Əli silahlı adam

Masallı Bakıda yaşanan qanlı olayların təfərrüatı: "Oğru" özünü niyə öldürtdü?

578
(Yenilənib 17:30 27.03.2018)
Martın 23-də Masallıda başlayan və ayın 24-də Bakıda ölümlə başa çatan silahlı insidentin ilkin təfərrüatı məlum olub

BAKI, 27 mart — Sputnik. O, günahkar hesab etdiyi adamdan intiqam almaq istəyirdi, lakin bu, ona öz həyatı bahasına başa gəldi. Martın 23-də Masallıda başlayan və ayın 24-də Bakıda ölümlə başa çatan silahlı insidentin ilkin təfərrüatı məlum olub. Bu barədə Sputnik Azərbaycan-a hüquq-mühafizə orqanlarından məlumat verilib.

Martın 24-ü axşam Bakının Nərimanov rayonu ərazisində Nərimanov Rayon Prokurorluğunun qarşı tərəfindəki mərasim evinin yaxınlığında ("Gənclik" metrostansiyasınını yaxınlığında), 1977-ci il təvəllüdlü Zaur Əliyev güllələnib. O, bir gün əvvəl Masallı rayonunda baş verən silahlı hücumda iştirak etməkdə şübhəli bilinir. Baş Mütəşəkkil Cinayətkarlıqla Mübarizə İdarəsinin əməkdaşları onu Nərimanov rayonunda təqib ediblər və yaxalanan zaman öldürüblər.

Martın 24-ü axşamı öldürülən Zaur Əliyev əvvəllər dəfələrlə məhkum edilmiş təhlükəli narkoman olub. Bu hadisə baş verəndən bir sutka əvvəl Masallı rayonunda Qızılavar kəndinin sakini, 1953-cü il təvəllüdlü Ağaəddin Nuru oğlu Ağayev odlu silahla ağır yaralanıb. Ona Zaur Əliyev hücum edib. Ağayevin bədənində 7 güllə yarası aşkarlanıb. Kişi indiyədək Masallı rayon Mərkəzi Xəstəxanasının reanimasiya şöbəsində ağır vəziyyətdədir.

Bu arada Ağayevə qarşı silahlı basqının səbəbləri məlum olub. Araşdırma zamanı məlum olub ki, əvvəllər Rusiyada dəfələrlə məhkum olunmuş Zaur Əliyev Ağayevdən oğlunun yerini ona deməyi tələb edib.

İlkin məlumatlara görə, Əliyev Ağayevin oğlunu qısqanclıq zəminində, ailəsinin şərəf və ləyaqətini qorumaq üçün axtarırmış. Məqsədi "rüsvayçılığı qanla yumaq" olub. Lakin Əliyev oğul Ağayevin harada gizləndiyini bilmirmiş.

Bu səbəbdən də "Makarov" markalı tapança ilə silahlanmış Əliyev "Mercedes" markalı avtomobilinə minərək ata Ağayevi yolda haqlayıb. Cani kişiyə dəfələrlə atəş açıb. Lakin oğlunun harada olduğuna dair özünə lazım olan informasiyanı ala bilməyib. Cinayəti törətdikdən sonra Əliyev qaçaraq gizlənib.

DİN Baş Mütəşəkkil Cinayətkarlıqla Mübarizə İdarəsi və Masallı Rayon Polis Şöbəsi əməkdaşları Əliyevin izinə düşüblər. Onların birgə keçirdikləri əməliyyat-axtarış tədbirləri nəticəsində Əliyevin paytaxtın Nərimanov rayonu ərazisində gizləndiyini müəyyən ediblər. Əməliyyatçılar ondan təslim olmağı tələb ediblər. Lakin Əliyev təslim olmaq əvəzinə silahlı müqavimət göstərib.

O, Nərimanov Rayon Prokurorluğunun binası qarşısında polislərə atəş açmağa başlayıb və bu zaman öldürülüb. Üzərindən 1 ədəd "Makarov" markalı tapança və 3 ədəd patron, gizləndiyi mənzildən isə 2 ədəd qumbara və 5 ədəd giliz aşkar edilərək götürülüb.

