Bakı şəhəri Qurban Abbasov küçəsində sökülən evlər

Qalmaqallı adamı Bakıda yenə "fırtına" qopardı

2108
(Yenilənib 17:43 15.12.2017)
Paytaxtda növbəti söküntü qalmaqalı: sakinləri heç kim dinləmir

İradə Cəlil, Sputnik Azərbaycan

BAKI, 15 dekabr — Sputnik. Uzun müddətdir ki, paytaxtın müxtəlif ərazilərində söküntü-tikinti işləri aparılır. Nazirlər Kabinetinin müvafiq qərarı ilə köhnə binalar sökülüb yeniləri ilə əvəz edilməli və sakinlər yeni mənzillərlə təmin edilməlidir.

Qərarda, həmçinin qeyd edilir ki, qəzalı vəziyyətdə olan binaları söküb, yerində yeni yaşayış binası tikməyi öhdəsinə götürən tikinti şirkətləri yeni yaşayış binası tikilənədək köçürülən sakinlərin kirayə pulunu ödəməli və həmin sakinlərə yeni tikiləcək binada müvafiq mənzillər ayrılmalıdır. Və bütün bu proses hüquqi və fiziki şəxslərin razılığı ilə həyata keçirilməlidir.

O da nəzərdə tutulur ki, hüquqi və fiziki şəxslərin razılığı ilə mülkiyyətlərində və ya istifadələrində olan torpaq sahələrinin mülki qanunvericiliyə uyğun olaraq dəyəri ödənilməklə əldə edilməsi və ya həmin torpaq sahələrinin əvəzləşdirilməsinə şərait yaradılmalıdır.

Ancaq təəssüf olsun ki, bəzi tikinti şirkətləri və onların himayədarları olan rayon icra hakimiyyətləri heç də hər zaman müvafiq qərarın bəndlərini nəzərə almır. Belə xoşagəlməz hallar da sakinlərin ciddi etirazına səbəb olur, hətta aksiyalar keçirilməsi ilə nəticələnir.

  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
  • Bakı şəhəri Qurban Abbasov küçəsində sökülən evlər
    Bakı şəhəri Qurban Abbasov küçəsində sökülən evlər
    © Sputnik / Irade JELIL
1 / 9
© Sputnik / Irade JELIL
Bakı şəhəri Qurban Abbasov küçəsində sökülən evlər

Bu gün Bakı şəhəri Səbail rayonu, Qurban Abbasov küçəsi 42 ünvanının sakinləri də evlərinin yerində söküntü və tikinti işləri aparan "Dönüş" MMC-dən və Səbail Rayon İcra Hakimiyyətindən narazılıqlarını dilə gətirmək üçün etiraz aksiyası keçiriblər.

Etiraz edən sakinlərdən Karina Əliyeva Sputnik Azərbaycan-ın müxbiri ilə söhbətində başlarına gələnləri anladıb: "İllərdir bu ünvanda yaşayıram. Onlar mənə deyirlər ki, "sənin evin 40 m2-dir və sənə 25 faiz əlavə yer verəcəyik. Həqiqətdə isə mənim mənzilim 65 m2-dir".

"Burada tək yaşayan insanlar var idi. Onları nə gücünə çıxarırlar, bilmirik. Onların evini artıq sökməyə başlayıblar. Söküntü zamanı digər evlərə də zərər dəyib. Qışın günündə bunu necə edirlər, başa düşə bilmirik" — sakin deyir.

Karina Əliyevanın sözlərinə görə, bu narazılıq bir neçə aydır ki, davam edir. Amma bu günə qədər onlara dəqiq fikir bildirən olmayıb. Həmin ərazi üçün müxtəlif insanlar sakinlərə yaxınlaşsa da, hərə bir vəd verərək gedib.

İndi isə "Dönüş" MMC adlanan tikinti şirkətinin Əli Həsənov adlı rəhbəri sakinlərdən evlərindən çıxmağı tələb edir. Sakinlər iddia edirlər ki, Ə.Həsənov onlara "Ya xoşluqla çıxacaqsınız, ya da elə şərait yaradılacaq ki, özünüz məcbur olub gedəcəksiniz" deyib.

