Niderlandın Haaqa şəhərində Azərbaycan diaspor təşkilatının ofisinə basqın

Azərbaycanlı diplomat: "Hücum zamanı xəsarət alan olmayıb, lakin binaya zərər dəyib"

351
(Yenilənib 12:11 29.01.2018)
"Hazırda Haaqa hüquq-mühafizə orqanları insident ilə bağlı araşdırmalara başlayıb"

İradə Cəlil, Sputnik Azərbaycan

BAKI, 29 yanvar — Sputnik. Yanvarın 27-də Haaqada yerləşən "Azərbaycan-Türk Mədəniyyət Dərnəyi"nin binasına hücum edilib. Binanın pəncərələri sındırılıb.

Cəlal Mirzəyev
© Foto Azərbaycanın Niderlanddakı nümayəndəliyi tərəfindən təqdim olunub
Cəlal Mirzəyev

Azərbaycanın Niderland Krallığındakı müvəqqəti işlər vəkili Cəlal Mirzəyev baş verənlərlə bağlı Sputnik Azərbaycan-a açıqlama verib. Bildirib ki, kamera qeydlərinə görə, dörd nəfər maskalı şəxs binaya hücum edərək, onun ön və arxa pəncərələrini sındıraraq hadisə yerindən qaçıb.

"Qeyd edim ki, hücum zamanı xəsarət alan olmayıb, yalnız binaya maddi zərər dəyib. Hazırda Haaqa hüquq-mühafizə orqanları insident ilə bağlı araşdırmalara başlayıb", — C.Mirzəyev deyib.

Onun sözlərinə görə, insidentlə bağlı məlumat səfirliyə daxil olduqdan dərhal sonra, vəziyyətlə əyani tanış olmaq məqsədilə hadisə baş verən məkanı — "Azərbaycan-Türk Mədəniyyət Dərnəyi"nin binasını ziyarət edib: "Dərnək üzvlərinə, başkan İlhan Aşkına ilk növbədə baş verən xoşagəlməz hadisəyə görə üzüntülərimizi ifadə edərək Azərbaycanın Niderland Krallığındakı səfirliyi olaraq mümkün yardımımızı təklif etdim. İlhan Aşkın Azərbaycan səfirliyinin məsələ ilə bağlı göstərdiyi diqqətə görə minnətdarlığını bildirdi. Səfirlik məsələni nəzarətdə saxlayır".

351
Teqlər:
Cəlal Mirzəyev, müvəqqəti işlər vəkili, "Azərbaycan-Türk Mədəniyyət Dərnəyi", İlhan Aşkın, Niderland Krallığı, basqın, Haaqa, bina, hücum, Azərbaycan
Əlaqədar
Afrin əməliyyatının əks-sədası: Hollandiyada Azərbaycan təşkilatına basqın edilib
Hollandiyada türkiyəli nazirə dəstək verənlərə cinayət işi açılıb
Azərbaycanlılar Hollandiyada etiraza qalxacaqlar
Gecə vaxtı yol, arxiv şəkli

Xalq artisinin qardaşı intihara cəhd etdi

35
(Yenilənib 21:20 27.11.2020)
Canına qəsd etmək istəyən kişi xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib

BAKI, 27 noyabr - Sputnik. Xalq artisti Əlixan Səmədovun qardaşı, 1966-cı il təvəllüdlü Vəlixan Səmədov özünü Sumqayıtda, Sülh küçəsində avtomobilin altına atıb. 

Sputnik Azərbaycan APA-ya istinadən bildirir ki, canına qəsd etmək istəyən V.Səmədov xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib.  

Faktla bağlı araşdırma aparılır.

35
Teqlər:
xəsarət, avtomobil, intihara cəhd, qardaş, xalq artisti
Narkotik, arxiv şəkli

İranla sərhəddə iki qardaş tutuldu

9
(Yenilənib 17:27 27.11.2020)
Əməliyyat-axtarış tədbirləri nəticəsində dövlət sərhədini pozmaqda şübhəli bilinən Astara rayonunun Rüdəkəran kənd sakini, 1991-ci il təvəllüdlü Məmmədov Mərhəmət Təyyubulla oğlu saxlanılıb.

