Adil Əliyev

Adil Əliyev adının böyük qalmaqalda hallanmasına münasibət bildirdi

210
(Yenilənib 10:52 20.12.2017)
"Məqalə yazılarkən mənim mövqeyim dərc olunmayıbsa, məndə yazının sifariş olduğu şübhəsi qalmır"

BAKI, 20 dekabr — Sputnik. Xəbər verdiyimiz kimi, Səbail rayonu Bayıl qəsəbəsi Qurban Abbasov küçəsi 42 ünvanında fərdi həyət evləri "Dönüş" MMC tikinti şirkəti tərəfindən sökülür. Sakinlərə konpensasiya təklif edilmədən, onlarla heç bir razılığa gəlinmədən evləri uçurulur.

Bəzi saytlarda yer alan iddialara görə, sözügedən tkinti şirkəti millət vəkili Adil Əliyevə məxsusdur. Sputnik Azərbaycan xəbər verir ki, millət vəkili məsələdə adının hallanması ilə bağlı öz "Facebook" səhifəsində münasibətini bildirib. O qeyd edib ki, 19 dekabr 2017-ci il tarixində virtualaz.org saytında, "Bakıda deputatın şirkətinin məhəlləyə gecə basqını: Bir də gördük evin damını uçururlar…" başlıqlı məqalədə adının hallanmasına təəssüf edir.

"Məqalədə adımın əsassız çəkilməsi və guya şirkətin mənə məxsus olması iddiası cəfənfiyyatdır. Burada obyektivlik pozulub. Məqalə yazılarkən mənim mövqeyim dərc olunmayıbsa, məndə yazının sifariş olduğu şübhəsi qalmır" — A.Əliyev yazıb.

"Mətbuatda çalışan dostlarım yaxşı bilirlər ki, mediaya açıq insanam. Əgər sayt mənim əleyhimə məqsədyönlü fikir formalaşdırmağı qarşısına məqsəd qoyubsa, indidən deyim ki, düz ünvan seçməyiblər. Biz belə insanlara sağlam şəkildə millətimizə və dövlətimizə xidmət etməklə cavab verəcəyik" — deyə millət vəkili əlavə edib.

210
Teqlər:
"Dönüş" MMC, Bayıl qəsəbəsi, Səbail rayonu, Adil Əliyev, sakin, millət vəkili, ev
Əlaqədar
Bakıda qalmaqal: Hökumətin "sökmə" dediyini sökən peyda olub
Bakıda nəhəng söküntü qərarı: icra başçılarına təlimat verilib
Şəhidin heykəlini sökdülər
Böyük söküntü dalğası başladı
 Azərbaycan hərbçisi, arxiv şəkli

Korpus komandirinin müavini, polkovnik Babək Səmidli həlak olub

108
(Yenilənib 19:27 23.11.2020)
Korpus komandirinin müavini, polkovnik Səmidli Babək Mətləb oğlu bu gün Suqovuşan qəsəbəsi ərazisində minaya düşüb.

BAKI, 23 noyabr — Sputnik. Qarabağın erməni işğalından azad olunmasında qəhrəmanlıq göstərən polkovnik Babək Səmidli şəhid olub.

APA-nın məlumatına görə, korpus komandirinin müavini, polkovnik Səmidli Babək Mətləb oğlu bu gün Suqovuşan qəsəbəsi ərazisində minaya düşüb.

Şəhid polkovnik sabah Göyçayda dəfn olunacaq.

Allah rəhmət eləsin!

108
Teqlər:
polkovnik, şəhid, mina
Polis əməkdaşı, arxiv şəkli

Polisə müqavimət göstərən şəxs saxlanılıb

11
(Yenilənib 15:47 23.11.2020)
Faktla bağlı Goranboy rayon prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

BAKI, 23 noyabr — Sputnik. Noyabrın 22-də saat 18 radələrində Goranboy rayon polis şöbəsinin əməkdaşlarına qarşı zor tətbiq olunması ilə bağlı rayon prokurorluğuna məlumat daxil olub.

Sputnik Azərbaycan Goranboy rayon prokurorluğunun məlumatına istinadla xəbər verir ki, araşdırmalarla Goranboy rayonu ərazisində oğurluqla əlaqədar daxil olmuş operativ məlumat əsasında Goranboy rayon Polis Şöbəsinin Cinayət Axtarış Bölməsinin baş əməliyyat müvəkkili Emin Şirinov və həmin bölmənin əməliyyat müvəkkili Elgün Teymurzadə hadisə yerinə çıxmaqla xidməti vəzifələrini icra edərkən rayon sakini Bevdalı Alışanovun onlara qarşı zor tətbiq etməklə müqavimət göstərməsinə əsaslı şübhələr müəyyən edilib.

Faktla bağlı Goranboy rayon prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib. Bevdalı Alışanov şübhəli şəxs qismində tutularaq istintaqa cəlb olunub.  Cinayət işi üzrə zəruri istintaq tədbirləri davam etdirilir.

11
Teqlər:
Goranboy, müqavimət, oğurluq, sakin, polis
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

0
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

0
Teqlər:
şahmat turniri, Teymur Rəcəbov, qalib, qələbə, şahmat