K. Əliyeva bildirir ki, onların istəyi yeni mənzillə təmin olunmaqdır: "Evimdə çox əşyam var. Mən bunları kirayələrə necə sürüyüm? Yaxınlıqda da bir çox mənzil sökdülər, amma sökməmişdən qabaq həmin sakinləri mənzillə təmin etdilər, heç narazılıqları da olmadı. Mən də yeni mənzil istəyirəm. Yaşlı adamam, iki övladım var. Onlar niyə evsiz-eşiksiz qalmalıdır ki?"

Digər şikayətçi İsmayıl Namazovun dediyinə görə, şirkətin əməkdaşları yaşlı-cavan bilmədən onlarla istədikləri kimi davranır, ərazinin şirkətə aid olduğunu və yeni bina tikildiyi halda, onlara evlərinin həcmindən 25 faiz artıq ölçüdə mənzil veriləcəyini deyirlər.

Şikayətçi sakin Sara Poladova onkoloji xəstə olduğunu bildirərək qeyd edir ki, həyəcanlanmaq onun səhhəti üçün təhlükəli olsa da, hər günü həyəcanla keçir: "Qorxuruq ki, evlərimizi sökərlər. Qalarıq ortalıqda".

Digər sakinlər Bəsti Daşdıyeva, Almazxanım İbrahimova, Minayə Məmmədova və başqaları da öz mənzillərindən çıxmaq istəmədiklərini deyir və onlarla hüquqi şəxslər danışmasını tələb edirlər.

Qeyd edək ki, sözügedən ərazidə hazırda 10-a yaxın ailə yaşayır. 4 fərdi yaşayış evi söküldüyü üçün digər evlər də qəzalı vəziyyətə düşüb. Sakinlər kimə şikayət etməli olduqlarını belə, bilmirlər. Bildirirlər ki, Səbail Rayon İcra Hakimiyyətindən Abid adlı şəxs ara-sıra əraziyə gəlir, lakin sakinləri dinləmir.

Ərazidə yaşayanlar əvvəllər bu ərazidə həyət evlərinin və kiçik bloklu mənzillərin olduğunu deyirlər. Ərazi yavaş-yavaş söküldüyü üçün sakinlər heç vaxt öz şikayətlərini dilə gətirə bilməyib. Böyük problem isə bu ayın 5-dən başlayıb. Dediklərinə görə, dəfələrlə Daxili İşlər Nazirliyinin 102 çağrı xidmətinə və ərazi üzrə polis bölmələrinə şikayət etsələr də, onları eşidən olmayıb.

Ayın 5-dən isə ərazidə söküntü işləri yenidən başlanıb. Sakinlər onu da iddia edirlər ki, "Dönüş" MMC-nin rəhbəri Əli Həsənovun əraziyə aid heç bir sənədi yoxdur və niyyəti onları aldatmaq və evlərinə sahib olmaqdır.

Məsələ ilə əlaqədar "Dönüş" MMC ilə əlaqə saxlamaq istəsək də, axtarış sistemlərində şirkətin nə adına, nə ünvanına, nə də əlaqə nömrələrinə rast gəldik. Ancaq onu öyrənə bildik ki, "Dönüş" MMC-nin rəhbəri həm də Nəsimi rayonu Süleyman Rüstəm 193 ünvanında sakinlərlə mübahisəli olan "Rifah Plaza" MMC-nin rəhbəridir.

Məsələ ilə bağlı Səbail Rayon İcra Hakimiyyətinin mövqeyini də öyrənmək istədik. Lakin zənglərimiz cavabsız qaldı.

