Masazırda duz gölü daşıb

Həyəcan siqnalına cavab: Abşeronda təhlükənin qarşısı alındı

1015
(Yenilənib 16:48 03.04.2018)
Aidiyyatı qurumlar suyun yolu tam basmasının qarşısını alıb

İradə Cəlil, Sputnik Azərbaycan

BAKI, 3 aprel — Sputnik. Abşeron rayonu, Masazır qəsəbəsinin ərazisindəki Duz gölü əhalinin istifadəsi üçün açıq idi. Yəni insanlar müalicə məqsədilə ilə gölə üz tutur, onun duzundan və suyundan istifadə edirdilər.

Masazır duz gölü daşır
© Sputnik / Irade JELIL

2010-cu ildə bu ərazidə Duz zavodu inşa edildi və zamanla Duz gölünün ətrafı hasara alındı. Hasarların qarşısına isə Duz gölünə girişin qadağan edilməsinə dair lövhələr vuruldu. Bu hadisə başlanğıcda ətrafda yaşayan və müalicə məqsədilə gölə üz tutan insanlar tərəfindən narazılıqla qarşılansa da, get-gedə sakinlər taleləri ilə barışmalı oldular.

Dünən günorta saatlarından başlayaraq isə Masazır Duz gölündə suyun səviyyəsi artaraq yolu basıb. Yolu suyun basması avtomobillərin hərəkətində də problemlər yaradıb.

Taksi sürücü Anar Əhmədovun Sputnik Azərbaycan-a danışdığına görə, su basan ərazidə yolun digər tərəfinin bir hissəsində hərəkət yeni tikinti ilə əlaqədar olaraq məhdudlaşdırılıb. Buna görə də, avtomobillərin hərəkətində problem müşahidə edilir.

"Su basma, əsasən günün ikinci yarısında artıb. Bütün yol xəttini su basmışdı. Hərə bir söz deyir. Bəzisi deyir ki, kanalizasiya suyu axıdıldığına görə göl daşır. Bəzilərinin fikrincə isə, gölün içindən yol çəkildiyinə görə göl kiçilib və daşıb", — deyə sürücü bildirib.

Yerli sakinlərin sözlərinə görə isə, təxminən 4-5 il əvvəl gölün kənarında dəmir barmaqlılar olmayıb. O vaxtlar gölün içində yol da çəkilməyib. Sonradan isə göl zavoda verilib.

Ərazi sakini Səbirə Əliyevanın dediyinə görə, göldə ara-sıra daşmalar baş verib. Amma bu dərəcədə olmayıb: "Yaxınlıqda yeni binalar da tikilir. Məncə, gölə kanalizasiya suları axıdıldığı üçün daşır. Bir də, gölün içərisindən bir hissə qurudulub. Bu da daşmaya səbəb ola bilər. Ancaq düşünürəm ki, bu gölü tamamilə qurutmaq mümkün deyil. Burada qurudulsa belə, haradansa su vurub çıxacaq".

Masazırda duz gölü daşıb
© Sputnik / Irade JELIL
Masazırda duz gölü daşıb

Ekologiya və Təbii Sərvətlər Nazirliyinin (ETSN) Milli geoloji planlama ekspedisiyasının rəisi Əziz Qaralov isə Sputnik Azərbaycan-a açıqlamasında bildirib ki, Masazır Duz gölünün daşması hava şəraiti ilə əlaqəli olub: "Dünən siz məlumat verdikdən sonra əməkdaşlarımız ərazidə olub. Həmin ərazidə yolun səviyyəsi aşağıdır. Küləklə əlaqəli su ləpələnir və yolu basır".

"Ərazidə kənardan su gəlsin, dolsun, suyun səviyyəsi qalxsın — bununla əlaqəli deyil. Belə hallar müşahidə edilməyib. Yol su səviyyəsindən 10-12 sm hündür olanda, ləpə 40-50 sm olanda qalxıb yolu basır", — deyə Qaralov əlavə edib.

ETSN rəsmisi gölə kanalizasiya sularının axıdılması ilə bağlı deyilənlərə də aydınlıq gətirib: "Ərazidə olan "Badam Villa" və qaçqınların yaşadığı binaların kanalizasiya sistemləri mövcud olduğu üçün həmin yaşayış komplekslərindən gölə su axıdılmır".

Bu gün yerli sakinlərin Sputnik Azərbaycan-a verdikləri məlumata görə, dünən axşam saatlarında aidiyyatı qurumlar suyun yolu tam basmasının qarşısını alıb.

