Sərhəd

Biləsuvarda əməliyyat: Keşikçilərimiz "Pusqu"dan çıxdı, 5 əcnəbi yaxalandı

84
(Yenilənib 11:27 01.05.2018)
Saxlanılmış şəxslər barəsində zəruri əməliyyat-istintaq tədbirləri həyata keçirilir

BAKI, 1 may — Sputnik. Azərbaycan Respublikasının Dövlət Sərhəd Xidməti (DSX) tərəfin­dən sər­həd təhlükəsizliyinin təmin edilməsi sahəsində əməliyyat-axtarış və sər­­həd mühafizə tədbirləri uğurla davam etdirilir. DSX-nın mətbuat xidmətindən Sputnik Azərbaycan-a verilən məlumata görə, 26 aprel 2018-ci il tarixdə DSX əməkdaşlarının sayıqlığı və pe­şə­kar­lığı sayəsində 5 nəfər əcnəbi vətəndaş tərəfindən dövlət sər­hə­di­nin pozulmasının qarşısı alınıb.

Hadisə Dövlət Sərhəd Xidmətinin "Göytəpə" sərhəd dəstəsinin xidməti ərazisində baş verib. Həmin tarixdə Biləsuvar rayonunun Biləsuvar kəndi yaxınlığındakı sərhəd zastavasının xidməti sahəsində "Pusqu" sərhəd "naryadı"nda olan sərhədçilər tərəfindən arxa istiqa­mət­dən mühəndis çə­pərinə yaxınlaşan 5 nəfər naməlum şəxs müşa­hidə olunub və hərə­kətləri nəzarətə götürülüb.

Saxlanılan əcnəbilər
© Photo : Dövlət Sərhəd Xidmətinin Mətbuat xidməti
Saxlanılan əcnəbilər

Həmin şəxslər sər­həd "zastavası"nın mü­həndis çəpərindən keçməyə cəhd edərkən sərhəd "naryadı" tərə­findən sərhəd pozucusu qismində saxlanılıblar.

Araşdırma zamanı Azərbay­can Res­pub­li­­kasından İran İslam Res­publikası istiqamətində dövlət sərhədini pozmağa cəhd göstərən şəxslərin Şri-Lanka vətəndaşları — 1987-ci il təvəl­lüdlü Kunarathinam Thuvisan, 1977-ci il təvəllüdlü Sellakılı San­thı­rakumar, 1983-cü il təvəllüdlü Ratnasingam Satheesku­mar, 1994-cü il təvəllüdlü Gu­nasl­gar Kamstan və 1978-ci il təvəllüdlü Anthony Cross Anthony Belder olduqları müəyyən olunub.

Saxlanılmış şəxslər barəsində zəruri əməliyyat-istintaq tədbirləri həyata keçirilir.

84
Teqlər:
DSX, Dövlət Sərhəd Xidməti, Azərbaycan Respublikası
Əlaqədar
Cənub sərhədlərimizdə nəhəng terror şəbəkəsi məhv edilib
Gürcüstan-Azərbaycan sərhədində sərhədçinin cəsədi tapıldı
Vətəndaşlara "Gürcüstan xəbərdarlığı"nın açması: Sərhədə çatmadan oxuyun
Sərhəddə əməliyyat: Azərbaycan minlərlə avropalını xilas etdi