Əllər, arxiv şəkli

Kriminal aləm xüsusi xidmətlərin diqqəti orada: "Lotu Quli"nin taleyi həll olunur

5245
(Yenilənib 12:55 28.12.2017)
Yeni il bayramı günlərində Moskvada "oğru sxodkası" keçiriləcək

BAKI, 27 dekabr — Sputnik. Yeni il bayram günlərində Moskvada "oğru sxodkası" keçiriləcək. Azərbaycanlı "qanuni oğru", kriminal aləmdə "Lotu Quli" ləqəbi ilə məşhur olan Nadir Səlifovun gələcək taleyi bu "sxodka"dan asılıdır.

Bu barədə Sputnik Azərbaycan-a kriminal dairələrə yaxın məlumatlı mənbələr məlumat verib. Kriminal dünyanın bütün diqqəti qarşıdakı bu hadisəyə yönəlib. Bu hadisə xüsusi xidmət orqanlarının da az marağına səbəb olmayıb. Çünki onlar da cinayətkar qruplaşmaların liderlərinin toplaşacağı yeri müəyyən etməyə cəhd göstərir.

Xatırladaq ki, Səlifov oktyabrın 24-də Qaradağ Rayon Məhkəməsinin qərarı ilə azadlığa buraxılıb. Kriminal avtoritet Azərbaycan sərhədlərini dərhal tərk edərək qardaşları ilə birlikdə İstanbula gedib.

Səlifov 22 il dəmir barmaqlıqlar arasında olub ki, onun da 10 ilini Qobustan qapalı tipli həbsxanasında keçirib. O, hələ beş ilə qədər də həbsxanada oturmalı idi.

Bütün bunlarla yanaşı, nüfuzlu kriminal avtoritetlərin toplaşacağı Moskva "sxodka"sında 41 yaşlı "qanuni oğru" Georgi Giorqadze (Vladimir, "Giya Kutaisski") kiminlə dostluq edəcəyinə aydınlıq gətirəcək. Əgər "Giya Kutaisski" "Lotu Quli"ni seçsə (hansı ki, sonuncu bunu çox arzulayır), Səlifov praktiki olaraq "toxunulmazlıq" statusu əldə edəcək. Çünki "Giya Kutaisski" öz dairəsində "sözübütöv oğru" kimi xüsusi hörmət və nüfuza malikdir.

O da məlumdur ki, gözlənilən görüşdə bu "qanuni oğru"ların iştirakı təsdiqlənib: Eduard Asatryan ("Osetrin"), Vasili Xristoforov ("Vasya Voskress"), Vladimir Tyurin ("Tyurik"), Oleq Şişkanov ("Çiçkan"), Oleq Muxametşin ("Muxa"), Kaxaber Parpaliya ("Kaxa Qalski"), Vladimir Barkalov ("Vova Blondin"), Vladimir Zyatkov ("Zyatek") və başqaları.

Buna paralel olaraq, hazırda İstanbulda olan Səlifov və digər "qanuni oğru"lar da Türkiyədə toplaşacaqlar. Moskva ilə Türkiyə arasında videokörpü təşkil ediləcək.

"Sxodka"nın gündəliyində digər "qanuni oğru" Yuri Piçuqinin də gələcək taleyinə aydınlıq gətirmək durur. Məsləkdaşlarının ona çoxlu sualları var. Amma Nadir Səlifovun ona xüsusi iradı var. İş ondadır ki, "Giya Kutaisski"nin himayəsini təkcə Səlifov deyil, eləcə də bu yaxınlarda azadlığa çıxmış Merab Canqveladze, Badri Koquaşvili ("Badri Kutaisski") və Eduard Asatryan da qazanmaq istəyir. İndi "Giya Kutaisski"nin qarşısında seçim dayanır.

Qeyd etmək laızmdır ki, "Guya Kutaisski" heç vaxt səhv buraxmayan oğrulardandır. Onun haqqında deyilənə görə, Giya o qədər ehtiyatlıdır ki, qarın üstündə yeriyir, amma orada heç bir iz buraxmır.

Kutaisski sadəcə bir dəfə cibgirlik üstündə həbsxanaya düşüb və cəzasını xüsusi rejimli koloniya olan "Ağ qu quşu"nda çəkib. Onun bura düşməsi oğru kastasındakı gələcək mövcudluğunu təmin edib.

Onun azadlığa çıxmasından dərhal sonra "Lujniki" stadionu yaxınlığındakı restoranda 100 nəfərin iştirakı ilə irimiqyaslı "oğru sxodkası" keçirilib. Burada "Giya Kutaisski" yekdil səslə "qanuni oğru" adı ilə taclandırılıb.

