Qəza zamanı yol təsərrüfatına ciddi ziyan dəyib

Paytaxtda səhər saatlarında böyük vahimə

1397
(Yenilənib 11:08 18.01.2018)
Yol kənarında olan əyri-xətli dəmir tirlər sıradan çıxıb, yolun çiyin hissəsində olan tökmə beton dağılıb

BAKI, 18 yanvar — Sputnik. Bu gün səhər saatlarında Bakı Dairəvi-1 avtomobil yolunun Bakı-Quba-Rusiya Federasiyası ilə dövlət sərhədi avtomobil yoluna (Bakı-Sumqayıt yolu) birləşən hissəsində ağır yol-nəqliyyat hadisəsi zamanı yol təsərrüfatına da ciddi ziyan dəyib. Bu barədə Sputnik Azərbaycan-a Avtomobil Yolları Dövlət Agentliyinin (AYDA) mətbuat xidmətinin rəhbəri Anar Nəcəfli məlumat verib.

O bildirib ki, Bakı Dairəvi-1 avtomobil yolu ilə Bakı-Sumqayıt yolu istiqamətində hərəkət edən 30 AC 392 dövlət nömrə nişanlı "Shacman" markalı yük maşınının sürücüsü idarəetməni itirərək yoldan kənara, təqribən 20 metr hündürlükdən Biləcəri enişindəki yola aşıb. Nəticədə sürücü ağır bədən xəsarətləri ilə xəstəxanaya çatdırılıb.

"Yol kənarında olan əyri-xətli dəmir tirlər sıradan çıxıb, yolun çiyin hissəsində olan tökmə beton dağılıb. Hal-hazırda yol təsərrüfatına dəymiş ziyan hesablanır" — Nəcəfli deyib.

Qeyd edək ki, ağır tonnajlı yük maşını sement daşıyırmış. Qəza nəticəsində aşan yük maşınından sement və yanacaq çənində olan dizel ətrafa dağılıb. Baş verə biləcək hər hansı bədbəxt hadisənin qarşısını almaq məqsədi ilə hadisə yerinə yanğınsöndürən maşın cəlb olunub və yola dağılmış dizel yanacağı təzyiqli su ilə yuyulub.

Xoşbəxtlikdən qəza zamanı yük maşınının aşdığı hissədə başqa avtomobillər olmayıb.

1397
Teqlər:
Bakı-Quba-Rusiya Federasiyası ilə dövlət sərhədi avtomobil yolu, Bakı Dairəvi-1 avtomobil yolu, Bakı-Sumqayıt yolu, qəza, avtomobil
Əlaqədar
Bakıda körpünün üzərində iki zəncirvari qəza - FOTOLAR
Bakıda daha bir ağır avtobus qəzası: betonqarışdıran maşınla toqquşdu
Evdə xəstəsi olduğu üçün tələsən sürücü ağır qəza törətdi
Bakıda qəribə qəza: Avtomobillər məşhur mehmanxanaya çırpıldı
Ağsuda ağır qəza oldu, 3 nəfər yaralandı