Qətl

Salyan sakinləri hələ şokdan ayılmayıb: Qonşu qadın deyir ki...

6085
(Yenilənib 13:11 13.12.2017)
"Qadın özü və qızları heç vaxt pis yolda olmayıblar"

İradə Cəlil, Sputnik Azərbaycan

BAKI, 13 dekabr — Sputnik. Salyanda baş vermiş dəhşətli cinayətin doğurduğu rezonans səngimək bilmir. Hər gün hadisə ilə bağlı yeni detallar üzə çıxır.

Sputnik Azərbaycan-ın həmsöhbət olduğu Salyan rayon sakinləri baş vermiş hadisənin şokundan ayılmadıqlarını bildiriblər. Onlar sözügedən ailənin üzvlərini sakit təbiətli insanlar kimi tanıdıqlarını deyiblər. Lakin cinayəti törədən ailə başçısı Fərhad Əliyev rayonda spirtli içki aludəçisi kimi tanınırmış.

"Fərhad Əliyev içki aludəçisi olsa da, evin qadını daim çalışıb uşaqlarını saxlayıb. Mehparə xanım uşaqlarını bir qarnı ac, bir qarnı tox böyüdürdü. Qadın özü və qızları heç vaxt pis yolda olmayıblar" — həmsöhbətlərimiz bildiriblər.

Onların sözlərinə görə, oğul Fəqan Əliyev də hər zaman normal insan kimi tanınıb: "Ailəsinə, ana-bacılarına bağlı biri idi. Həm də zəhmətsevər uşaq idi. Kim iş üçün hara çağırsa, 5 manata olsa belə, gedib işləyərdi. Həyətlərdə işləyirdi, yer şumlayırdı. Düzü, heç kim uşağın atası ilə əlbir olduğuna inanmır. Bu hadisəni niyə gizlətdiyini də heç kim başa düşə bilmir".

Salyan sakini Tayibə Aslanova deyib ki, tək bildikləri ailənin qəfil itkin düşməsi olub: "Qonşu qadın var, deyir ki, Mehparənin bizə borcu vardı. İtkin düşməmişdən iki gün öncə onlara gedib, borcu istəyib. Mehparə deyib ki, imkan düşən kimi qaytaracaq. Həmin vaxtdan iki gün sonra Mehparə və qızları yoxa çıxıb. Polisə də onların itkin düşməsi ilə bağlı müraciət edilib. Amma heç bir nəticə olmayıb".

Sakinlərin sözlərinə görə, hər şey vəkil Şəfiqə Nağıyevanın Fəqana dediyi sözlərdən sonra baş verib. Vəkil Fəqana nə deyibsə, Fəqan kəndə qayıdaraq atasını restorandan çıxarıb, deyib ki, "Vəkil ağzına gələni danışır, mən o qədər alçaq deyiləm, mənə "bacıların pozğundur" desinlər. Tez ol, zəng vur və günahını boynuna al".

Sakinlər, həmçinin bildiriblər ki, cinayəti törədən Fərhad Əliyev o qədər qəddar bir şəxs olub ki, qızlarına heç nəyi icazə vermirmiş. Hətta onların ailə qurmalarını belə istəmirmiş. Mehparə isə uşaqlarının xətrinə ərindən boşanmırmış. Amma Fərhad Əliyev hər zaman evdə "vuracağam, öldürəcəyəm" deyirmiş.

Xatırladaq ki, 2014-cü ilin martında ana və 4 qızı ilə bağlı axtarış elan edilib. Qonşuları və qohumları elə ehtimal ediblər ki, Mehparə Əliyeva qızları ilə birlikdə içki düşkünü olan ailə başçısından uzaqda yaşamaq üçün Türkiyəyə gediblər.

Dörd ilə yaxın vaxt keçəndən sonra kişi polis idarəsinə gedərək törətdiyi əməli etiraf edib. Ata və oğul faktla bağlı saxlanılıb.

6085
Teqlər:
Fəqan Əliyev, Mehparə Əliyeva, Fərhad Əliyev, Salyan, qətl, sakin, qız, rayon, cinayət, qadın
Əlaqədar
Salyandakı dəhşətli qətlləri törədəndən yeni xəbər var
Salyandakı dəhşətli cinayətlə bağlı yeni məqam: başdaşına...
Dəhşətli Salyan cinayətində gözlənilməz dönüş
Salyan faciəsinin təfərrüatı: Kişi arvadını və qızlarını necə öldürdüyünü anlatdı
Salyandakı tükürpədici iddia təsdiqini tapdı, ata-oğul saxlanıldı
Salyandakı tükürpədici hadisənin təfərrüatı
Самолет Бе-200, фото из архива

Hirkan Milli Parkında yanğın davam edir - VİDEO

14
(Yenilənib 19:37 17.01.2021)
Yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi cəlb olunub.