BAKI, 27 noyabr — Sputnik. Noyabrın 18-də Dövlət Sərhəd Xidmətinin Sərhəd Qoşunlarının "Lənkəran" sərhəd dəstəsinin xidməti ərazisində Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində İran İslam Respublikasından Azərbaycan Respublikası istiqamətində 2 nəfərin dövlət sərhədini pozması əlamətləri aşkarlanıb.

Bu barədə Sputnik Azərbaycan-a Dövlət Sərhəd Xidmətinin Mətbuat Mərkəzindən məlumat verilib.

Əməliyyat-axtarış tədbirləri nəticəsində dövlət sərhədini pozmaqda şübhəli bilinən Astara rayonunun Rüdəkəran kənd sakini, 1991-ci il təvəllüdlü Məmmədov Mərhəmət Təyyubulla oğlu saxlanılıb, onun yaşadığı mənzilə baxış keçirilərkən 0,5 kq narkotik vasitə "heroin" və 115 ədəd "Metadon-40" həbləri aşkar olunaraq götürülüb.

  • Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs
    © State Border Service of Azerbaijan Republic
  • Saxlanılan şəxslərdən götürülən narkotik maddə
    © State Border Service of Azerbaijan Republic
  • Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs
    © State Border Service of Azerbaijan Republic
1 / 3
© State Border Service of Azerbaijan Republic
Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs

Dindirmə zamanı M.Məmmədov dövlət sərhədini qardaşı, Astara rayonunun Rüdəkəran kənd sakini, 1981-ci il təvəllüdlü Məmmədov Seymur Təyyubulla oğlu ilə birlikdə qanunsuz olaraq keçdiyini etiraf edib.

Daxili İşlər Nazirliyinin Astara rayon şöbəsinin əməkdaşları ilə birgə keçirilmiş kompleks əməliyyat-axtarış tədbirləri nəticəsində S.Məmmədov yaşadığı evdə saxlanılıb, araşdırma zamanı onun əvvəllər dəfələrlə oğurluq cinayəti törətdiyinə görə məhkum olunması müəyyənləşdirilib.

Fakt üzrə cinayət işi başlanılıb, vətəndaş M.Məmmədov və S.Məmmədov təqsirləndirilən şəxs qismində cəlb olunaraq barələrində həbs qətimkan tədbiri seçilib.

Əməliyyat-istintaq tədbirləri davam etdirilir.

9
Teqlər:
qardaşlar, sərhəd, Astara, İran, narkotacir
İnsan qanı dolu paketlər, arxiv şəkli

Xərçəng xəstələrinə ümid işığı: Yeni test sağ qalma şansını artıracaq

0
(Yenilənib 23:32 27.11.2020)
"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

BAKI, 28 noyabr — Sputnik. İngiltərənin Milli Səhiyyə Xidməti qandan 50 növ xərçəngin erkən əlamətlərini aşkar edən bir testi yoxlayacaq.

Sputnik Azərbaycan xarici mətbuata istinadla xəbər verir ki, "Qan Analizi Qalereyası" 165.000 xəstə üzərində test ediləcək. Əvvəlki tədqiqatlar diaqnozu çətin olan bir çox xərçəng növünü -  boyun, yumurtalıq və beyin xərçənglərini müəyyən edə bildiyini göstərmişdi.

Yeni testin effektiv olduğu sübut edilərsə, erkən mərhələlərdə xərçəng diaqnozu üçün geniş istifadə ediləcək. Bu, dördüncü mərhələdə xəstəliyin aşkarlanması halları ilə müqayisədə xəstələrin sağ qalma sürətini beş-on qat artıracaq.

"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

Milli Səhiyyə Xidməti sınaqların 2023-cü ilə qədər bitməsini planlaşdırır. Bu, 2024-2025-ci illərdə yeni qan testinin geniş yayılmasına imkan verəcək.

0
Teqlər:
İngiltərə, ABŞ, qan, test, xərçəng xəstəliyi