5245
Teqlər:
Giya Kutaisski, kriminal aləm, oğru, Lotu Quli, sxodka, qanuni oğru, bayram
Əlaqədar
"Lotu Quli" beynəlxalq axtarışa verildi
"Lotu Quli" klanı Rusiya bazarlarına nəzarəti itirir
Azərbaycanlı oliqarx Lotu Qulinin həyatını xilas etdi
“Lənkəranskinin adamları - Lotu Quli” qarşıdurmasının görüntüləri yayıldı – Video
"Lotu Quli"yə qarşı sui-qəsd: Lənkəranskinin qardaşı tutuldu
"Lotu Quli"nin azadlıqda ilk görüntüsü yayıldı
Qərənfil

Rusiyada Dövlət Təsviri İncəsənət Muzeyinin prezidenti vəfat edib

6
(Yenilənib 13:10 01.12.2020)
İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub

BAKI, 1 dekabr — Sputnik. Rusiyanın Əməkdar İncəsənət Xadimi, akademik, A.S.Puşkin adına Dövlət Təsviri İncəsənət Muzeyinin Prezidenti İrina Antonova vəfat edib.

Sputnik Azərbaycan xəbər verir ki, 100 yaşlı görkəmli sənətşünasın vəfat xəbərini, Muzeyin direktoru Marina Loşak yayıb.

İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub. 2013-cü ildə Rusiya Dövlət Muzeylərinin baş kuratoru vəzifəsinə təyin edilib. Elə həmin ildən Puşkin Muzeyinin direktoru vəzifəsindən azad edilib və onun üçün təsis edilən Puşkin adına Dövlət Təsviri İncəsənət Muzeyinin Prezidenti vəzifəsini icra etməyə başlayıb.

Mərhum akademik çox sayda orden, medal və mükafatlarla təltif olunub.

6
Teqlər:
Prezident, Rusiya, muzey, təsviri incəsənət, Vəfat
PPX avtomobili, arxiv şəkli

Yaşayış yerini qanunsuz tərk edən aktiv COVID-19 daşıyıcılarına cinayət işi açıldı

11
(Yenilənib 18:31 30.11.2020)
Abşeron və Xətai rayonlarında qanunsuz olaraq evlərini tərk edən COVID-19 xəstələri polislər tərəfindən aşkarlanaraq evlərinə qaytarılıblar

BAKI, 30 noyabr — Sputnik. Abşeron Rayon Polis İdarəsinin əməkdaşları tərəfindən keçirilən tədbirlər nəticəsində ev şəraitində müalicə alan koronavirus xəstəsi, Saray qəsəbəsində yaşayan Emin Cəfərquliyev saxlanılıb.

Sputnik Azərbaycan Daxili İşlər Nazirliyinin məlumatına istinadla xəbər verir ki, araşdırma zamanı müəyyən edilib ki, aktiv COVİD-19 virusunun daşıyıcısı olan bu şəxs karantin qaydalarını kobud şəkildə pozaraq yaşadığı ünvanı bir neçə dəfə tərk edib. Polislər müəyyən edilmiş tibbi prosedurlar gözlənilməklə Emin Cəfərquliyevi evindən kənarda olan zaman ictimai yerdə müəyyən edərək yaşadığı evə qaytarıblar. Onun barəsində toplanan materiallar Abşeron RPİ-nin İstintaq Şöbəsinə göndərilib. E.Cəfərquliyev Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.

Daha bir oxşar tədbir Xətai Rayon Polis İdarəsinin əməkdaşları tərəfindən də həyata keçirilib.

Belə ki, aktiv koronavirus xəstəsi olan, Xətai rayonu Ə.Quliyev küçəsində qeydiyyatda olan Zaur Əsədova həkimlər tərəfindən ev şəraitində müalicə təyin edilib. Bu şəxs isə qaydaları pozaraq ictimaiyyət arasına çıxıb və virusun daha çox yayılmasına şərait yaratdığı üçün polislər tərəfindən saxlanılıb. Z.Əsədovun dəfələrlə polisin xəbərdarlıqlarına baxmayaraq yaşayış yerini tərk etməsi müşahidə kameraları vasitəsilə də lentə alınıb.

Onun barəsində Xətai RPİ-nin İstintaq Şöbəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Araşdırmalar davam etdirilir.

11
Teqlər:
xəstə, polislər, cinayət işi, Koronavirus, epidemiya, COVID-19, Azərbaycan, Karantin rejimi, karantin
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

0
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

0
Teqlər:
nazirlər, OPEC, Müzakirələr