Taksi

Lənkəranda qeyri-adi qətl: Taksi sürücüsü qonşu rayonun sakinini evinə çatdırmadı

455
(Yenilənib 21:26 07.05.2018)
Lənkərana toya gedən Lerik sakini yad evdə öldürülərək basdırıldı

Ramella İbrahimxəlilova, Sputnik Azərbaycan

BAKI, 7 may — Sputnik. Lənkəran polisi və prokurorluğunun əməkdaşları keçirdikləri əməliyyat-axtarış tədbirləri nəticəsində qəsdən adamöldürmə faktının üstünü açıblar.

Bu barədə Sputnik Azərbaycan-a Lənkəran rayonunun hüquq-mühafizə orqanlarının əməkdaşları məlumat veriblər.

Bir ay bundan qabaq itkin düşmüş Lerik rayon sakini Mirisi Babayevin cəsədi Lənkəran rayonundakı xüsusi evlərdən birinin zirzəmisində basdırılmış şəkildə tapılıb. Onun qətlində rayonun Aşağı Nüvədi kənd sakini Tələt Dadaşov şübhəli bilinərək saxlanılıb.

Araşdırma zamanı Babayevin niyə öldürüldüyü məlum olub. 

Oğurlanmış avtomobil
© Sputnik / Shahperi Abbasova

Belə ki, martın 19-da Lənkəran rayon Polis İdarəsinə Babayevin doğmaları müraciət edərək onun martın 16-da Sütəmurdov kəndi ərazisində yoxa çıxdığını bildiriblər. Sonra hüquq-mühafizə orqanlarının əməkdaşları müəyyən ediblər ki, həmin gün Babayev dəvət edildiyi toya gedib. Bir müddət toyda oturandan sonra o, evə getmək üçün taksi tutub. Amma kişi evə gəlib çatmayıb. Aşağı Nüvədi kəndində Babayevin izləri itib.

Sən demə, Babayevin çağırdığı taksinin sürücüsü Dadaşovun özəl taksi xidməti göstərən qohumu olub. Taksi sürücüsü kişini evinə çatdırmayıb, çünki onu hara aparacağını bilməyib. Babayev spirtli içkinin təsirindən möhkəm sərxoş olduğundan yolda yatıb. Taksi sürücüsü onu oyatmağa çox cəhd göstərsə də, alınmayıb. Sərxoş müştərinin onu iş-gücündən edəcəyini düşünən taksi sürücüsü Babayevi öz qohumu Tələt Dadaşovun evinə gətirib. Sürücü Dadaşova deyib ki, müştəri özünə gələndən sonra gəlib onu aparacaq. Bir neçə saat keçəndən sonra ayılan Babayev taksi sürücüsünün onun dalınca gəlmədiyini görərək narazılığını bildirib. Babayev taksi sürücüsünü söyməyə başlayıb. Amma Dadaşov bildirib ki, qohumunun təhqir olunmasına dözmək fikri yoxdur. Ancaq çağırılmamış qonaq dilini dinc saxlamayıb. Bu zaman Dadaşov Babayevin başına zərbə endirib və o, dərhal yerindəcə ölüb. Cinayətin izini itirmək üçün Dadaşov qurbanını evin zirzəmisində basdırıb.

İstintaq Babayevin cəsədinin qalıqlarını çıxararaq müayinəyə göndərib. Faktlа bağlı araşdırma aparılır.

455
Əlaqədar
Yasamalsayağı soyğun: Bakıdakı tarixə düşəcək oğurluğun detalları
Azərbaycanda müdhiş bank soyğunu baş verib
Soyğunçuluq elədilər, amma qaça bilmədilər
Paytaxtda 300 min manat dəyərində soyğunçuluq
Elmi mərkəzdə seysmoqraf

Xəzər dənizində zəlzələ oldu

14
Zəlzələlərin tədqiqatı bürosunun məlumatına əsasən, yeraltı təkanlar yerli vaxtla saat 20:32-də, 3,4 maqnitudada qeydə alınıb.

BAKI, 2 dekabr - Sputnik. Xəzər dənizində zəlzələ qeydə alınıb.

Bu barədə Sputnik Azərbaycan AMEA nəzdində Respublika Seysmoloji Xidmət Mərkəzinə istinadən xəbər verir.

Zəlzələlərin tədqiqatı bürosunun məlumatına əsasən, yeraltı təkanlar yerli vaxtla saat 20:32-də, 3,4 maqnitudada qeydə alınıb. Zəlzələ ocağı 57 kilometr dərinlikdə yerləşib.

14
Teqlər:
Xəzər dənizi, zəlzələ
Məmur, arxiv şəkli

Bərəkallah dedirdən "qabiliyyət": Xaricdə oturub Lənkərandakıları mühafizə edirmiş

25
(Yenilənib 15:31 02.12.2020)
Hazırda cinayət işi üzrə təqsirli şəxslərin tam dairəsinin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

BAKI, 2 dekabr — Sputnik. Lənkəran rayon Xarxatan kənd sakini, 1984-cü il təvəllüdlü Bəhruz Nəsirov barəsində Rusiya Federasiyasının İstintaq Komitəsindən Baş Prokurorluq vasitəsilə Lənkəran rayon prokurorluğuna cinayət işi üzrə hüquqi yardım göstərilməsinə dair beynəlxalq tapşırıq daxil olub.

Sputnik Azərbaycan Lənkəran Rayon Prokurorluğunun məlumatına istinadla xəbər verir ki, həmin beynəlxalq tapşırığın icrası ilə əlaqədar sorğular verilmiş və Bəhruz Nəsirovun 09.08.2018-ci il tarixdə Azərbaycan Respublikası ərazi hüdudlarını tərk edərək Rusiya Federasiyasına getməsi və geri qayıtmamasına baxmayaraq 21.04.2020-ci il tarixdən "Lənkəran Beynəlxalq Mühafizə Xidməti" MMC-də işə düzəlməsi müəyyən edilib.

"Lənkəran Beynəlxalq Mühafizə Xidməti" MMC-nin rəisi İlkin Məmmədovun Bəhruz Nəsirovun ölkə xaricində olmasına baxmayaraq Azərbaycan Respublikasının Əmək və Əhalinin Sosial Müdafiəsi Nazirliyinin elektron sisteminə bilə-bilə yalan məlumatları daxil etməklə tamah niyyəti ilə həmin şirkətə mühafizəçi kimi rəsmiləşdirməklə vəzifə səlahiyyətlərindən sui-istifadə etməsinə əsaslı şübhələr müəyyən edilib.

Faktla bağlı Lənkəran rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

Hazırda cinayət işi üzrə təqsirli şəxslərin tam dairəsinin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

25
Teqlər:
mühafizə, Rusiya, Lənkəran, cinayət işi, vəzifəli şəxs
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

0
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

0