Hindistanda təcili yardım maşını

Hindistanda güclü qum fırtınası: 100-dən çox ölü

43
(Yenilənib 16:26 03.05.2018)
Fırtına səbəbindən paytaxt Dehlidə hava limanı bağlanıb, aviareyslər təxirə salınıb

BAKI, 3 may — Sputnik. Hindistanda güclü qum fırtınası nəticəsində 100-dən çox insan ölüb, 130-dan artıq adam yaralanıb. Sputnik Azərbaycan Rusiya mətbuatına istinadən xəbər verir ki, ötən gün ölkənin şimalında yerləşən bir neçə ştatda qum fırtınası müşahidə olunub.

Telekanalın məlumatına görə, qum fırtınası nəticəsində bir neçə ev dağılıb. Güclü külək yaşayış məntəqələrinə elektrik enerjisinin verilişində fasilələrin yaranmasına səbəb olub.

Qum fırtınası ən çox Racəstan vilayətinin şərq rayonlarına – Alvar, Colpur və Bxaratpura zərər vurub. Ştatın naziri Vasundhara Raca öz "Twitter" səhifəsində ölən şəxslərin yaxınlarına başsağlığı verib və ehtiyacı olanlara köməklik göstəriləcəyini vurğulayıb.

Fırtına səbəbindən paytaxt Dehlidə hava limanı bağlanıb, aviareyslər təxirə salınıb.

43
Teqlər:
Vasundhara Raca, Racəstan, Bxaratpur, Alvar, Dehli, Hindistan
Əlaqədar
Azərbaycanda təbii fəlakət ciddi fəsadlara səbəb olub - Təhlükə var
Fandomatlar: Həm bizi fəlakətdən xilas edəcək, həm də pul qazandıracaq
Quduz itlər rayon sakinlərinə divan tutur - Yenə fəlakət
Böyük fəlakət yaxınlaşır - SOS
Politoloq: İslamafobiya dünyanı fəlakətə sürükləyir
Elmi mərkəzdə seysmoqraf, arxiv şəkli

Azərbaycanda zəlzələ olub - bu dəfə Kür qırağı silkələnib

3
Zəlzələ yerli vaxtla saat 12:16-da Cəlilabad stansiyasından 63 km şərqdə Neftçala rayonunda qeydə alınıb. Zəlzələnin maqnitudası 3,5, dərinliyi 40 km olub.

BAKI, 25 noyabr — Sputnik. Neftçala rayonunda zəlzələ olub.

Sputnik Azərbaycan-ın Respublika Seysmoloji Xidmət Mərkəzinə istinadən xəbərinə görə, zəlzələ yerli vaxtla saat 12:16-da Cəlilabad stansiyasından 63 km şərqdə Neftçala rayonunda qeydə alınıb. Zəlzələnin maqnitudası 3,5, dərinliyi 40 km olub.

Zəlzələ hiss olunmayıb.

3
Xəzər dənizi, arxiv şəkli

Xəzərdə zəlzələ olub

19
(Yenilənib 16:23 24.11.2020)
Xəzər dənizindəki zəlzələnin maqnitudası 3,2 bal, dərinliyi 62 km olub. Yeraltı təkanlar hiss olunmayıb

BAKI, 24 noyabr — Sputnik. Bu gün Xəzər dənizində zəlzələ olub. Sputnik Azərbaycan-ın Respublika Seysmoloji Xidmət Mərkəzinə istinadən verdiyi xəbərə görə, zəlzələ yerli vaxtla saat 14:11-də Xəzər dənizində qeydə alınıb.

Zəlzələnin maqnitudası 3,2, dərinliyi 62 km olub. Zəlzələ hiss olunmayıb.

19
Teqlər:
zəlzələ, Xəzər dənizi
Bakıda parkomat, arxiv şəkli

Parklama probleminin həlli üçün Bakıya beynəlxalq şirkət dəvət edilib

0
BNA nümayəndəsi: Azərbaycana beynəlxalq məsləhətçi şirkət dəvət olunub və o, parklanma məsələlərini təhlil edir.

BAKI, 25 noyabr — Sputnik. Bakı şəhərində avtomobillərin parklanması ilə bağlı baş plan və tarif siyasəti hazırlanacaq.

Sputnik Azərbaycan xəbər verir ki, bunu "Caspian Energy Club"un təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, bu plan ilk növbədə ictimaiyyətə təqdim olunacaq və daha sonra onun tətbiqinə başlanacaq:

"Hazırda bu istiqamətdə görülən işlər çərçivəsində beynəlxalq məsləhətçi şirkət dəvət olunub, hansı ki, parklanma məsələlərini təhlil edir. Təbii ki, parkanmanın idarə edilməsi ümumiyyətlə şəhər nəqliyyat infrastrukturunun ən vacib amilidir. Çünki bu, həm sahibkarların fəaliyyətinə təsir göstərir, həm də tıxaca təsir edir. Bu gün demək olar ki, Bakı şəhərində parklanma pulsuzdur və ona görə də tıxac problemi mövcuddur".

0
Teqlər:
pullu parklama, parklama, Bakı Nəliyyat Agentliyi, BNA