2108
Teqlər:
ev, qərar, şirkət, Nazirlər Kabineti, mənzil, bina, söküntü, icra hakimiyyəti, tikinti, şikayət, sakin, yaşayış, Səbail rayonu, Bakı şəhəri, ərazi, ünvan, Qurban Abbasov küçəsi, 'Dönüş' MMC
Əlaqədar
Bakıda evlərin eyvanları sökülür
Bakıda nəhəng söküntü-tikinti planına razılıq verildi
Bakıda nəhəng söküntü qərarı: icra başçılarına təlimat verilib
Şəhidin heykəlini sökdülər
Bakıda bayraq dirəyinin sökülməsinin əsl səbəbi açıqlandı
Türkiyənin Antalya əyalətində meşə yanğınları

Türkiyədə ailə dramı: Ər arvad yanğından uçan evin altında həyata əlvida ediblər

283
(Yenilənib 20:40 01.08.2021)
Türkiyə vətəndaşı Fahri Yiğitokur və Almaniya vətəndaşı olan həyat yoldaşı Andrea Hartmann Yiğitokur yanğından uçan evin altında qalaraq həyatlarını itiriblər.

BAKI, 1 avqust - Sputnik. Türkiyənin Antalya əyalətinin Manavqat rayonunda baş verən meşə yanğını zamanı ziyan çəkən evdə iki nəfərin meyiti aşkarlanıb.

Sputnik Türkiyə xəbər verir ki, yanğın zamanı ölənlər Türkiyə vətəndaşı Fahri Yiğitokur və onun almaniyalı həyat yoldaşı Andrea Hartmann Yiğitokurdır.

Ölkənin səhiyyə naziri Fahrettin Koca öz Twitter hesabında Manavqatda həlak olanlar da daxil olmaqla, meşə yanğınlarında ölənlərin ümumi sayının 7 nəfərə çatdığını bildirib.

O, qeyd edib ki, hadisə zamanı ümumilikdə 507 nəfər zərər çəkib, onlardan 497 nəfərinin müalicəsi başa çatıb. Hazırda 10 nəfərin müalicəsi davam edir.

Qeyd edək ki, Fahri Yiğitokur və Almaniya vətəndaşı olan həyat yoldaşı Andrea Hartmann Yiğitokur yanğından uçan evin altında qalıb. Yaxınları onlardan xəbər almadıqları üçün axtarışlar başlayıb, uçqun altında qalan cütlüyün cəsədləri aşkarlanıb.

 

283

FHN-in yanğın-xilasetmə qüvvələrinin növbəti qrupu Gürcüstandan Türkiyəyə doğru gedir

694
(Yenilənib 20:42 01.08.2021)
Yanğın-xilasetmə qrupuna 1 ədəd helikopter, 53 ədəd yanğınsöndürmə və xüsusi təyinatlı xilasetmə texnikaları, 220 nəfər yanğınsöndürən və xilasedici daxildir.

BAKI, 1 avqust - Sputnik. Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Fövqəladə Hallar Nazirliyinin (FHN) müvafiq yanğın-xilasetmə qüvvələrinin növbəti qrupu dünən axşam saatlarında qardaş Türkiyə Respublikasına yola düşüb.

Fövqəladə Hallar Nazirliyindən verilən məlumata görə, hazırda qrup qonşu Gürcüstan ərazisində Türkiyəyə doğru hərəkət edir.

31.07.2021

FHN-in yanğın-xilasetmə qüvvələrindən ibarət növbəti qrup Türkiyəyə yola düşür

Azərbaycan Respublikasının Prezidenti cənab İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikası Fövqəladə Hallar Nazirliyinin müvafiq yanğın-xilasetmə qüvvələrinin növbəti qrupu yaxın saatlarda qardaş Türkiyə Respublikasına yola düşəcək.

Yanğın-xilasetmə qrupuna 1 ədəd helikopter, 53 ədəd yanğınsöndürmə və xüsusi təyinatlı xilasetmə texnikaları, 220 nəfər yanğınsöndürən və xilasedici daxildir.

Daha öncə Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarına başlayıb.

Hazırda FHN-in yanğınsöndürmə qüvvələri Türkiyənin Marmaris bölgəsində meşə yanğınları ilə mübarizə aparır.

Qeyd edək ki, son 3 gündə Türkiyədə 85 yerdə meşə yanğını qeydə alınıb. Bu yanğınlardan 75-i artıq nəzarət altına alınıb. Yanğın nəticəində 6 nəfər dünyaını dəyişib. Türkiyəyə yardım məqsədi ilə müxtəlif ölkələr təyyarələr göndəriblər.

Həmçinin oxuyun:

Azərbaycan yanğınsöndürənləri qardaş ölkənin harayına getdilər

Ərdoğan meşə yanğınlarının baş verdiyi bölgələrə gedəcək

Türkiyə alovlar içində: Yanğınlar lokallaşdırılsa da, mübarizə davam edir

FHN-in yanğınsöndürmə qüvvələri Türkiyəyə gedir

694
Azərbaycan Respublikasının Prezidenti İlham Əliyev iyulun 27-də Türkiyə Böyük Millət Məclisinin sədri Mustafa Şentopun başçılıq etdiyi nümayəndə heyətini qəbul edib.

"Bakı bəyannaməsi" İsraillə başlayan yeni dönəm

0
(Yenilənib 22:17 01.08.2021)
Azərbaycan Respublikasının Prezidenti İlham Əliyev iyulun 27-də Türkiyə Böyük Millət Məclisinin sədri Mustafa Şəntopun başçılıq etdiyi nümayəndə heyətini qəbul edib.

Avrasiyada yeni işbirliyi çərçivələri formalaşır: Əliyevlə Şəntopun görüşündən detallar

Azərbaycan Respublikasının Prezidenti İlham Əliyev iyulun 27-də Türkiyə Böyük Millət Məclisinin sədri Mustafa Şəntopun başçılıq etdiyi nümayəndə heyətini qəbul edib.

Sputnik Azərbaycan Prezidentin rəsmi saytına istinadən bildirir ki, Türkiyə Böyük Millət Məclisinin sədri Mustafa Şəntop Türkiyə Prezidenti Rəcəb Tayyib Ərdoğanın salamlarını dövlətimizin başçısına çatdırıb.

Prezident İlham Əliyev Türkiyə dövlətinin başçısının salamlarına görə minnətdarlığını bildirib, onun da salamlarını Rəcəb Tayyib Ərdoğana çatdırmağı xahiş edib.

Görüşdə Türkiyə Böyük Millət Məclisinin sədrinin ölkəmizə səfərinin Azərbaycanla Türkiyə arasında əlaqələrin daha da möhkəmlənməsi işinə töhfə verəcəyi qeyd edilib. Mustafa Şəntopun başçılıq etdiyi nümayəndə heyətinin Şuşaya edəcəyi səfərin önəminə toxunularaq bildirilib ki, Azərbaycan və Türkiyə prezidentləri arasında imzalanan müttəfiqlik münasibətləri haqqında Şuşa Bəyannaməsi əlaqələrimizin daha yüksək səviyyəyə qalxmasına xidmət edir. Söhbət zamanı Azərbaycanla Türkiyə arasında bütün sahələrdə uğurlu işbirliyinin olduğu vurğulanıb.

Bakıda keçiriləcək Azərbaycan, Türkiyə və Pakistan parlament sədrlərinin birinci üçtərəfli görüşünün önəmi qeyd edilərək bildirilib ki, bu görüş üç ölkə arasında mövcud olan birliyi nümayiş etdirir. Vurğulanıb ki, Azərbaycan, Türkiyə və Pakistan arasında qardaşlıq əlaqələri mövcuddur. Həm Türkiyə, həm də Pakistanın Vətən müharibəsinin ilk anlarından Azərbaycana dəstəyinin mühüm rolu qeyd edilib.

Söhbət zamanı üç ölkə arasında əməkdaşlığın geniş mənada Avrasiyada yeni işbirliyi çərçivələri formalaşdırdığı bildirildi.

Görüşdə Azərbaycan və Türkiyə parlamentlərarası əməkdaşlığının da uğurla inkişaf etdiyi vurğulanıb, ölkələrimiz arasında dostluq və qardaşlıq münasibətlərinin bundan sonra da möhkəmlənəcəyinə və genişlənəcəyinə əminlik ifadə olunub.

DTX əməliyyat keçirdi, qazilərdən rüşvət alan vəzifəli şəxslər saxlanıldılar

Vətən müharibəsi iştirakçısı olan hərbi qulluqçulara dövlət tərəfindən müəyyən edilmiş maddi təminatların ödənilməsinə görə bəzi vəzifəli şəxslərin rüşvət almalarına dair əldə olunmuş məlumatlar əsasında Dövlət Təhlükəsizliyi Xidməti tərəfindən kompleks araşdırma tədbirləri həyata keçirilib. Faktla bağlı başlanılmış cinayət işi üzrə Silahlı Qüvvələrin Baş Klinik Hospitalının bölmə rəisi Eyvazov Vüsal Qorxmaz oğlunun xidməti vəzifələrinin icrası zamanı həmin Hospitalın digər əməkdaşı Ağayev Hüseyn İlham oğlunun vasitəsilə çoxsaylı hərbi qulluqçuların hər birindən onlara dövlət tərəfindən birdəfəlik sosial sığorta müavinətinin ödənilməsi üçün Vətən müharibəsində aldıqları xəsarət dərəcələrinin təyin edilməsi müqabilində pul vəsaitlərini rüşvət qismində istəyərək almasına əsaslı şübhələr müəyyən edilib.

Keçirilmiş kompleks əməliyyat-istintaq tədbirləri nəticəsində Vüsal Eyvazov və Hüseyn Ağayev cinayət başında yaxalanıblar Vüsal Eyvazov Azərbaycan Respublikası Cinayət Məcəlləsinin 311.3.2 (vəzifəli şəxs tərəfindən təkrar rüşvət alma), Hüseyn Ağayev 32.5, 311.3.2 (təkrar rüşvət almada iştirakçılıq) və digər maddələri ilə təqsirləndirilən şəxs qismində məsuliyyətə cəlb edilərək barələrində məhkəmənin qərarı ilə həbs qətimkan tədbiri seçilib.

Hazırda cinayət işi üzrə araşdırmalar davam etdirilir.

Tarixi "Bakı bəyannaməsi" imzalandı

İyulun 27-də Milli Məclisdə Azərbaycan, Türkiyə və Pakistan parlamentlərinin sədrlərinin birinci üçtərəfli görüşün yekun sənədi olaraq "Bakı bəyannaməsi"ni imzalanıb. Sənədi hər üç ölkənin parlament sədrləri Sahibə Qafarova, Mustafa Şəntop və Əsəd Qeysəri imzalayıb.

Ermənistan silahlı qüvvələrinin bölmələri Ermənistan-Azərbaycan dövlət sərhədinin Kəlbəcər rayonu sahəsində təxribat törətməyə davam edir

İyulun 28-i saat 00:50 radələrindən başlayaraq Ermənistan silahlı qüvvələrinin bölmələri Basarkeçər rayonu ərazisindəki müxtəlif istiqamətlərdə yerləşən döyüş mövqelərindən Azərbaycan Ordusunun Kəlbəcər rayonu ərazisindəki mövqelərini atıcı silahlar və qumbaraatanlardan növbəti dəfə intensiv atəşə tutub.

Qarşı tərəfdən açılan atəş nəticəsində iki hərbi qulluqçumuz - Əliyev Sadiq Nizami oğlu və İmranlı İmran Dilqəm oğlu yaralanıb. Yaralılara ilkin tibbi yardım göstərilib, onların həyatları üçün təhlükə yoxdur.

İyulun 28-i gecə saatlarında Ermənistan silahlı qüvvələrinin Kəlbəcər rayonu istiqamətində başladığı təxribatın qarşısının alınması məqsədilə Azərbaycan Ordusunun həyata keçirdiyi cavab tədbirləri davam edir.

Bölmələrimiz tərəfindən qarşı tərəfin atəş nöqtələrinin neytrallaşdırılması istiqamətində zəruri addımlar atılıb.

Ermənistan ərazisində guya mülki obyektlərə zərərin yetirilməsi barədə xəbərlər yalandır və sırf dezinformasiya məqsədi daşıyır. Ermənistan hərbi-siyasi rəhbərliyi ənənələrinə sadiq olaraq Ermənistan ictimaiyyətini və beynəlxalq aləmi çaşdırmaq üçün yalan məlumatlar yaymaqda davam edir.

Ermənistanın hərbi-siyasi rəhbərliyini iki ölkənin dövlət sərhədində hərbi avantüra məqsədi daşıyan təxribatlar və vəziyyəti qəsdən gərginləşdirmək əməllərindən çəkinməyə və sivil qaydada dövlət sərhədinin delimitasiyası üzrə danışıqlara başlamağa çağırırıq.

Bir daha bildiririk ki, Ermənistan-Azərbaycan dövlət sərhədində vəziyyətin gərginləşdirilməsinə görə məsuliyyət tam olaraq Ermənistanın hərbi-siyasi rəhbərliyinin üzərinə düşür.

Hazırda bu istiqamətdə əməliyyat şəraiti bölmələrimizin nəzarəti altındadır.

Azərbaycan Respublikasının sərhədlərinin toxunulmazlığını təmin etmək üçün Ermənistanın bütün təxribatlarının qarşısı bundan sonra da qətiyyətlə alınacaqdır.

Azərbaycan Rusiyanın atəşkəs təşəbbüsünə razılıq verdi, Ermənistan isə…

İyulun 28-i Ermənistan-Azərbaycan dövlət sərhədində Bakı vaxtı ilə saat 10:00-dan etibarən atəşkəsin elan olunması ilə bağlı Rusiya tərəfinin təşəbbüsü tərəfimizdən qəbul edilib.

Bu barədə Sputnik Azərbaycan-a Azərbaycan Müdafiə Nazirliyindən məlumat verilib.

Buna baxmayaraq Ermənistan tərəfi əlavə olaraq tank və 120 millimetrlik minaatanlardan istifadə etməklə vəziyyəti gərginləşdirməkdə və mövqelərimizi atəşə tutmaqda davam edir.

Putin Təhlükəsizlik Şurası ilə Azərbaycan-Ermənistan sərhədindəki durumu müzakirə etdi

Rusiya Prezidenti Vladimir Putin Təhlükəsizlik Şurasının daimi üzvləri ilə təcili toplantı keçirib. İclasda Rusiyanın sosial-iqtisadi inkişafı ilə yanaşı, Əfqanıstan, eləcə də Azərbaycanla Ermənistan sərhədindəki vəziyyət müzakirə olunub.

Putinin sözçüsü Dmitri Peskov bildirib ki, iclasda Federasiya Şurasının spikeri Valentina Matviyenko, Dövlət Dumasının sədri Vyaçeslav Volodin, Kreml administrasiyasının rəhbəri Anton Vayno, TŞ katibi Nikolay Patruşev, DİN rəhbəri Vladimir Kolokoltsev, FTB direktoru Aleksandr Bortnikov, XKX rəhbəri Sergey Narışkin, prezidentin xüsusi nümayəndəsi Sergey İvanov iştirak ediblər.

Azərbaycan İsraildə ilk rəsmi nümayəndəlik açdı

İyulun 28-də Azərbaycanın iqtisadiyyat naziri Mikayıl Cabbarovun İsrailə səfəri çərçivəsində Azərbaycanın bu ölkədə Ticarət Nümayəndəliyinin açılışı olub.

Bildirilir ki, açılış mərasimində İsraildən olan nazir Yoel Razvozov da iştirak edib və nazirlər Ticarət Nümayəndəliyinin lentini kəsiblər.

"Bu gün tarixi gündür. Ölkələrimiz arasında əlaqələr təxminən 30 il əvvəl qurulduğundan Azərbaycanın İsraildə heç bir nümayəndəliyi yox idi. İndi bu dəyişdi. Bu gün Azərbaycan Təl-Əvivdə Ticarət Nümayəndəliyi açdı və ilk dəfə İsraildə Azərbaycan bayrağı dalğalanacaq. Bu ölkələrimiz və xalqlarımız arasında əlaqələri daha da yaxınlaşdıraraq münasibətlərimizin daha güclü və daha çoxtərəfli olması üçün imkanlara yaradacaqdır. İnanıram ki, bu İsraildə Azərbaycan səfirliyinin açılması istiqamətində daha bir addımdır. Gələn il ölkələrimiz arasında diplomatik münasibətlərin qurulmasının 30 illiyini qeyd edəcəyik. İnşallah, biz bunu hamımız birlikdə, Azərbaycanda və İsraildə qeyd edəcəyik", - deyə İsrailin Azərbaycandakı səfiri Corc Dik bildirib.

Həmin gün, həmçinin Azərbaycanın İsraildə Turizm Nümayəndəliyinin də açılışı olub.

Parlament sədrlərinin Şuşa səfəri

Azərbaycan Milli Məclisinin sədri Sahibə Qafarova, Türkiyə Böyük Millət Məclisinin (TBMM) sədri Mustafa Şəntop və Pakistan Milli Assambleyasının sədri Əsəd Qeysərin rəhbərlik etdikləri nümayəndə heyətləri Şuşaya səfər çərçivəsində Cıdır düzündə olublar.

Şuşa şəhərindəki bir sıra tarixi və dini-memarlıq abidələrini, həmçinin digər məkanları ziyarət etdikdən sonra Cıdır düzünə gələn qonaqlar buradan açılan əsrarəngiz mənzərəni seyr ediblər.

Nümayəndə heyəti daha sonra Yuxarı Gövhər Ağa məscidini ziyarət edib. M.Şəntop, Ə.Qeysəri və Azərbaycan, Türkiyə, Pakistan parlamentlərinin nümayəndə heyətlərinin üzvləri məsciddə namaz qılıblar, dualar ediblər.

Paşinyan Azərbaycanla bütün sərhədə Rusiya sərhədçilərini yerləşdirmək istəyir

Ermənistan Baş nazirinin səlahiyyətlərini icra edən Nikol Paşinyan bu ölkənin Azərbaycanla sərhədi boyunca Rusiya sərhədçilərinin dayaq məntəqələrinin yerləşdirilməsini təklif edib. Paşinyanın xahişini yerinə yetirməyə hazır olub-olmamaqla bağlı sualın cavabında Rusiya prezidentinin mətbuat katibi Dmitri Peskov belə cavablandırıb: "Yerevanla əlaqələr davam edir, başqa heç nə deyə bilmərəm".

Türkiyədə başlayan dəhşətli yanğınlar

İyulun 28-də Antalyanın Manavqat rayonunda başlayan meşə yanğınları qısa müddətdə ölkənin digər bölgələrində müşahidə edilib. Son 6 gündə Türkiyədə 107 yerdə meşə yanğını qeydə alınıb. Yanğın nəticəsində 8 nəfər dünyasını dəyişib. 

Antalya başda olmaqla Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində kütləvi surətdə meşa yanğınları baş verməkdədir. Türkiyə rəsmiləri hadisənini terror aktı olduğunu istisna etmirlər.

Türkiyəyə yardım məqsədi ilə dünyanın bir çox ölkələrindən, o cümlədən Azərbaycandan texnika və canlı qüvvə göndərilib.

Türkiyədə baş vermiş meşə yanğınlarının söndürülməsi prosesində qardaş ölkəyə dəstək məqsədilə göndərilənlər arasında Fövqəladə Hallar Nazirliyinin (FHN) yanğınsöndürmə qüvvələri də var.

Meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını fədakarlıqla davam etdirirlər.

0