"Əliyev təhlükəli narkoman olub. Öz cəsarətli addımları ilə fərqlənirdi və "oğru" qanunları ilə yaşayırdı. O, bütün cəza müddətlərini Rusiya həbsxanalarında keçirib və etnik kriminal qruplaşmalara qoşulub. O bilirdi ki, dəmir barmaqlıqlar arasında narkotik çatışmazlığından əziyyət çəkəcək və bədənindəki dəhşətli ağrılar ona işgəncə verəcək. Ona görə də təslim olmamaq qərarına gəlib və polisi onu öldürməyə təhrik edib" — deyə hüquq-mühafizə orqanlarından bildiriblər.

Hazırda AR Baş Prokurorluğunda faktla bağlı araşdırma aparılır.

578
Teqlər:
Ağaəddin Nuru oğlu Ağayev, polis, Zaur Əliyev, Nərimanov Rayon Prokurorluğu, Nərimanov rayonu, Bakı, güllə, cani, narkoman
Əlaqədar
Kriminal aləmdə yeni müharibə gözlənir: Erməni “qanuni oğru” Lotu Quliyə şər atıb
Azərbaycanda 31 nəfər kriminal avtoritet saxlanılıb
Azərbaycanda kriminal avtoritetin evi qarət olunub, silah-sursat oğurlanıb
Azərbaycanlı biznesmenlər kriminallara iri məbləğdə pul ödəməyə məcbur ediliblər
Kriminal müharibə başladı: Lotu Qulini təhqir edən çeçen güllələndi - VİDEO
Kriminal avtoritetin qızı atasından danışdı: "Evə qan içində gəlirdi"
Kriminal aləm və xüsusi xidmətlərin diqqəti orada: "Lotu Quli"nin taleyi həll olunur
Paytaxt sakinlərini cana doyuran kriminal dəstə zərərsizləşdirildi
Qəza, arxiv şəkli

Bakıda təkərin partlayaraq iki nəfəri ağır yaralamasının GÖRÜNTÜLƏRİ

263
(Yenilənib 19:52 26.07.2021)
Adi ehtiyatsızlıq paytaxtın Nərimanov rayonunda iki vətəndaşın ağır şəkildə yaralanmasına səbəb olub.

BAKI, 26 iyul — Sputnik. Bakıda təkərin partlaması iki nəfərin yaralanmasına səbəb olub.

Sputnik Azərbaycan xəbər verir ki, hadisə iyulun 23-də Nərimanov rayonu, Ə.Qayıbov küçəsində baş verib.

Yük avtomobilinin təkərinə atmosfer vurularkan yanlışlığa yol verildiyindən təkər havaya uçub. Onun diski isə yaxınlıqda kafedə əyləşmiş insanların masasına düşüb.

Hadisə nəticəsində iki nəfərin ağır xəsarətlər aldığı bildirilir.

263

Toyda qətl - Daşkəsən prokurorluğu baş verən ilginc hadisə barədə

2565
(Yenilənib 10:30 26.07.2021)
Şakir Tağıyev tanışı Eldəniz Namazov ilə şəxsi münasibətlər zəminində aralarında yaranmış mübahisə zamanı bıçaqla sonuncunun ürək nahiyəsinə xəsarət yetirərək onu qəsdən öldürüb.

BAKI, 26 iyul - Sputnik. Daşkəsən Rayon Prokurorluğu toy zamanı baş verən qətllə bağlı rəsmi məlumat yayıb. Prokurorluqdan Sputnik Azərbaycan-a daxil olan məlumatda deyilir:

"İyulun 25-i saat 18 radələrində Daşkəsən rayon sakini 1998-ci il təvəllüdlü Eldəniz Namazovun öldürülməsi barədə rayon prokurorluğuna məlumat daxil olub. Aparılmış araşdırmalarla müəyyən edilib ki, rayon ərazisində təşkil olunmuş toy məclisində iştirak edən rayon sakini Şakir Tağıyev tanışı Eldəniz Namazov ilə şəxsi münasibətlər zəminində aralarında yaranmış mübahisə zamanı bıçaqla sonuncunun ürək nahiyəsinə xəsarət yetirərək onu qəsdən öldürüb.

Faktla bağlı Daşkəsən Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Şakir Tağıyev şübhəli şəxs qismində tutularaq istintaqa cəlb edilib. Hazırda istintaq davam edir".
Qeyd edək ki, iyulun 25-də Daşkəsən şəhərində keçirilən toy mərasimində 23 yaşlı gənc ürəyindən bıçaqlanıb. O, xəstəxanaya aparılarkən yolda dünyasını dəyişib. Hadisə rayonda "Köhnə stadion" adlanan ərazidə keçirilən toy məclisində qeydə alınıb.

