Təcili yardım avtomobili

Zahid Mahmudovun həyatını xilas etmək mümkün olmadı

475
(Yenilənib 14:21 31.01.2018)
Bakıda baş vermiş partlayış nəticəsində xəsarət alan şəxs dünyasını dəyişib

BAKI, 31 yanvar — Sputnik. Yanvarın 27-i səhər saatlarında Bakının Dilarə Əliyeva küçəsi 18-də baş vermiş baş vermiş partlayış nəticəsində xəsarət alan şəxs dünyasını dəyişib. Sputnik Azərbaycan Trend-ə istinadla xəbər verir ki, bu barədə Respublika Yanıq Mərkəzinin baş həkimi Şöhrət Məmmədov açıqlama verib.

Hadisə nəticəsində mərkəzə daxil olan 1961-ci il təvəllüdlü Mahmudov Zahid Şükür oğlunun bədəninin 90 faizi yanmış vəziyyətdə olub. Həkimlərin səyinə baxmayaraq, onun həyatını xilas etmək mümkün olmayıb. Z.Mahmudov aldığı xəsarətlərdən mərkəzdə dünyasını dəyişib.

Xatırladaq ki, yanvarın 27-də səhər saatlarında Nəsimi rayonunda çoxmərtəbəli yaşayış binasının (birinci-üçüncü mərtəbələri qeyri-yaşayışdır) zirzəmisində yanğınla nəticələnən partlayış baş verib. Nəticədə, binanın birinci mərtəbəsində yerləşən, ümumi sahəsi 500 m2 olan dəftərxana ləvazimatları mağazasının içərisinin konstruktiv elementləri (satış rəfləri, alkopan konstruksiyalar və tavanı) dağılıb, qapı-pəncərələri çərçivədən çıxıb, binanın ikinci və üçüncü mərtəbələrinin və yaxınlıqda yerləşən bəzi binaların pəncərə şüşələri qismən sınıb. Partlayış dalğasının təsirindən 100-150 metr əraziyə dağılmış dəftərxana ləvazımatları qismən yanıb. Bina yanğından mühafizə olunub. Yanğın söndürülüb.

475
Teqlər:
Dilarə Əliyeva küçəsi, yanvar, partlayış, Bakı, xəsarət
Əlaqədar
Partlayışda ölənlərin sayı 103 nəfərə çatdı
Partlayışda yaralanan şəxsin qohumları: “Əynindəki bütün paltarlar yanıb...”
Bakıdakı çoxmərtəbəli binada baş verən partlayış yerindən kadrlar
Paytaxtdakı güclü partlayış anı kameraya düşdü – VİDEO
Bakının mərkəzində güclü partlayış baş verib – VİDEO