İinsan kölgələri, arxiv şəkli

Bakıda həmcinsinə əxlaqsız təklif edən gəncin başına nələr gəldi - Təfərrüat

1699
(Yenilənib 16:36 04.05.2018)
Paytaxt ərazisində bir gündə iki bıçaqlanma hadisəsi qeydə alınıb

BAKI, 4 may — Sputnik. Paytaxtın daxili işlər orqanları ötən sutka ərzində bədənə xəsarət yetirməklə bağlı iki faktı qeydə alıb. Binəqədi rayon Polis İdarəsindən Sputnik Azərbaycan-a verilən məlumata görə, Bakıda seksual azlığın nümayəndəsinə soyuq silahla hücum edilib.

Belə ki, Binəqədi rayonunda 5-ci polis bölməsinin ərazisində dörd nəfər arasında dava düşüb. Bu zaman 1994-cü il təvəllüdlü Şükran Qurbanov bıçaq yarası alıb. Cinsi azlıqların nümayəndəsi olan gəncə boyun nahiyəsindən xəsarət yetirilib.

İlkin məlumata görə, dava iştirakçıları arasında mübahisə Qurbanovun digər həmcinsinə əxlaqsız təklif etməsindən sonra yaranıb. Əldə etdiyimiz məlumata görə, Ş.Qurbanov küçədə bir neçə gənc oğlana sataşıb və onlara cinsi yaxınlıq təklif edib. Bu, gənclərin qəzəbinə səbəb olub, yaranan mübahisə davaya çevrilib və Qurbanovun bıçaqlanması ilə nəticələnib.

Polisdən bildiriblər ki, davanın bütün iştirakçıları (hələlik adları açıqlanmır) saxlanılıb. Onlara qarşı AR Cinayət Məcəlləsinin 221-ci maddəsi (Xuliqanlıq) ilə cinayət işi açılıb.

Sutka ərzində daha bir bıçaqlanma hadisəsi də Xəzər rayonunda qeydə alınıb. Burada cinayətin qurbanı Türkan qəsəbə sakini, 1993-cü il təvəllüdlü Mirzəyev Mirzəli Əsgər oğlu olub. Mirzəyev ona hücum edən şəxsi tanımadığını bildirib. Hazırda hüquq-mühafizə orqanlarının əməkdaşları bu hadisə ilə bağlı həqiqəti üzə çıxarmağa çalışırlar.

1699
Teqlər:
bıçaq, Binəqədi rayonu, cinayət, paytaxt, polis, xəsarət
Əlaqədar
Seksual mövzuların məktəb və universitetlərdə tədrisi vacibdirmi?
Dünyanın ən seksual qadını ərini döydü
Daxili işlər naziri cinsi azlıqları nədə ittiham etdi — Rəsmi
Bakıda cinsi azlıqlar çay evinə basqın ediblər
İldırım, arxiv şəkli

Azərbaycanda 18 yaşlı oğlanı ildırım öldürdü

21
İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb.

BAKI, 17 may - Sputnik. Samuxda bədbəxt hadisə baş verib.

Sputnik Azərbaycan APA-ya istinadən bildirir ki, hadisə rayonun Hacıalılı kəndində qeydə alınıb.
Kənd sakini, 2003-cü il təvəllüdlü Sənan Zaur oğlu Həsənov təsərrüfatda mal-qara otaran zaman onu ildırım vurub. 18 yaşlı gənc həmin an ölüb.

İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb. Digər 2 nəfər bir neçə dəqiqədən sonra ayağa qalxıb.

İldırımın çaxdığı məqamda S.Həsənovun telefonla danışdığı bildirilib. Faktla bağlı Samux rayon Prokurorluğunda araşdırma aparılır.

Eləcə də oxuyun:

* Qubadakı hadisənin dəhşətli pərdəarxası: qardaşı ilə dərdləşib intihar etdi

* İsmayıllıda yeni ailə quran gənc oğlan bədbəxt hadisə nəticəsində ölüb

21
Teqlər:
gənc, Samux, ildırım
Çay, arxiv şəkli

Qubadakı hadisənin dəhşətli pərdəarxası: qardaşı ilə dərdləşib intihar etdi

77
1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər.

