Masallı rayonunun Təzə Alvadı kəndində yanan ev

Cənub bölgəsində dəhşətli yanğın: Ölənlər xəsarət alanlar var

322
(Yenilənib 12:49 08.05.2018)
Hadisə zamanı bir ailənin üç üzvü faciəli şəkildə həlak olub

BAKI, 8 may — Sputnik. Masallı rayonunun Təzə Alvadı kəndində dünən gecə saatlarında ev yanıb. Yanğının evin ikinci mərtəbəsində elektrik cərəyanının qısaqapanması nəticəsində baş verdiyi güman edilir. Hadisə zamanı evdə 7 nəfər olub və onlardan üç nəfər dünyasını dəyişib.

"Hadisə dünən gecə 01:00-də baş verib. Qışqırtı səsi eşitdim. Həyətə çıxanda gördüm ki, əmimgilin evləri yanır. Əmimoğlu Namiq Əzimovun 3 uşağı və əmimin həyat yoldaşı oyaq olublar. Onlar yanğını hiss edən kimi qışqırmağa başladılar. Biz kömək etdik və onları yanğından çıxara bildik. Əmim Kamran Əzimov, oğlu Namiq Əzimov və Namiqin həyat yoldaşı Zeynəb Əzimova yuxarı mərtəbədə yatdıqları üçün və yanğın çox olduğu üçün onları vaxtında təxliyə etmək mümkün olmadı", — deyə yanğın zamanı dünyasını dəyişən Kamran Əzimovun qardaşı oğlu Rahim Əzimov Sputnik Azərbaycan-ın bölgə müxbirinə danışıb.

  • Masallı rayonunun Təzə Alvadı kəndində yanan ev
    Masallı rayonunun Təzə Alvadı kəndində yanan ev
    © Sputnik / Rahim Murad
  • Masallı rayonunun Təzə Alvadı kəndində yanan ev
    Masallı rayonunun Təzə Alvadı kəndində yanan ev
    © Sputnik / Rahim Murad
  • Masallı rayonunun Təzə Alvadı kəndində yanan ev
    Masallı rayonunun Təzə Alvadı kəndində yanan ev
    © Sputnik / Rahim Murad
1 / 3
© Sputnik / Rahim Murad
Masallı rayonunun Təzə Alvadı kəndində yanan ev

"Əmimi daha sonra çıxarıb təcili yardım ilə Masallı Mərkəzi Rayon Xəstəxanaya çatdırdıq, amma aldığı yanıq xəsarətlərindən səhər saatlarında dünyasını dəyişdi. Əmim oğlu Namiqi çıxaranda artıq ölmüşdü. Gəlinimizin meyitini isə ev söndürüləndən sonra yanğınsöndürənlər tapıblar. Həkimlər deyirlər ki, onlar öncə tüstüdən zəhərlənib, daha sonra yanaraq ölüblər", — R.Əzimov bildirib.

O əlavə edib ki, hadisə yerinə kənd icra nümayəndəsi, FHN-in yanğınsöndürənləri gəlib. Eyni zamanda qonşular da əllərindən gələni ediblər. Yanğını səhər saat 06:00-a kimi söndürülüb. Yanğın çox güclü olduğu üçün ev yanaraq külə dönüb.

322
Teqlər:
Təzə Alvadı kəndi, Masallı rayonu, ailə, ev, yanğın
Əlaqədar
Gəncədə yaşayış binası yanır, yaralılar var
Onlar seçkisiz qalacaqlar: MSK binası yandı
Paytaxtın bu ərazisində yanğın baş verdi, elektrik xətləri kəsildi
Bakıda yaşayış binasında yanğın baş verib
Məktəblilər, arxiv şəkli

Atəş nəticəsində ölən xəsarət alan məktəblilərin sayı açıqlandı

27
Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub.

BAKI, 24 oktyabr — Sputnik. Sentyabrın 27-dən bu günə qədər Ermənistan silahlı qüvvələrinin təcavüzü nəticəsində 8 məktəblimiz həlak olub, 16 məktəblimiz yaralanıb.

Bu barədə Sputnik Azərbaycan-a Təhsil Nazirliyinin Mətbuat Xidmətindən məlumat verilib.

Qeyd edilib ki, ümumilikdə 40-a yaxın məktəbə ciddi ziyan dəyib:

"Oktyabrın 24-də səhər saatlarında Ermənistanın silahlı qüvvələri tərəfindən Goranboy və Tərtər rayonları raket və ağır artilleriyadan atəşə tutulub. Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub. Belə ki, həmin raketlərdən biri Orxanın yaşadığı həyətə düşüb. Orxan rayonun Xoruzlu kənd tam orta məktəbində 10-cu sinifdə təhsil alırdı.

Həmçinin, oktyabrın 17-də düşmən tərəfindən Gəncə şəhərinə raket atılması nəticəsində xəsarət almış 2007-ci il təvəllüdlü Mayakov Artur Vasilyeviç göstərilmiş tibbi yardımlara baxmayaraq, bu gün stasionar qaydada müalicə olunduğu xəstəxanada vəfat edib. Artur Gəncə şəhəri K.D.Uşinski adına 29 nömrəli tam orta məktəbin 7-ci sinif şagirdi idi.

Allahdan şagirdlərimizə rəhmət diləyir, yaxınlarına dərin hüznlə başsağlığı veririk!"

27
Mövzu:
Azərbaycan və Ermənistan arasında müharibə
 Meyitxana, arxiv şəkli

Balaxanı qəsəbəsində qətl törədilib

29
Faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

BAKI, 24 oktyabr — Sputnik. Oktyabrın 23-də saat 09 radələrində Sabunçu rayonu, Balaxanı qəsəbə sakini 1988-ci il təvəllüdlü Məmmədov Natiq Fəxrəddin oğlunun bıçaqlanaraq öldürülməsi barədə rayon prokurorluğuna məlumat daxil olub.

Sputnik Azərbaycan Sabunçu Rayon Prokurorluğunun məlumatına istinadla xəbər verir ki, dərhal prokurorluq əməkdaşları tərəfindən hadisə yerinə və meyitə baxış keçirilib, digər zəruri prosessual hərəkətlər yerinə yetirilib.

Aparılmış araşdırmalarla Balaxanı qəsəbə sakini 1995-ci il təvəllüdlü Mahmudov Ülvi Vüqar oğlunun aralarında yaranmış mübahisə zamanı bıçaqla xəsarət yetirərək Natiq Məmmədovu qəsdən öldürməsinə əsaslı şübhələr müəyyən edilib.

Faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Ülvi Mahmudov şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir.

29
ABŞ bayrağı, arxiv şəkli

ABŞ-ın Bakıdakı Səfirliyi terror təhlükəsi haqda xəbərdarlıq edib: Bu otellərdən uzaq olun

6
(Yenilənib 22:35 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

6