Əli-qolu bağlı

Azərbaycanlı biznesmen girovluqdan azad edildi

273
(Yenilənib 16:54 31.01.2018)
"Hazırda Ukraynada cinayətkarlığın səviyyəsinin artdığı müşahidə olunur və bu, əhalini narahat edir"

Ramella İbrahimxəlilova, Sputnik Azərbaycan

BAKI, 31 yanvar — Sputnik. Ukraynanın hüquq-mühafizə orqanları azərbaycanlı biznesmen Hikmət Abdullayevin oğurlanması faktının üstünü, Azərbaycan diasporunun Daxili İşlər Nazirliyinin (DİN) binası qarşısında keçirdiyi aksiyadan cəmi 5 gün sonra açıb. Bu barədə Sputnik Azərbaycan-a Ukraynadakı Azərbaycan diasporunun rəhbəri Rövşən Tağıyev məlumat verib.

Onun sözlərinə görə, faktla bağlı üç nəfər saxlanılıb ki, onların da hamısı azərbaycanlılardır: "Abdullayev ötən ilin 11 dekabrında oğurlanıb. Cinayətkarlar onu düz bir ay girov saxlayıblar. O, azadlığa buraxılana qədər biz Prezident Administrasiyasına və Baş Prokurorluğa müraciət etmişik. Yeni il qabağı zərərçəkmişin oğlu və qardaşı ilə görüşdük. Onların Ukrayna DİN-in rəhbərliyi ilə görüşü təşkil olundu. DİN-in qarşısında etiraz aksiyası keçirdik və bundan beş gün sonra adam oğruları girovu azadlığa buraxdılar".

Tağıyev qeyd edib ki, hazırda Ukraynada cinayətkarlığın səviyyəsinin artdığı müşahidə olunur və bu, əhalini narahat edir. Onun sözlərinə görə, kriminogen vəziyyət təkcə ona görə pisləşməyib ki, daxili işlər orqanlarından peşəkarları qovublar, həm də ona görə pisləşib ki, onların yerini təcrübəsiz gənc kadrlar tutublar.

"Cinayətkarlığın artmasının digər səbəbi isə insanların müharibədən keçməsidir. Hərbi əməliyyatların getdiyi ərazilərdən qayıdan bir çoxlarının — onların sayı yüz minlərlədir — normal həyat şəraiti yoxdur. Bu isə onları cinayət törətməyə təhrik edir. Əvvəllər törədilmiş digər cinayətlərin üstü isə hələ də açılmamış qalır", — deyə diaspor rəhbəri bildirib.

Adam oğurluğunun kütləvi hal alması Ukraynadakı azərbaycanlıları narahat etməyə bilməz. Tağıyev bildirib ki, Ukraynadakı azərbaycanlı biznesmenlərin oğurlanmasında transmilli cinayətkar qrupların əli ola bilər: "Bunu oğurlanmış şəxslərin qohumlarına gələn zənglər də göstərir. Çünki həmin zənglər başqa ölkələrin ərazilərindən gəlir".

Bu ilin yanvarın 10-da yüzlərlə azərbaycanlı Ukrayna DİN-in binası qarşısında cinayətkarların cəzalandırılması, həmyerlilərimizə qarşı hücumlara son qoyulması tələbləri ilə mitinq keçirib. Hələ 2016-cı ilin sentyabrında da azərbaycanlılar eyni tələblərlə etiraz aksiyası keçirmişdilər. Onlar Ukraynanın hüquq-mühafizə orqanlarından həmvətənlərimizin qurbanı olduğu adam oğurluğu cinayətlərinin üstünün az açılmasının səbəbləri barədə hesabat verməyi tələb edirdilər.

Son üç ildə Ukraynada 20-dən çox azərbaycanlı biznesmen və onların uşaqları oğurlanıb. Bundan əlavə, tez-tez tanınmış azərbaycanlılara qarşı sui-qəsd halları baş verir.