BAKI, 17 may - Sputnik, Leyla Abdullayeva. Qubada iki qardaşın Qudyalçaya düşməsinin və birinin həlak olmasının təfərrüatı bəlli olub.

Sputnik Azərbaycan-ın müxbiri xəbər verir ki, hadisə bu gün saat 12 radələrində Qəçrəş yolu adlanan yaşayış massivində baş verib. Kəndin meşəlik ərazisində bir nəfər özünü hündürlükdən ataraq intihar edib. 

İlkin araşdırma nəticəsində aydın olub ki, intihar edən şəxs Quba şəhər sakini, A.Əhmədov küçəsi 21 ünvanında yaşayan, 1989-cu il təvəllüdlü Ruslan Elman oğlu İsayevdir. R. İsayevin 2019-cu ildə  arvadı Firuzə Firuz qızı Aydəmirova ilə rəsmi olaraq boşandığı və keçmiş həyat yoldaşının uşağını ona göstərmədiyi bildirilir.

Bu səbəbdən ciddi narahatlıq keçirən Ruslan İsayev bu gün "Qəçrəş yolu" adlanan meşəlik ərazidə qardaşı İsa ilə dərdləşərkən özünü qəflətən hündürlükdən atıb. Ruslan İsayev aldığı xəsarətdən yerindəcə keçinib. Onun hadisədən öncə "Go" markalı spirtli enerji içkisi qəbul etdiyi də deyilir.
Faktla bağlı Cinayət Məcəlləsinin 125-ci (özünü öldürmə həddinə çatdırma )maddəsilə cinayət işi açılıb.

 

--------

19:34

Qubanın Qəçrəş kəndində faciəli hadisə baş verib.

Sputnik Azərbaycan bildirir ki, Fövqəladə Hallar Nazirliyinin (FHN) “112” qaynar telefon xəttinə Quba rayonu, Qəçrəş kəndində 2 nəfərin çaya düşməsi barədə məlumat daxil olub. FHN-in Şimal Regional Mərkəzinin müvafiq xilasetmə qüvvələri hadisənin baş verdiyi əraziyə cəlb olunublar.

Əməliyyat şəraiti qiymətləndirilərkən müəyyən olunub ki, 1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər. Hadisə nəticəsində İ.İsayev müxtəlif xəsarətlər alıb və vətəndaşların köməkliyi ilə çaydan çıxarılıb, qardaşı R.İsayevi tapmaq mümkün olmayıb.

Mürəkkəb relyef şəraitində həyata keçirilən axtarış-xilasetmə tədbirləri nəticəsində hadisə yerinin yaxınlığında çay kənarında tapılan Ruslan İsayevin meyiti xilasedicilər tərəfindən müvafiq qaydada götürülərək aidiyyəti üzrə təhvil verilib.

Eləcə də oxuyun: 

* Göyçayda 18 yaşlı qızın dayısı tərəfindən öldürüldüyü məlum olub

* İsmayıllıda yeni ailə quran gənc oğlan bədbəxt hadisə nəticəsində ölüb

* Oğuzda balıq ovu ölümlə bitdi

 

77
Teqlər:
FHN, həlak, qardaşlar, çay, Quba

PUA-lar kəşfiyyat üçün havaya qalxdı - Hərbi təlimlərdən möhtəşəm görüntülər

0
(Yenilənib 10:18 18.05.2021)
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

Azərbaycan Ordusunda hərbi aviasiya və müxtəlif təyinatlı pilotsuz uçuş aparatlarının da cəlb olunduğu təlimlər davam edir.

Müdafiə Nazirliyindən Sputnik Azərbaycan-a verilən məlumata görə, təlimlər çərçivəsində pilotsuz uçuş aparatlarının (PUA) heyətləri havadan müxtəlif hündürlüklərdə kəşfiyyat aparır.
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

https://www.youtube.com/watch?v=zWgZKZbL_04

0