Xatırladaq ki, iyulun 20-də Tovuzda toyda düşən dava üç nəfərin bıçaqlanması ilə nəticələnmişdi.

İsmayıllıda bəy bıçaqlandı, atası ürək tutmasından öldü

Daha əvvəl analoji hadisə İsmayıllıda şadlıq saraylarının birində keçirilən toy mərasimində baş verib. Daxili İşlər Nazirliyinin (DİN) mətbuat xidmətinin iyulun 19-da yaydığı məlumata görə, toyda baş verən mübahisə zəminində bəy Abuzər Tahirli və onun qardaşı İlkin Tahirli bıçaqlanıb.

Hadisəni törədən şəxsin İsmayıl şəhər sakini Hafiz Ağazadə olduğu müəyyən olunub. Onun saxlanılması istiqamətində zəruri istintaq tədbirləri davam etdirilib. Faktla bağlı cinayət işi başlanılıb. İstintaq aparılır.

Bəyin atası Nəriman Səfərəliyev isə hadisədən sonra ürək tutmasından vəfat edib.

Həmçinin oxuyun:

* İsmayıllıda toy yasa döndü: bəyin bıçaqlanma xəbərini eşidən ata vəfat etdi

* Toydan çıxan gənclər qəzaya düşdülər, ölən var

* Toylarda yoxlamalar sərtləşdirildi - 1562 nəfər toy şənliyinə buraxılmayıb

* Qaydalara məhəl qoymayan şadlıq evinin sahibinə cinayət işi açıldı

* Toy adamları ev adamlarını xərcə saldılar

2565

Baş Prokurorluq vəzifəlilərdən pul tələb edən şəxslər barəsində məlumat yayıb

0
Özlərini jurnalist kimi qələmə verən daha bir reket qrupu ələ keçib. Onlar Tovuz rayon sakinlərini hədələyirmişlər.

BAKI, 26 iyul — Sputnik. Özünü “Şəhidlik uğrunda” qəzetinin təsisçisi kimi təqdim edən Vüqar Abbasovun və “Korrupsiyaya Son” qəzetinin redaktoru kimi təqdim edən İbrahim İsmayılovun Tovuz rayonunda müxtəlif vəzifəli şəxslərə müraciət edərək onlardan müxtəlif bəhanələrlə pul istəmələri, tələblərini rədd edən şəxslərə hədə-qorxu gələrək onları təhqir etmələri barədə məlumat əsasında Baş Prokurorluğun Cinayət təqibindən kənar icraatlar idarəsində (CTKİ) araşdırma aparılıb.

Baş Prokurorluğun Mətbuat xidmətindən verilən məlumata görə, yoxlama nəticəsində toplanmış sübutlar əsasında Vüqar Abbasova prokuror təsiri tədbiri aktı olan xəbərdarlıq elan edilib, İbrahim İsmayılovun barəsində isə inzibati xəta haqqında icraat başlanılaraq aidiyyəti üzrə baxılması üçün Abşeron Rayon Məhkəməsinə göndərilib, məhkəmə qərarı ilə barəsində inzibati həbs tənbehi tətbiq edilib.

Baş Prokurorluq bu kimi qanun pozuntularına yol verən şəxslərə barələrində sərt tədbirlərin görüləcəyi barədə xəbərdarlıq edir, eyni zamanda vətəndaşları bu cür şəxslərə qarşı ayıq sayıq olmağa çağırır.

Hərbi hissə rəhbərliyini şantaj edən reket qrupu

İyulun 23-də "Ltv 7" xəbər kanalının bölgə müxbiri Fazil Quliyev və bloger Vüsal Zeynalovun hədə-qorxu ilə pul tələb etmələri barədə daxil olmuş müraciət üzrə Baş Prokurorluğun İstintaq idarəsində Cinayət Məcəlləsinin müvafiq maddəsi ilə cinayət işi başlanıb.

Bu barədə Sputnik Azərbaycan-a Baş Prokurorluğun Mətbuat xidmətindən məlumat verilib.

Bildirilib ki, istintaq zamanı müəyyən edilib ki, Fazil Quliyev və Vüsal Zeynalov özlərini jurnalist kimi təqdim edib 13.02.2021-ci il tarixdə Dövlət Sərhəd Xidmətinin "N" saylı hərbi hissəsinin ərazisinə qanunsuz daxil olaraq mobil telefonları ilə hərbi hissənin təsərrüfat fəaliyyətinə dair videoçəkilişlər aparmaqla qeyd olunan çəkilişi sosial şəbəkələrdə yayacaqları hədəsi ilə hərbi hissənin rəhbərliyindən 500 manat məbləğində pul tələb ediblər.

Eyni zamanda, "Ltv 7" internet kanalının direktoru Ceyhun Şəmilovun kanalın direktor müavini Gülmirə Rəcəbova, müxbirləri Sevil Mərəndski, Gülnarə Məmmədova və şəxsiyyətləri istintaqla araşdırılan qeyriləri ilə birlikdə ayrı-ayrı şəxslər barədə əvvəlcə ölkə ərazisində pandemiya ilə bağlı karantin qaydalarının pozulmasına yol verilməsi barədə məlumat toplayıb, ictimaiyyətə çatdırmaqla həmin şəxsləri rüsvay edəcəkləri barədə hədə-qorxu gəlməklə pul tələb edib almaları müəyyən edilib.

Qeyd edilən əməllərə görə Fazil Quliyev, Vüsal Zeynalov, Ceyhun Şəmilov, Gülmirə Rəcəbova, Sevil Mərəndski və Gülnarə Məmmədova Cinayət Məcəlləsinin 182.2.1-ci (qabaqcadan əlbir olan bir qrup şəxs tərəfindən hədə-qorxu ilə tələb etmə) və digər maddələri ilə təqsirləndirilən şəxs qismində cəlb olunaraq barələrində müvafiq olaraq həbs və polisin nəzarəti altına vermə qətimkan tədbirləri seçilib.

"Ltv 7" internet kanalının əməkdaşlarının cinayət əməllərindən zərər çəkən vətəndaşlardan Baş Prokurorluğun "961" qaynar xəttinə və İstintaq İdarəsinə müraciət etmələri xahiş olunur (ünvan: 21-ci Dağlıq küçəsi, 3105-ci məhəllə, əlaqə nömrələri: (+994 12) 361-16-14; (+994 12) 361-16-13).

Qeyd edək ki, iyul ayının 12-də "www.sheffaf.az" xəbər portalının baş redaktorunun 36 nömrəli şəhər poliklinikasının baş həkimindən hədə-qorxu ilə pul tələb etməsi barədə rayon prokurorluğuna müraciət daxil olan şikayət əsasında müəyyən edilib ki, xəbər portalının təsisçisi və baş redaktoru Namik Əmrahov vəzifəli şəxs olaraq xidməti vəzifəsinin icrası ilə əlaqədar özü üçün üstünlük əldə etmək məqsədi ilə öz qulluq səlahiyyətlərindən istifadə edib Sabunçu rayonu, 36 saylı şəhər poliklinikasının baş həkimi Ramidə İbrahimovaya özünü "www.azinfo.tv" və www.sheffaf.az xəbər portalının rəhbəri kimi təqdim etməklə barəsində kütləvi informasiya vasitələrində rüsvayedici məlumatlar yayacağı ilə hədələyərək 2018-ci ildən etibarən ondan dəfələrlə ümumilikdə 2 min manat məbləğində pul tələb edərək alıb.

Faktla bağlı Sabunçu rayon Prokurorluğunda cinayət işi başlanıb. Namik Əmrahov Cinayət Məcəlləsinin 182.2.2 (təkrar törədilməklə hədə-qorxu ilə tələb etmə) və 308.1 (vəzifə səlahiyyətlərindən sui-istifadə) maddələri ilə təqsirləndilirən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Həmçinin oxuyun:

* DTX "reketçilikdə" ittiham olunan baş redaktorla bağlı məlumat yayıb

DTX vətəndaşları şantaj edən “jurnalisti” həbs etdi

Ordumuzun zabitlərini şantaj edən jurnalistlər tutuldu - VİDEO

"Reket" nəşrlər yaratmaqla ittiham olunan baş redaktorun məhkəməsi keçirilib

Bakıda reket jurnalistlər rüşvət aldıqları yerdə tutuldular

0