Adyal altından görünən bəxtsiz qadın əli, arxiv şəkli

Yeni qurulan ailədə elə bir hadisə baş verdi ki...

537
(Yenilənib 14:46 22.01.2018)
Hadisənin qısqanclıq zəminində törədildiyi bildirilir

BAKI, 22 yanvar — Sputnik. Yanvarın 20-dən 21-nə keçən gecə Bakının Qaradağ rayonunda qətl törədilib. Belə ki, 25 yaşlı kişi 21 yaşlı arvadını öldürüb. Bu barədə Sputnik Azərbaycan-a Qaradağ Rayon Polis İdarəsindən məlumat verilib.

Məlum olub ki, ötən gecə saat 02:10-da Cəlilabad rayonunun 1993-cü il təvəllüdlü sakini, Lökbatan qəsəbəsində kirayə mənzildə yaşayan Elvin Qəhrəmanlı yanında yatan həyat yoldaşı, 1997-ci il təvəllüdlü Günel Qəhrəmanlını yastıqla boşaraq öldürüb.

Təqsirləndirilən şəxs Qaradağ Rayon Polis İdarəsinin 10-cu polis bölməsinin əməkdaşları tərəfindən saxlanılıb. İlkin dindirmə zamanı cavan oğlan arvadını qısqanclıq zəminində öldürdüyünü bildirib. Cavanlar bu yaxınlarda evləniblərmiş.

Faktla bağlı AR Cinayət Məcəlləsinin 120-ci maddəsi (qəsdən adam öldürmə) ilə cinayət işi açılıb.

537
Teqlər:
Günel Qəhrəmanlı, Elvin Qəhrəmanlı, arvad, ər, Qaradağ rayonu, qətl, Bakı, polis
Əlaqədar
Qazaxda ailə faciəsi: 8 və 10 yaşlı iki qardaş boğularaq ölüb
Bakıda dəhşətli faciə: bütün ailə üzvlərinin mənzildə meyitləri tapıldı
Zaqatalada bir ailə faciənin eşiyindən dönüb
Bakıda çimərlikdə FHN xilasediciləri, arxiv şəkli

Dəniz həvəsi 12 nəfəri ölümlə üz-üzə qoydu

4
(Yenilənib 11:22 12.08.2020)
Bilgəh, Mərdəkan, Pirşağı və Şüvəlan sularda xilasetmə məntəqələrinin ərazisində batma təhlükəsi ilə üzləşən insanlar xilas ediliblər

BAKI, 12 avqust — Sputnik. Ötən gün Bakı çimərliklərində batma təhlükəsi yaşayan 12 nəfər xilas edilib.

Bu barədə Sputnik Azərbaycan-a Fövqəladə Hallar Nazirliyindən məlumat verilib.

Bildirilib ki, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Bilgəh, Mərdəkan, Pirşağı və Şüvəlan sularda xilasetmə məntəqələrinin ərazisində batma təhlükəsi ilə üzləşən 12 nəfər xilas olunub.

Xatırladaq ki, bir neçə gün öncə nəzarətsiz ərazidə bir qadın batıb. Onun meyiti sudan çıxarılıb.

4
Əlində bıçaq olan kişi, arxiv şəkli

İmişlidə qətl - iki qohum bıçaqlandı, biri öldü

8
(Yenilənib 11:06 12.08.2020)
Faktla bağlı İmişli rayon Prokurorluğunda Cinayət Məcəlləsinin 120.1-ci (qəsdən adam öldürmə) və 29, 120.2.7-ci (iki və ya daha çox şəxsi qəsdən öldürməyə cəhd) maddələri ilə cinayət işi başlanıb.

BAKI, 12 avqust — Sputnik. Dünən saat 21 radələrində İmişli rayonu, Göbəktala kəndi ərazisində 1985-ci il təvəllüdlü Amid Əmirahovun öldürülməsi, 1990-cı il təvəllüdlü Səbuhi Əmirahovun isə müxtəlif dərəcəli bədən xəsarətləri ilə xəstəxanaya yerləşdirilməsi barədə məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

İlkin araşdırmalarla İmişli rayon sakini, 1984-cü il təvəllüdlü Pünhan Hüseynovun həmin gün saat 20 radələrində aralarında yaranan mübahisə zamanı həmkəndlisi Səbuhi Əmirahova bıçaqla xəsarətlər yetirib qəsdən öldürməyə cəhd etməsinə, sonuncunun qohumu Amid Əmirahova isə bıçaqla bədən xəsarətləri yetirərək öldürməsinə əsaslı şübhələr müəyyən edilib.

Faktla bağlı İmişli rayon prokurorluğunda Cinayət Məcəlləsinin 120.1-ci (qəsdən adam öldürmə) və 29, 120.2.7-ci (iki və ya daha çox şəxsi qəsdən öldürməyə cəhd) maddələri ilə cinayət işi başlanıb.

İş üzrə müvafiq ekspertizalar təyin edilib və digər zəruri istintaq-əməliyyat tədbirləri aparılıb. Pünhan Hüseynov şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq tədbirləri davam etdirilir.

8
Əlaqədar
Səbaildə boğazı kəsilən azyaşlı haqqında məlumat var
Bakıda polisi bıçaqladılar
Quliyevlər arasında bıçaqlanma - Mixayil Sənanı qanına qəltan elədi
Nərimanovda 28 yaşlı gənci bıçaqlayaraq öldürüblər
Yolda meyiti tapılan qadını öldürüblər – Qatil Bakıda saxlanıldı
Külək istiqamətini göstərən qurğu, arxiv şəkli

Sərin külək əsəcək, bəzi rayonlara dolu yağacaq

0
(Yenilənib 13:54 12.08.2020)
Avqustun 13-də Abşeron yarımadasında iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir

BAKI, 12 avqust — Sputnik. Sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.

Sputnik Azərbaycan-a Milli Hidrometeorologiya Xidmətinin verdiyi məlumata görə, mülayim şimal-şərq küləyi əsəcək. Havanın temperaturu Abşeron yarımadasında gecə 21-24, gündüz 29-33, Bakıda gecə 21-23, gündüz 30-32 dərəcə isti olacaq. Atmosfer təzyiqi normadan aşağı 758 mm civə sütunundan 755 mm civə sütununa enəcək, nisbi rütubət gecə 60-65, gündüz 35-40 faiz təşkil edəcək.

Abşeron çimərliklərində mülayim şimal-şərq küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.

13 avqustda Azərbaycanın rayonlarında havanın əsasən yağmursuz keçəcəyi, lakin bəzi şimal və qərb rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Səhər dağlarda duman olacaq. Şərq küləyi əsəcək, ayrı-ayrı yerlərdə arabir güclənəcək. Havanın temperaturu gecə 19-24, gündüz 30-35, dağlarda gecə 9-14, gündüz 15-20 dərəcə isti olacaq.

Tibbi-meteoroloji proqnoza gəldikdə isə avqustun 13-də Abşeron yarımadasında iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir.

0
Teqlər:
hava proqnozu