Zorlama

Yenə zorlama qalmaqalı: Hamamda çimən qız şok yaşadı

1972
(Yenilənib 12:28 13.02.2018)
Xudat sakini bacısının rəfiqəsinə təcavüz etməyə çalışıb

Leyla Abdullayeva-Sputnik Azərbaycan

BAKI, 13 fevral — Sputnik. Xudat şəhər sakini öz bacısının rəfiqəsinə hamamda təcavüz etmək istəyib. Sputnik Azərbaycan-ın bölgə müxbirinin verdiyi məlumata görə, hadisə fevral ayının 6-sı gecə saatlarında, Xudat şəhərindəki fərdi həyət evlərinin birində baş verib.

Adı gizli saxlanılan 25 yaşlı gənc qız hamamda çimərkən 27 yaşlı Tural Vaqif oğlu Şükürov sərxoş halda hamama daxil olub və hamamda çimən gənc qızı zorlamaq istəyib. Qızın haray-həşir salması, çığırıb evdəkiləri köməyə çağırması oğlanın öz çirkin əməlini həyata keçirməsinə imkan verməyib.

Dərhal çılpaq qızın köməyinə gələn ailə üzvləri və qızın özü hamamdan çıxıb qaçan adamı tanıyıblar. Ailə həmin şəxsi yaxalayaraq polis əməkdaşlarına xəbər veriblər. T.Şükürov tutularaq istintaqa cəlb olunub.

Xaçmaz Rayon Prokurorluğunda Cinayət Məcəlləsinin 29,149.1 (zorlamaya cəhd) maddəsi ilə açılmış cinayət işinin istintaqı zamanı Tural Şükürov törətmək istədiyi əməli etiraf edib. Zorlamaq istədiyi qızın bacısının rəfiqəsi olduğunu, ondan xoşu gəldiyi üçün bu əmələ əl atdığını söyləyib.

Artıq təqsirləndirilən şəxs qismində Şükürovun barəsində həbs qəti-imkan tədbiri seçilib. Xaçmaz Rayon Prokurorluğundan Sputnik Azərbaycan-ın bölgə müxbirinə fakt təsdiqlənib və başlanılan cinayət işinin istintaqının davam etdiyi bildirilib.

1972
Teqlər:
Xaçmaz Rayon Prokurorluğu, Tural Vaqif oğlu Şükürov, rəfiqə, Xudat şəhəri, bacı, oğlan, Sputnik Azərbaycan, hamam, ailə, qız, polis, təcavüz
Əlaqədar
Bakıda məktəbdə zorlanan qız damarlarını kəsib
Bakı məktəbindəki zorlama hadisəsi ilə bağlı açıqlama verildi
Bakı məktəbində dəhşət: Azyaşlını zorlayan yeniyetmə tutuldu
Bakıda qızı zorlamış şəxslərdən biri saxlanılıb
PPX avtomobili, arxiv şəkli

Koronavirus xəstələrinə cinayət işi açıldı

12
(Yenilənib 20:27 05.12.2020)
Faktla bağlı müvafiq rayon prokurorluqlarında Cinayət Məcəlləsinin 139-1.1-ci maddəsi ilə cinayət işləri başlanaraq istintaqın aparılması üçün aidiyyəti üzrə rayon Polis Şöbələrinə göndərilib.

BAKI, 5 dekabr — Sputnik. Koronavirus infeksiyasının yayılmasının qarşısının alınması məqsəsi ilə Azərbaycan Respublikası Nazirlər Kabinetinin - 451 nömrəli, 19 noyabr 2020-ci il tarixli qərarına əsasən elan edilmiş xüsusi karantin rejiminin Qazax, İsmayıllı və Tovuz rayonlarının ayrı-ayrı sakinləri tərəfindən pozulması halları müəyyən edilib.

Sputnik Azərbaycan Baş prokurorluğun məlumatına istinadla xəbər verir ki, Qazax rayon sakini Axundov Sabir Cavad oğlu, İsmayıllı rayon sakini Ziliyev Vüqar Təşkilat oğlu və Tovuz rayon sakini Verdiyev Rufan İlham oğlu COVID-19 virusu ilə bağlı test analizləri verməklə testlərin nəticələrinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduqları halda, 04.12.2020-ci il tarixdə yaşadıqları evi qanunsuz tərk etməklə epidemiya əleyhinə, eləcə də, karantin rejimini kobud surətdə pozub yeni növ koronavirus infeksiyasının yayılması üçün real təhlükə yaradıblar.

Faktla bağlı müvafiq rayon prokurorluqlarında Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işləri başlanaraq istintaqın aparılması üçün aidiyyəti üzrə rayon Polis Şöbələrinə göndərilib.

Hazırda qeyd edilən işlər üzrə zəruri istintaq hərəkətləri davam etdirilir.

12
Teqlər:
cinayət işi, Tovuz, İsmayıllı, Qazax, qayda pozuntusu, xəstə, karantin, Koronavirus, epidemiya, COVID-19
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Qandal, arxiv şəkli

Gəncədə narkotik satan alan şəxslər saxlanılıblar

14
(Yenilənib 18:33 05.12.2020)
Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb

BAKI, 5 dekabr — Sputnik. Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, Gəncə şəhər sakinləri - 31 yaşlı Tahir Əliyev və əvvəllər məhkum olunmuş, 27 yaşlı Orxan Sadıqov saxlanılaraq ŞBPİ-yə gətiriliblər. Onların üzərinə baxış keçirilən zaman O.Sadıqovun üzərindən ümumi çəkisi 1 qram, T. Əliyevin üzərindən isə 2 qram narkotik vasitə olan "marixuana" aşkar edilərək götürülüb.

Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb.

Aparılan araşdırmalar zamanı həmin şəxslərə narkotik vasitə satan şəxsin əvvəllər məhkum olunmuş, Gəncə şəhər sakini, 1985-ci il təvəllüdlü Ramil Əliyev olduğu müəyyən edilib. Onun yaşadığı fərdi yaşayış evində keçirilən əməliyyat-axtarış zamanı üzərindən 15 ədəd kağız bükümlərdə, ümumi çəkisi 15 qram, evin dam örtüyünün altından isə ayrı-ayrı sellofan torbalarda və şüşə bankalarda qablaşdırlımış, ümumi çəkisi 4 kiloqram 025 qram qurudulmuş "marixuana" aşkar edilərək götürülüb.

Faklarla bağlı araşdırmalar davam etdirilir.

14
Teqlər:
Gəncə, narkotik maddə, narkotacir, narkotik
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq