Lerikdə avtomobil qəzası baş verib

Bakıya yas mərasiminə gəlirdilər ki, olmayacaq hadisə oldu...

2734
(Yenilənib 12:07 16.01.2018)
Baş vermiş qəza nəticəsində 5 nəfər müxtəlif dərəcəli xəsarətlər alıb

Rahim Zakiroğlu, Sputnik Azərbaycan

BAKI, 16 yanvar — Sputnik. Bu gün səhər saatlarında Lerikdə avtomobil qəzası baş verib. Sputnik Azərbaycan-ın bölgə müxbirinin əldə etdiyi məlumata əsasən, hadisə Lerik rayonunun Hamarmeşə kəndi ərazisində qeydə alınıb.

Belə ki, rayonun Nodar kənd sakini Teymur Zərbiyev idarə etdiyi "Hyundai Tucson" markalı avtomobillə Lənkəran istiqamətində hərəkətdə olarkən sükan arxasında yuxulayıb və nəticədə avtomobil idarəetmədən çıxaraq dərəyə aşıb. Baş vermiş qəza nəticəsində 5 nəfər müxtəlif dərəcəli xəsarətlər alıb.

  • Lənkəran Rayon Mərkəzi Xəstəxanası
    Lənkəran Rayon Mərkəzi Xəstəxanası
    © Sputnik / Rahim Muradov
  • Lənkəran Rayon Mərkəzi Xəstəxanası
    Lənkəran Rayon Mərkəzi Xəstəxanası
    © Sputnik / Rahim Muradov
  • “Hyundai Tucson” markalı avtomobil dərəyə aşıb
    “Hyundai Tucson” markalı avtomobil dərəyə aşıb
    © Sputnik / Rahim Muradov
1 / 3
© Sputnik / Rahim Muradov
Lənkəran Rayon Mərkəzi Xəstəxanası

Xəsarət alanlar Lerik rayon sakinləri, 1953-cü il təvəllüdlü Norxan Zərbiyev və onun oğlu, eyni zamanda sürücü olan 1977-ci il təvəllüdlü Teymur Zərbiyev, 1959-cu il təvəllüdlü Aygün Kişiyeva, 1986-cı il təvəllüdlü Adoğlan Əliyev və 1977-ci il təvəllüdlü Şəhla Zərbiyevadır.

Xəsarət alan şəxslər Lənkəran Rayon Mərkəzi Xəstəxanasına yerləşdiriliblər. Hazırda onların vəziyyəti kafidir.

Əldə etdiyimiz məlumata görə, qəzaya uğrayan şəxslər Bakı şəhərinə yas mərasiminə gedirmişlər.

2734
Teqlər:
Hamarmeşə kəndi, Lerik rayonu, xəstəxana, sürücü, xəsarət, qəza
Əlaqədar
Bakıda körpünün üzərində iki zəncirvari qəza - FOTOLAR
Türkiyədə içində 168 nəfər olan təyyarə qəzaya uğradı - VİDEO
Evdə xəstəsi olduğu üçün tələsən sürücü ağır qəza törətdi
Bakıda qəribə qəza: Avtomobillər məşhur mehmanxanaya çırpıldı
Ağsuda ağır qəza oldu, 3 nəfər yaralandı
Hovuzda üzən qadın, arxiv şəkli

Bakıda məşhur oteldə qaydanı pozanlar saxlanıldı - VİDEO

99
(Yenilənib 19:05 05.07.2020)
Bu gün sosial şəbəkələrdə Bakıda fəaliyyət göstərən "Fairmont Baku" otelindən görüntülər yayılıb. Görüntülərdə karantin qaydaların pozulması müşahidə edilib.

BAKI, 5 iyul – Sputnik. Polis Bakıda fəaliyyət göstərən "Fairmont Baku" otelində karantin rejimini pozan şəxslərə qarşı əməliyyat keçirir.

Sputnik Azərbaycan-ın APA-ya istinadla məlumatına görə, hazırda polis qaydaları pozan şəxsləri bölməyə aparır.

Qeyd edək ki,  bu gün sosial şəbəkələrdə Bakıda fəaliyyət göstərən "Fairmont Baku" otelindən görüntülər yayılıb.  Görüntülərdə karantin qaydaların pozulması müşahidə edilib. Həmçinin otelin rəsmi instagram səhifəsindən də vətəndaşları otelə dəvət edərək istirahət etməyə çağırış ediblər.

99
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
FHN əməkdaşı, arxiv şəkli

Bakıda daha bir güclü yanğın başlayıb

231
(Yenilənib 17:30 05.07.2020)
Yanğın Yeni Günəşli qəsəbəsində yerləşən fərdi yaşayış evlərinin yanında qeydə alınıb. Hadisə yerinə Fövqəladə Hallar Nazirliyinin yanğınsöndürmə briqadaları cəlb edilib.

BAKI, 5 iyul – Sputnik. Bakının Suraxanı rayonu  ərazisində yanğın başlayıb.

Sputnik Azərbaycan-ın “Report”a istinadla məlumatına görə, yanğın Yeni Günəşli qəsəbəsində yerləşən fərdi yaşayış evlərinin yanında qeydə alınıb.

Hadisə yerinə Fövqəladə Hallar Nazirliyinin yanğınsöndürmə briqadaları cəlb edilib.

Hələlik yanğının qarşısını almaq mümkün olmayıb. Yanğının söndürülməsi istiqamətində tədbirlər görülür.

231
Əməkdar artist Tofiq Hüseynov

Əməkdar artist Tofiq Hüseynov vəfat edib

26
(Yenilənib 20:37 05.07.2020)
Aktyor bir saat əvvəl evində dünyasını dəyişib. Xatırladaq ki, Tofiq Hüseynov xərçəng xəstəliyindən əziyyət çəkirdi.

BAKI, 5 iyul – Sputnik. Akademik Milli Dram Teatrının aparıcı səhnə ustası, Əməkdar artist Tofiq Hüseynov vəfat edib.

Sputnik Azərbaycan xəbər verir ki, bu barədə Akademik Milli Dram teatrının mətbuat xidmətinin rəhbəri Cavid Zeynallı məlumat yayıb.

Qeyd edilir ki, aktyor bir saat əvvəl evində dünyasını dəyişib.

Xatırladaq ki, Tofiq Hüseynov xərçəng xəstəliyindən əziyyət çəkirdi.

"Akademik Milli Dram Teatrının bədii rəhbər-direktoru, Xalq artisti Azər Paşa Nemətovun və teatrın kollektivi adından Tofiq Hüseynovun yaxınlarına dərin hüznlə başsağlığı verir, mərhuma Allahdan rəhmət diləyirik. Tofiq Hüseyov iyulun 6-da öz vəsiyyətinə uyğun olaraq Xırdalan qəbiristanlığında anasının və atasının yanında torpağa tapşırılacaq. Ruhu şad olsun!

Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olmuşdur.

Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.

Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb", - deyə o bildirib.

26