BAKI, 17 yanvar - Sputnik. Astara rayonu ərazisində Hirkan Milli Parkında baş vermiş yanğının söndürülməsi istiqamətində Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Fövqəladə Hallar Nazirliyindən verilən məlumata görə, yanğının söndürülməsinə relyefin mürəkkəbliyi və hava şəraitinin əlverişsizliyi maneə törədir. Bununla belə, yanğının daha geniş sahəyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər həyata keçirilir.

Qeyd edək ki, yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi də cəlb olunub.

Əlavə məlumat veriləcək.

14
Шторм в Черном море

Qara dənizdə batan gəminin dörd üzvü ölüb, axtarışlar dayandırılıb

7
Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın “Tesero Marine” şirkətidir.

BAKI, 17 yanvar - Sputnik. Qara dənizin Türkiyə sahillərində, Bartın vilayətinin İnkumu sahillərinə yaxın ərazidə batan Palau bayrağı altında üzən “Arvin” quru yük gəmisinin batması nəticəsində dörd nəfər həlak olub və həyatını itirənlərin sayı arta bilər.

Bunu Türkiyənin Bartın vilayətinin valisi Sinan Güner bildirib. Onun sözlərinə görə, “Arvin” gəmisinin batmasına əlverişsiz hava şəraiti səbəb olub:

“Son məlumata görə, 4 nəfər ölüb, 6 heyət üzvü xilas edilib. Yüksək dalğalara görə dənizdə axtarış-xilasetmə işləri dayandırılıb, helikopterlərdən isifadə edilərək havadan axtarışlar davam edir”.

Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın Tesoro Marine LLC şirkətidir. Türkiyə Hərbi Dəniz Qüvvələri axtarış əməliyyatında iştirak etmək üçün freqat göndərmişdi.

Daha öncə gəminin Rusiya bayrağı altında üzdüyü bildirilirdi. Son məlumatlara görə, Palau bayrağı altında üzən gəminin 12 nəfərlik heyətinin 10 üzvü ukraynalı, ikisi isə rusdur. Gəminin sahibi Arvin Shipping LTD-dir (Beliz). Gəmi 1997-ci ildə Rusiyada qeydiyyatdan çıxarılıb.

7
Kürdəxanında çirkab sular

Kürdəxanıda çirkab suları dənizə axıdılır, nazirlik öz işini görür, nəticə isə yoxdur

7
(Yenilənib 20:12 17.01.2021)
Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

İradə Cəlilova, Sputnik Azərbaycan

BAKI, 17 yanvar — Sputnik. Bakının Sabunçu rayonu Kürdəxanı qəsəbəsində uzun illərdir ki, dənizə kanalizasiya suları axıdılır. Qəsəbə sakinlərinin sözlərinə görə, qəsəbədə kanalizasiya sistemi olmadığı üçün vətəndaşlar kanalizasiya sularının axıdılması üçün xüsusi qazılmış "şambo"lardan istifadə edir.

Adətən çirkab sular dənizə axıdılır. Bununla yanaşı Kürdəxanı və Pirşağı qəsəbələrində kanalizasiya sularının axıdılığı göllər də var. Bu problemin qarşısını almaq üçün qəsəbələrə kanalizasiya sistemi çəkilməlidir. Ötən il Bakı qəsəbələrinə kanalizasiya sisteminin çəkilməsi üçün qərar verilsə də, görünən odur ki, qeyd olunan qəsəbələrdə hələ heç bir iş görülməyib.

© Sputnik / Irade JELIL
Kürdəxanında çirkab sular

Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Bakı qəsəbələrinə kanalizasiya sisteminin çəkilməsi planda olsa da, yəqin ki, bundan sonra məsələyə birbaşa məsul olan qurum "Azərsu" ASC işğaldan azad edilmiş ərazilərdə müvafiq işlər görəcək. Bakı qəsəbələrinə kanalizasiya sisteminin çəkilməsi məsələsi hələ bir müddət qalacaq. Çünki bu gün əsas prioritet məsələ işğaldan azad edilmiş torpaqların bərpasıdır.

Onun sözlərinə görə, Pirşağıda Cənubi Koreya şirkəti tərəfindən kanalizasiya sularının təmizlənməsi ilə bağlı stansiya tikilir. Stansiya istifadə verildikdən sonra Mehdiabad, Ceyranbatan və s. yaxın qəsəbələrin kanalizasiya boruları həmin stansiyaya qoşulacaq.

© Sputnik / Irade JELIL
Kürdəxanında çirkab sular

F.Həsənov qeyd edib ki, kanalizasiya suları təmizləndikdən sonra dənizə axıdılmalıdır: "Qonşu Türkiyədə kanalizasiya suları təmizləndikdən sonra dənizə axıdılır. Kanalizasiya suyu o qədər təmizlənir ki, Azərbaycanda olsa, içməli sudan fərqləndirmək mümkün olmaz. Bu qədər təmizlənməsinə baxmayaraq, həmin sular xüsusi borularla dənizin daxilində 5 kilometr məsafəyə buraxılır".

Professor bildirib ki, içməli suyun bir litrində 1 qram, Xəzər dənizinin suyunun 1 litrində 13-15 qram duz var. Kanalizasiya suları təmizlənib dənizə axıdıldığı təqdirdə, dənizin suyunun tərkibinə təsir etmir. Təmizlənmədiyi halda isə kanalizasiya suyunun tərkibində olan zərərli maddələr dəniz suyuna qarışır. Belə olan təqdirdə həmin ərazilərin çimərlik kimi istifadə edilməsi sağlamlıq üçün təhlükəlidir.

© Sputnik / Irade JELIL
Xəzər dənizinin suyunun 1 litrində 13-15 qram duz var

"Çirkab sularının birbaşa təmizlənmədən dənizə axıdılması müxtəlif dəri, mədə-bağırsaq və s. xəstəliklərə səbəb olur. Vətəndaşlar sağlamlıqları üçün bu ərazilərdən çimərlik kimi istifadə etməməlidirlər", - deyə F.Həsənov bildirib.

Dövlət Ekoloji Təhlükəsizlik xidmətinin rəis müavini Ramal Bağırovun sözlərinə görə, Ekologiya və Təbii Sərvətlər Nazirliyi 2007-ci ildən bu günə qədər 17 ədəd su təmizləyici qurğu quraşdırıb.

Bu problemin qalmasının səbəbi isə müvafiq ərazilərdə kanalizasiya sisteminin olmamasıdır. Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb. Nəticələr barədə "Azərsu" ASC-yə məlumat verilib.

© Sputnik / Irade JELIL
Kürdəxanında çirkab sular

Ekoloq Telman Zeynalovun fikrincə, çirkab və kanalizasiya sularının dənizə axıdılması insan sağlamlığı ilə yanaşı, Xəzərin biomüxtəlifliyi üçün də təhlükəlidir. Onun sözlərinə görə, Kürdəxanı ərazisində dənizə çirkab sularının axıdılmasına nəzarət yerli icra orqanları və Ekologiya və Təbii Sərvətlər Nazirliyindədir. Belə ki, qurumlar həmin ərazilərdə mütəmadi olaraq monitorinqlər aparmalı, bu kimi vəziyyətləri açıqlamalı və müvafiq tədbirlər görməlidir.

Məsələ ilə bağlı "Azərsu" ASC ilə əlaqə saxlamaq mümkün olmadı. Ancaq qurumun rəsmisi Şöhrət Süleymanov yerli mətbuata açıqlamasında bildirib ki, bu ərazilərdə mərkəzləşdirilmiş kanalizasiya sistemi mövcud deyil: "Abşeron yarımadası üzrə Master Plana uyğun olaraq Pirşağı hövzəsi üzrə müasir standartlara uyğun bioloji tullantı su təmizləyici qurğusunun inşası aparılıb. Hazırda tamamlanma işləri aparılır".

© Sputnik / Irade JELIL
Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb

Qeyd edək ki, Xəzər dənizinə antropogen təsir göstərən axarların qarşısının alınması və çirkab suların təmizlənərək Xəzər dənizinə axıdılması məqsədilə Bilgəh, Mərdəkan, Novxanı, Buzovna, Sumqayıtın Xəzər sahili ərazilərində ETSN tərəfindən onlarla modul tipli lokal təmizləyici qurğu quraşdırılıb.

Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

7