273
Teqlər:
Hikmət Abdullayev, cinayətkarlıq, Rövşən Tağıyev, biznesmen, Ukrayna, hüquq-mühafizə orqanları, azərbaycanlı
Əlaqədar
Ukraynada azərbaycanlı gənci psixi xəstəxanaya salıblar
Gürcüstan və Ukraynanı qarışdıran 50 yaşlı siyasətçi
Ukraynalılardan Azərbaycana arxadan zərbə: Rusiyanın acığını çıxırlar?
Azərbaycan - Ukrayna əlaqələri müzakirə olunub
İnsan kölgəsi

Xalq artistinin əşyaları oğurlanıb

6
Mərhum sənətkar Yaşar Nurinin həyat yoldaşı Rəhimə xanım isə məsələ barədə danışmaq istəmədiyini deyib.

BAKI, 9 mart — Sputnik. Mərhum Xalq artisti Yaşar Nurinin şəxsi əşyaları oğurlanıb. Sputnik Azərbaycan xəbər verir ki, hadisə mərhumun Novxanıda yerləşən bağ evində qeydə alınıb.

Məlumata görə, bağ evinin bir otağında yaradılmış ev muzeyindən Xalq artistinə məxsus eynək, mobil telefon və s. əşyalar oğurlanıb. Faktla bağlı hüquq-mühafizə orqanlarına məlumat verilib. Yaşar Nurinin həyat yoldaşı Rəhimə xanım isə məsələ barədə danışmaq istəmədiyini deyib. Qeyd edək ki, 1951-ci il təvəllüdlü Yaşar Nuri 2012-ci ildə vəfat edib.

6

Baş prokurorluq sabiq daxili işlər nazirinin həbsini təsdiqlədi

30
(Yenilənib 12:00 09.03.2021)
Mətbuatda Ə.Əhmədovun mənimsəmədə təqsirləndirilərək saxlanılması və onun barəsində məhkəmənin qərarı ilə həbs qətimkan tədbiri seçilməsi ilə bağlı məlumatlar yayılıb.

BAKI, 9 mart - Sputnik. Baş Prokurorluq Naxçıvan Muxtar Respublikasının sabiq daxili işlər naziri, general-leytenant Əhməd Əhmədovun həbs edilməsi ilə bağlı xəbərlərə münasibət bildirib.

Sputnik Azərbaycan-ın məlumatına görə, Baş Prokurorluğun mətbuat xidmətindən APA-nın sorğusuna cavab olaraq bildirib ki, Ə. Əhmədovun həbs edilməsi ilə bağlı yayılan məlumatlar doğrudur.

Xatırladaq ki, mətbuatda Ə.Əhmədovun mənimsəmədə təqsirləndirilərək saxlanılması və onun barəsində məhkəmənin qərarı ilə həbs qətimkan tədbiri seçilməsi ilə bağlı məlumatlar yayılıb.

Qeyd edək ki, Ə. Əhmədov 2017-ci ildə tutduğu vəzifədən azad edilib.

30
Dövlət Gömrük Komitəsinin hospitalında, arxiv şəkli

Ötən il Azərbaycanda koronavirusa yoluxanların 1.2 faizi ölüb

0
(Yenilənib 15:59 09.03.2021)
Hesabat ilinin sonuna Azərbaycandakı koronavirusa ümumi yoluxanların 84.3 faizi sağalıb, 14.5 faiz aktiv xəstə olub.

BAKI, 9 mart — Sputnik. 2020-ci ilin 31 dekabr tarixinə ölkədə ümumilikdə 218. 7 min nəfərin koronavirus infeksiyasına yoluxması faktı müəyyən edlib, onlardan 184.4 min nəfər müalicə olnaraq sağalıb, 2641 nəfər vəfat edib, aktiv xəstələrin sayı 31.6 min, yeni yoluxma hallarının müəyyənləşdirilməsi ilə əlaqədar icra olunan testlərin sayı isə 2195.5 min olub.

Sputnik Azərbaycan-ın məlumatına görə, bu, Nazirlər Kabinetinin 2020-ci il üzrə hesabatında əksini tapıb.

Hesabat ilinin sonuna Azərbaycandakı koronavirusa ümumi yoluxanların 84.3 faizi sağalıb, 14.5 faiz aktiv xəstə olub, ümumi yoluxanların 1.2 faizi dünyasını dəyişib.

0