvəllüdlü Cəfərova Xəyalə Zahir qızının meyiti su kanalından çıxarılaraq aidiyyəti üzrə təhvil verilib.

BAKI, 23 yanvar — Sputnik. Böhran Vəziyyətlərində İdarəetmə Mərkəzinə Ağcabədi rayonunda su kanalında aşkar edilmiş qadın meyitinin çıxarılmasına köməklik göstərilməsi üçün müraciət daxil olub.

Sputnik Azərbaycan-ın məlumatına görə, müraciətlə əlaqədar Fövqəladə Hallar Nazirliyinin müvafiq qüvvələri əraziyə cəlb olunub və həyata keçirilən tədbirlər nəticəsində 1982-ci il təvəllüdlü Cəfərova Xəyalə Zahir qızının meyidi su kanalından çıxarılaraq aidiyyəti üzrə təhvil verilib.

10
Əli qandallanmış kişi polis bölməsində, arxiv şəkli

On səkkiz yaşlı oğlan qonşusunu boğub öldürdü - Azərbaycanda

10
(Yenilənib 11:10 23.01.2021)
2003-cü il təvəllüdlü Əliyev İsmayıl Nəvahi oğlunun şəxsi münasibətlər zəminində aralarında yaranmış mübahisə zamanı Tofiq Bədirovu boğaraq qəsdən öldürməsinə əsaslı şübhələr müəyyən edilib.

BAKI, 23 yanvar — Sputnik. Yanvarın 22-də saat 19 radələrində Abşeron rayonunun Saray qəsəbəsində 1972-ci il təvəllüdlü Bədirov Tofiq Güləli oğlunun yaşadığı evdə meyitinin aşkar edilməsi barədə rayon prokurorluğuna məlumat daxil olub. Abşeron rayon prokurorluğundan Sputnik Azərbaycan-a verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış araşdırmalarla zərərçəkmişin qonşusu 2003-cü il təvəllüdlü Əliyev İsmayıl Nəvahi oğlunun şəxsi münasibətlər zəminində aralarında yaranmış mübahisə zamanı Tofiq Bədirovu boğaraq qəsdən öldürməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İsmayıl Əliyev şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

10
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

0
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

0