Qatil

Azərbaycanda baş verən qətliamın tükürpədici detalları gizli xəzinə üzə çıxdı

788
(Yenilənib 09:54 27.02.2018)
İstintaq-əməliyyat qrupunun üzvləri Tovuzda yandırılmış evdə gördüklərindən şoka düşüblər

Ramella İbrahimxəlilova, Sputnik Azərbaycan

BAKI, 26 fevral — Sputnik. İstintaq-əməliyyat qrupunun üzvləri gördüklərindən şoka düşüblər. Belə ki, Tovuzda qatillər yerli xəstəxananın cərrahını tamamilə skotçla sarıyıblarmış. Bu barədə Sputnik Azərbaycan-a Tovuz Rayon Prokurorluğundan məlumat verilib.

Tovuzda AFFA-nın sabiq prezidenti Ramiz Mirzəyevin qohumunun qətlinin araşdırılması ilə bağlı məsələ dalana dirənib. Qətlə yetirilmiş 1945-ci il təvəllüdlü Məmmədov Fərman Qoca oğlu ilə onun həyat yoldaşı, 1950-ci il təvəllüdlü Mirzəyeva Pakizə Şəmsəd qızının meyitlərinin olduğu evin yanması cinayətin bütün izlərini məhv edib.

Qeyd edək ki, fevralın 24-ü səhər saatlarında Məmmədovun Tovuz şəhərindəki Mərdan Musayev küçəsində yerləşən, ümumi sahəsi 320 kvadratmetr olan fərdi evi yanıb. Qonşuların çağırışı əsasında hadisə yerinə gələn Fövqəladə Hallar Nazirliyinin Dövlət Yanğından Mühafizə Xidmətinin əməkdaşları yanğın yerinə baxış keçirərkən oradan Məmmədov və Mirzəyevaya məxsus yanmış cəsədləri aşkar ediblər.

Cəsədlər ayrı-ayrı otaqlarda olub. Qadının əl-ayağı və ağzı skotçla bağlanmış vəziyyətdə olub. Bu isə onu göstərir ki, cütlük qətlin qurbanı olub. Cəsədlərin üzərində hər hansı zorakılıq əlamətləri və zədə aşkarlanmayıb.

Kriminalistlər öldürülmüş şəxslərin evindən 3600 manat pul tapıblar. Buna baxmayaraq, quldurluq versiyası istisna edilmir. Mirzəyeva yerli xəstəxanada cərrah işləyib və AFFA-nın mərhum prezidenti Ramiz Mirzəyevin bacısıdır.

Bununla yanaşı, cinayətin digər detalları da ortaya çıxıb. İstintaqa məlum olub ki, qətldə azı 2 nəfərin əli var. İstintaq-əməliyyat qrupunun üzvləri Mirzəyevanın cəsədini görəndə şoka düşüblər. Cinayətkarlar qurbanın ağzını və bütün bədənini yoğun skotçla tamamilə sarıyıblar. Mirzəyeva nəfəs ala bilmədiyindən boğularaq ölüb.

Məmmədovun isə əlləri bağlı olmayıb, amma onun ağzını sərt materialdan hazırlanmış ağızlıqla bağlayıblar. Ehtimal var ki, cinayətkarlar kişinin ürəyi partlayana qədər onun əllərini tutub saxlayıblar. Cinayətin izini itirmək üçün qatillər evi yandırıblar.

Baş verən hadisə ilə bağlı hələlik istintaq iki əsas versiya üzərində dayanır. Birincisi — bu qətl intiqam məqsədilə törədilib. İkincisi — cinayətkarlar evə qarət məqsədilə daxil olublar.

Cərrah Mirzəyevanın brilyantlarla işlənmiş çoxsaylı qızıl-zinət əşyaları Tovuz rayonunda hər kəsə məlum olan faktdır. Mirzəyevanın qızıl zərgərlik məmulatlarına qeyri-adi məhəbbəti olub. Ola bilsin, cinayətkar dəstə cütlüyün evinə məhz həmin qızıllara görə gəliblər.

Amma onlar evdən əliboş gediblər. Çünki sözügedən zinət əşyalarını istintaq-əməliyyat qrupunun üzvləri evin yaxınlığında basdırılmış bankada tapıblar. Bu gizli xəzinənin yerini hüquq-mühafizəçilərinə öldürülmüş şəxslərin oğlu göstərib. Oğlanın sözlərinə görə, bunu atası ona deyib: "Dedi ki, əgər bizim başımıza nə isə gəlsə, qızıl-zinət əşyaları dirrikdə basdırılıb".

Hələlik faktla bağlı heç kəs saxlanılmayıb. Şübhəlilərin şəxsiyyəti də hələlik məlum deyil.