1015
Teqlər:
Duz Zavodu, subasma, duz gölü, Masazır qəsəbəsi, Əziz Qaralov, Sputnik Azərbaycan, Abşeron rayonu, kanalizasiya, su, yol
Əlaqədar
Masazır sakinləri suda boğulurlar: Günah kimdədir?
"Masazırda su altında qalmış avtomobillər satışa çıxarılacaq"
Masazırda xilasetmə əməliyyatı
Masazırda ağır qəza oldu, ölən var
Qadın pəncərə yaxınlığında, arxiv şəkli

Bakıda daha bir intihar - özlərini eyni üsulla öldürdülər

53
(Yenilənib 19:55 26.01.2021)
Hadisə yanvarın 26-sı saat 17 radələrində paytaxtın Binəqədi rayonu, S.S.Axundov küçəsində qeydə alınıb

BAKI, 26 yanvar - Sputnik. Bakıda daha bir intihar hadisəsi baş verib.

Sputnik Azərbaycan "Report"a istinadən xəbər verir ki, hadisə yanvarın 26-sı saat 17 radələrində paytaxtın Binəqədi rayonu, S.S.Axundov küçəsində qeydə alınıb.

Bakı sakini, 1983-cü il təvəllüdlü Məmmədzadə Səbinə Adil qızı yaşadığı çoxmərtəbəli binanın 6-cı mərtəbəsindən özünü ataraq intihar edib.

Faktla bağlı Binəqədi rayon Prokurorluğu tərəfindən araşdırmalar davam etdirilir.

Qeyd edək ki, iki gün əvvəl Bakının Nərimanov rayonunda oxşar intihar hadisəsi olmuşdu. 1991-ci il təvəllüdlü Qurbanova Sevda Şikar qızı özünü yaşadığı binanın 18-ci mərtəbəsindən atmış, hadisə yerində keçinmişdi.

53
Teqlər:
qadın, Bakı, intihar

Can bazarında axtarışlar: Xırdalanda xilasetmə işləri - FOTO

18
(Yenilənib 17:35 26.01.2021)
On səkkiz saat davam edən axtarışlardan sonra FHN-in xilasediciləri körpə Fatimənin cansız bədənini dağıntılar arasından çıxara bildilər

Yanvarın 25-i saat 18:40-da Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində partlayış baş verib. Nəticədə uçqun olub. FHN xilasediciləri dağıntılar altından 6 nəfəri xilas ediblər. İki nəfər isə təəssüf ki, həlak olub. 

Sputnik Azərbaycan bildirir ki, həlak olanlardan biri - 2012-ci il təvəllüdlü Musayeva Fatimə Vüsal qızının meyitini xilasedicilər bu gün günorta saatlarında dağıntılar arasından çıxara biliblər. Fatimənin anası, 33 yaşlı Aytən Musayevanın meyiti isə dünən gecə saatlarında tapılıb. Onun həyat yoldaşı, 38 yaşlı Vüsal Musayev və 12 yaşlı oğlu Firudin Musayev partlayışdan sağ qurtulsalar da, xəsarət aldıqlarından xəstəxanaya yerləşdiriliblər. 

Dağıntılar arasında axtarışlara Fövqəladə Hallar Nazirliyinin 228 əməkdaşı, eləcə də 19 texnikası, dörd xidmət iti, həmçinin Dövlət Yanğından Mühafizə Xidmətinin 20 əməkdaşı və 3 ədəd texnikası cəlb edilmişdi.

18
  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

  • © Sputnik / Murad Orujov

    Xırdalanda hadisə yerində

Teqlər:
fotolent, axtarış, xilasedicilər, dağıntılar, partlayış, Xırdalan
Yaponiyada qoruyucu maskada olan insanlar

Avropanın "ağ siyahısı": yaponları oradan silirlər

0
(Yenilənib 00:58 27.01.2021)
Avropa Birliyi sərhədlərini Yaponiya vətəndaşlarının üzünə bağlamağa hazırlaşır. Bu ölkənin "ağ siyahı"dan çıxma ehtimalı yüksəkdir

BAKI, 27 yanvar - Sputnik. Avropa Birliyi ölkələrinə gəlməyə icazəsi olan insanların siyahısından Yaponiya vətəndaşları çıxarıla bilər.

Sputnik Azərbaycan bildirir ki, Avropa Birliyinin bu niyyəti barədə Bloomberg öz mənbələrinə istinadən yazır. 

Agentliyin məlumatına görə, bu qərar Yaponiyada koronavirusa yoluxmanın artması ilə bağlıdır.  

Mənbə bildirib ki, Avropa Birliyinin yenilənmiş "ağ siyahısı"nda cəmi yeddi ölkə olacaq və yalnız bu ölkələrin vətəndaşları AB-yə üzv ölkələrə səyahət edə biləcəklər. 

Siyahıdakı "xoşbəxtlər" isə Avstraliya, Çin, Yeni Zelandiya, Ruanda, Sinqapur, Cənubi Koreya və Tailanddır. COVID-19-a yoluxma sayının kəskin artması səbəbindən Böyük Britaniya bu siyahını yanvarın 1-dən tərk edib. 

0
Teqlər:
Koronavirus, qadağa, Avropa Birliyi, vətəndaşlar, Yaponiya
Mövzu:
Yeni tip koronavirus pandemiyası