Zibil qabları

Paytaxt sakinləri dəhşətli mənzərə ilə üzə-üzə, hər kəs şokda

1216
(Yenilənib 13:19 16.02.2018)
Bakıda zibil qutusunda qadın bədəninin hissələri tapılıb

BAKI, 16 fevral — Sputnik. Bakı sakinləri bu gün səhər dəhşətli mənzərə ilə üzləşiblər. Onlar zibil qutusunda hissələrə parçalanmış qadın cəsədi aşkarlayıblar.

Qadının parçalanmış cəsədi bu gün səhər Bakının Binəqədi rayonu ərazisindəki 8-ci mikrorayonda tapılıb. Bu barədə Sputnik Azərbaycan-a Binəqədi Rayon Polis İdarəsindən məlumat verilib.

Məlum olub ki, sellafon torbaya yığılmış qadın bədəninin hissələri bu gün səhər saat 08:00 radələrində zibil qutusunda aşkarlanıb. Hazırda hadisə yerində istintaq-əməliyyat qrupu işləyir, rayonun polis və prokurorluq orqanlarının nümayəndələri ora toplaşıb.

İlkin məlumatlara görə, qadın 30-40 yaşlarındadır. Hazırda hüquq mühafizəçiləri qadının şəxsiyyətini araşdırmaqla məşğuldur. Ehtimala görə, qadın mənzillərin birində öldürülüb. Qatil şübhə doğurmamaq üçün meyiti hissələrə ayıraraq torbalara yığıb və zibil qutusuna atıb.

Xatırladaq ki, 2013-cü ilin martında Binəqədi Rayon Polis İdarəsinin 4-cü bölməsinin ərazisində qara sellafon torbada qətlə yetirilmiş qızın cəsədinin qalıqları tapılmışdı. O vaxt hissələrə parçalanmış cəsəd zibillikdə aşkarlanmışdı.

Yeri gəlmişkən, üstündən beş il keçməsinə baxmayaraq, həmin cinayətin üstü açılmayıb. Hətta cinayətin qurbanının da şəxsiyyəti müəyyənləşməyib.

Sonuncu qətl hadisəsinə gəlincə, polisin ehtimalına görə, qadın qısqanclıq zəminində öldürülüb.

1216
Teqlər:
zibil qutusu, mənzərə, sakin, Bakı, cəsəd, polis, qadın
Əlaqədar
Uşaqları öldü, cəsədini də götürə bilmədilər
Dənizdə naməlum cəsədlər aşkarlandı
Xəzərdə itkin düşmüş ikinci balıqçının cəsədi tapılıb
Şəkilinin cəsədi dostunun evində tapıldı
Ortada çürümüş cəsəd və ucu xaricə gedib çıxan ehtimal var
Нож в руке мужчины, фото из архива

Qazax sakini həmkəndlisi tərəfindən bıçaqlandı

12
(Yenilənib 00:00 12.04.2021)
37 yaşlı kişini mübahisə zəminində həmkəndlisi bıçaqlayıb. Hadisə yerinə hüquq-mühafizə orqanlarının əməkdaşları cəlb olunub.

BAKI, 11 aprel - Sputnik. Qazaxda bıçaqlanma hadisəsi baş verib.

APA bildirir ki, hadisə rayonun Şıxlı kəndində qeydə alınıb.

Kənd sakini, 1984-cü il təvəllüdlü Məmmədov Zaur Seyfəddin oğlu bıçaq xəsarəti ilə xəstəxanaya yerləşdirilib. Xəstə dərhal əməliyyat olunub, vəziyyətin kafi olduğu bildirilib.

Məlumata əsasən, 37 yaşlı kişini mübahisə zəminində həmkəndlisi bıçaqlayıb. Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.

12
Şüşə qırıntısı, arxiv şəkli

Ağstafada avtomobillər toqquşdu, xəsarət alan var

5
(Yenilənib 23:16 11.04.2021)
Ağstafa rayonunun Kolayı kənd sakini, 1993-cü il təvəllüdlü Mirzəağa Qələndərli müxtəlif xəsarətlər alıb.

Ağstafa rayonunda xəsarətlə nəticələnən yol-nəqliyyat hadisəsi olub.

"Report"un məlumatına əsasən, Ağstafa şəhər ərazisində iki minik avtomobilinin toqquşması nəticəsində rayonun Kolayı kənd sakini, 1993-cü il təvəllüdlü Mirzəağa Qələndərli müxtəlif xəsarətlər alıb. Yaralı xəstəxanaya yerləşdirilib.

Qəzanın başvermə səbəbləri Dövlət Yol Polisi İdarəsinin əməkdaşları tərəfindən araşdırılır.

5