Qeyd edək ki, R.Mirzəyevin oğlu — 1985-ci il təvəllüdlü Anar Mirzəyev bu il fevralın 14-dən 15-nə keçən gecə Sabirabad rayonu ərazisində baş verən avtomobil qəzasında həlak olub. Sükan arxasında Mirzəyevin olduğu, ona məxsus "Jeep" markalı H0-09-703 dövlət nömrə nişanlı maşın Həşimxanlı kəndi yaxınlığında su kanalına düşüb.

Anar Mirzəyev iki qohumu ilə birlikdə gecəyarısı su kanalının kollektoruna balıq tutmağa gedib. Amma avtomobili parklayarkən ehtiyatsızlıq etdiyindən maşın kollektora yuvarlanıb. Mirzəyevin qohumları maşından çıxmağa müvəffəq olublar. Sükan arxasında olan Mirzəyev isə ağır çəkili olduğundan kilidlənmiş qapının pəncərəsindən çıxa bilməyib. Nəticədə suda boğularaq ölüb.

788
Teqlər:
skotç, Mirzəyeva Pakizə Şəmsəd qızı, Məmmədov Fərman Qoca oğlu, istintaq-əməliyyat qrupu, Ramiz Mirzəyev, Sputnik Azərbaycan, qatil, qətl, cərrah, Tovuz, cinayət, xəstəxana, meyit, ev
Əlaqədar
Sərnişin gedişhaqqına görə taksi sürücüsünü qətlə yetirdi
Azərbaycan vətəndaşı qətlə yetirildi
Qətliam kimi qəza: 27 nəfər öldü
Atasını bıçaqlayaraq qətlə yetirdi, sonra meyitini yandırdı - RƏSMİ
Azərbaycanda avtobusda dəhşətli qətl baş verdi
Diplomatın qətlinin təfərrüatı: zorlayıb, meyitini küçəyə atıblar
Həbsxana, arxiv şəkli

Penitensiar xidmətin məhkumun ölümü ilə bağlı açıqlaması: "Tibbi ekspertizanın rəyi var"

13
(Yenilənib 19:58 16.01.2021)
"Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir" - Mehman Sadıqov

BAKI, 16 yanvar - Sputnik. Ədliyyə Nazirliyinin Penitensiar Xidməti sosial şəbəkələrdə 13 saylı cəzaçəkmə müəssisəsində məhkumun döyülərək öldürülməsi və müəssisədə məhbuslara telefonla əlaqə qadağasının qoyulması ilə bağlı yayılan iddialara münasibət bildirib. 

Sputnik Azərbaycan APA-ya istinadən bildirir ki, Penitensiar Xidmətin şöbə rəisi Mehman Sadıqov sosial şəbəkələrdə yayılan həmin məlumatların yalan olduğunu deyib: "Röyal adlı həmin məhkum ürək-damar çatışmazlığından vəfat edib. Bununla bağlı məhkəmə-tibbi ekspertizasının rəyi də var. Müəssisədə heç bir əməliyyat keçirilməyib. Telefon danışıqlarına da hər hansı bir qadağa, yaxud məhdudiyyət qoyulmayıb. Bu cür böhtan xarakterli məlumatlar əvvəllər də yayılıb. Bu da məhkumların narahatlığına səbəb olur. Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir”. 

Qeyd edək ki, sosial şəbəkələrdə Röyal adlı məhkumun 13 saylı cəzaçəkmə müəssisəsində döyülərək öldürülməsi və həmin müəssisədə məhbuslara telefonla əlaqə qadağasının qoyulması ilə bağlı məlumatlar yayılıb. 

13
Polis

Adam öldürməkdə ittiham edilən adam bu dəfə 36 kq narkotiklə yaxalandı

10
(Yenilənib 18:55 16.01.2021)
Yardımlıda ümumi çəkisi 36 kiloqram 485 qram narkotik vasitə aşkarlanıb Yardımlıda ümumi çəkisi 36 kiloqram 485 qram narkotik vasitə aşkarlanıb

BAKI, 16 yanvar — Sputnik. Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşları Yardımlı rayonu ərazisində əməliyyat tədbiri keçiriblər.

DİN Mətbuat Xidmətindən Sputnik Azərbaycan-a verilən məlumata görə, əldə edilmiş məlumat əsasında keçirilən əməliyyat-axtarış tədbiri nəticəsində narkotiklərin qanunsuz dövriyyəsində şübhəli bilinən rayon sakini, əvvəllər Cinayət Məcəlləsinin 120-ci (Qəsdən adam öldürmə), 228-ci (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə məhkum olunmuş Elməddin Əliyev müəyyən olunaraq saxlanılıb.

Davam etdirilən tədbirlərlə ondan ümumi çəkisi 36 kiloqram 485 qram narkotik vasitə, o cümlədən 32 kiloqram 155 qram tiryək və 4 kiloqram 330 qram heroin aşkar edilərək götürülüb. Faktla bağlı zəruri əməliyyat-axtarış, əməliyyat-istintaq tədbirləri davam etdirilir.

10
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

28
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

28
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət