Bakının Binəqədi rayonunda bina uçub

Bakıda uçan bina barədə yeni faktlar üzə çıxdı

291
(Yenilənib 15:42 19.03.2018)
Binqədidə uçqun zamanı xəsarət alan olmayıb

BAKI, 19 mart — Sputnik. Xəbər verdiyimiz kimi, ötən gün Bakının Binəqədi rayonunda bina uçub. Uçqun zamanı bir neçə avtomobil zərər görüb.

Hüquq mühafizə orqanlarından Sputnik Azərbaycan-a verilən məlumata görə, hadisə rayonun "İkinci mədən" adlanan ərazisində baş verib. Əvvəllər bina yeməkxana kimi fəaliyyət göstərib. Sonradan istismara yarasız olduğu üçün fəaliyyətini dayandırıb.

"Yeməkxana əvvəllər neft şirkətinə məxsus olub. Bina, təxminən 1930-cu illərdə istifadəyə verilib. Bir neçə il əvvəl isə fəaliyyətini dayandırıb. Ərazidə sakinlər avtomobillərini saxlayırdılar. Hadisə zamanı da 3 avtomobil tamamilə əzilib, bir neçəsi isə zərər görüb", — deyə məlumatda bildirilir.

Hadisə zamanı binada heç kəsin olmadığını və bu səbəbdən kimsənin xəsarət almadığını qeyd olunur.

Xatırladaq ki, Binəqədi rayonu ərazisində yerləşən köhnə binanın kərpicləri yataqxananın yanında park edilmiş BYD, VAZ 2106, Opel və digər markalı avtomobillərin üzərinə düşüb. VAZ 2106 daha çox əzilib və maşın, demək olar ki, tamamilə sıradan çıxıb.

291
Teqlər:
Binəqədi rayonu, uçqun, sakin, bina, Bakı, avtomobil
Əlaqədar
Bakıda bina uçdu: Xəsarət alanlar barədə hələlik məlumat yoxdur
Bakıda daha bir sürüşmə, evlər uçub
Polşada yaşayış binası uçub, 3 nəfər ölüb
Bakıdan birbaşa uçacağıq: Daha bir vacib reys açıldı
Xırdalanda partlayış yerində

Xırdalandakı partlayışın müəmması davam edir: orada qaz xətti yoxmuş

0
Xırdalanda ikimərtəbəli fərdi yaşayış evində partlayışdan sonra FHN xilasediciləri dağıntılar altından 6 nəfəri xilas edib, 2 nəfərin meyitini çıxarıblar. Hadisə ilə bağlı "Azəriqaz" da açıqlama yayıb

BAKI, 26 yanvar — Sputnik. Abşeron rayonunun Xırdalan şəhərində partlayış baş verən ikimərtəbəli evin yerləşdiyi ərazidən heç bir qaz xətti keçmir.

© Sputnik / Kamilla Əliyeva / Taleh Mahmudov

Sputnik Azərbaycan-ın məlumatına görə, bunu jurnalistlərə açıqlamasında "Azəriqaz" İstehsalat Birliyinin baş direktoru Ruslan Əliyev bildirib. R.Əliyevin sözlərinə görə, hadisə yerində mütəxəssis araşdırmaları davam edir: "Ərazidə heç bir yeraltı qaz kəməri yerləşmir. Partlayış həyət evinin daxilində baş verib. Hadisənin qaz sızmasından, yaxud balon qazından baş verdiyi məlum deyil. Bununla bağlı müvafiq qurumlar araşdırma aparır. Amma orada "Azəriqaz"a aid heç bir yeraltı qaz kəməri yoxdur".

Xatırladaq ki, ötən gün axşam saatlarında Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində partlayış baş verib. Nəticədə uçqun olub. FHN xilasediciləri dağıntılar altından 6 nəfəri xilas edib, 2 nəfərin meyitini çıxarıblar.

0
Xırdalanda dağılmış mənzilin yaxınlığnda

Dağıntılar altında qalan azyaşlının meyiti çıxarıldı

14
(Yenilənib 15:58 26.01.2021)
FHN xilasediciləri 2012-ci il təvəllüdlü Musayeva Fatimə Vüsal qızının meyitini dağıntılar altından çıxararaq aidiyyəti üzrə təhvil veriblər

BAKI, 26 yanvar — Sputnik. Xırdalanda partlayış baş verən evin dağıntıları altında qalan daha bir nəfərin meyiti tapılıb. Sputnik Azərbaycan-ın məlumatına görə, FHN xilasediciləri 2012-ci il təvəllüdlü Musayeva Fatimə Vüsal qızının meyitini dağıntılar altından çıxararaq aidiyyəti üzrə təhvil veriblər.

Xatırladaq ki, ötən gün axşam saatlarında Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində partlayış baş verib. Nəticədə uçqun olub. FHN xilasediciləri dağıntılar altından 6 nəfəri xilas edib, 2 nəfərin cəsədini çıxarıblar.

14