Tovuzda qətl hadisəsi

Salyan faciəsinin təfərrüatı: Kişi arvadını qızlarını necə öldürdüyünü anlatdı

2068
(Yenilənib 14:44 07.12.2017)
Adamın etirafları əməliyyat-istintaq qrupunun üzvlərini şoka salıb

Ramella İbrahimxəlilova, Sputnik Azərbaycan

BAKI, 7 dekabr — Sputnik. Salyan rayonunda üç il bundan əvvəl baş vermiş dəhşətli qətlin üstü açılıb. Xəbər verdiyimiz kimi, kişi öz arvadını və 4 qızını öldürərək basdırıb. Lakin bu, yalnız dekabrın 6-da üzə çıxıb.

Fərhad Əliyev və Fəqan Əliyev
© Photo : Qafqazinfo
Fərhad Əliyev və Fəqan Əliyev

Bu barədə Sputnik Azərbaycan-a Salyan Rayon Prokurorluğundan məlumat verilib. 1954-cü il təvəllüdlü Salyan sakini Fərhad Əliyev hüquq-mühafizə orqanlarına etiraf edib ki, üç il əvvəl 1989-cu il təvəllüdlü oğlu Fəqan Əliyevlə birlikdə həyat yoldaşı Mehparə Əliyevanı və qızları — Rəqibə, Sevda, Ümidə və İradə Əliyevaları öldürüb.

Qadın və qızları 2014-cü ilin martında xəbərsiz-ətərsiz yoxa çıxıblar və onlar barəsində axtarış elan edilib. Qonşular və qohumlar elə güman ediblər ki, Mehparə Əliyeva içki düşkünü olan ərindən yaxasını qurtarmaq üçün qızlarını da götürərək Türkiyəyə qaçıb.

Təqribən üç il yarım keçəndən sonra kişi polisə gedərək arvadını və qızlarını öldürdüyünü etiraf edib. Faktla bağlı ata və oğul saxlanılıb. Salyan prokurorluğu saxlanılan şəxslərlə bağlı cinayət işi açıb.

Fərhad Əliyevin qızları
© Photo : APA
Fərhad Əliyevin qızları

Bu gün Baş Prokurorluğun mətbuat xidmətindən Sputnik Azərbaycan-a bildiriblər ki, ata-oğul öldürülən şəxslərin cəsədlərini öz torpaq sahələrində basdırıb. Qətlə yetirilən şəxslərin qalıqları dəfn edildikləri yerdən çıxarılaraq məhkəmə-tibbi ekspertiza üçün morqa göndərilib. Hadisə ilə bağlı Cinayət Məcəlləsinin 120.2.7-ci maddəsi (iki və daha çox adamı qəsdən öldürmə) ilə cinayət işi açılıb.

Bununla yanaşı, dəhşətli qətlin əməliyyat-istintaq qrupunun üzvlərini belə şoka salan təfərrüatları məlum olub. Fərhad Əliyev ilkin ifadəsində deyib ki, onunla arvadı arasında münaqişə baş verib. Qızları analarının müdafiəsinə qalxıblar.

F.Əliyev əvvəlcə onların hamısını küt alətlə vurub, sonra beşinin də başını kəsib. Bu işdə atasına oğlu da kömək edib. Sonra onlar cəsədləri adyalın arasına bükərək evin zirzəmisinə aparıblar və çuxur qazaraq basdırıblar.

Qalıqlar dekabrın 6-sı gecə saatlarında həmin yerdən çıxarılıb. Hazırda əməliyyat-istintaq qrupu cəsədlərin hərtərəfli müayinəsi üçün Bakıdan gələcək patoloqoanatomları gözləyir. Məlumata görə, cəsədlər tam çürüməyib, yumşaq toxumalar qorunub saxlanıb, ona görə də qətlin törədilmə üsulunu təyin etmək çətin deyil.

Salyan Rayon Polis Şöbəsindən verilən məlumata görə, Əliyevlərin evi Kür çayı sahilindəki sahədə yerləşir. Ona görə də qonşulardan heç biri cinayət törədilən vaxt ailənin qışqırıq səslərini eşitməyib.

Əliyevlərin yaşadığı ev
© Photo : REPORT
Əliyevlərin yaşadığı ev

Cinayəti törədəndən sonra ata və oğul yaşamaq üçün Bakıya köçüb. Hazırda faktla bağlı araşdırma davam edir.

Qeyd edək ki, qətlə yetrilən Mehparə Əliyeva 1961, qızları İradə 1985-ci il, Rəqibə 1998-ci il, Sevda 1987-ci il, Ümidə isə 1991-ci il təvəllüdlüdür.

Onu da xatırladaq ki, M.Əliyeva ilə 3 qızının öldürülməsi faktı mərhumun Dürdanə adlı bacısının "Xəzər TV" də yayımlanan "Səni axtarıram" verilişinə müraciətindən sonra üzə çıxıb. Verilişin aparıcısı Xoşqədəm Hidayətqızı bildirib ki, ana və qızlarının efirdə Türkiyəyə getməsi ehtimalı irəli sürüləndən sonra ata və oğul məsələnin bu formada ictimailəşdirilməsini qeyrətsizlik kimi qəbul edib. Və məhz bundan sonra həyata keçirdikləri bu dəhşətli cinayəti etiraf ediblər. X.Hidayətqızı onu da vurğulayıb ki, M.Əliyevanın bacısı Dürdanə onlara müraciət edəndə F.Əliyevin içki düşkünü olduğunu, arvadı və qızlarına dözülməz işgəncələr verdiyini danışıb. M.Əliyeva evlərdə təmizlik işləri görərək qızlarını saxlayırmış.

2068
Teqlər:
qız, qətl, kişi, oğul, arvad, Salyan rayonu, Fərhad Əliyev, Fəqan Əliyev, Salyan Rayon Prokurorluğu
Əlaqədar
Qətl törədən məmur övladı ilə bağlı qərar dəyişdirildi
Bakıda təcridxanada dəhşətli qətl
Azərbaycanlı məşhur biznesmen qətl ittihamlarına cavab verdi
Sumqayıtdakı qətlin üstü bir həftə sonra açıldı

Daşkəsəndə itkin düşən şəxslər minaya düşüb, meyitləri tapılıb

28
(Yenilənib 19:39 24.09.2021)
Hava şəraiti səbəbindən meyitlər ərazidən çıxarıla bilməyib. Sabah prokurorluğun əməkdaşları ilə birgə çıxarılacaq.

BAKI, 24 sentyabr - Sputnik. Daşkəsən rayonunda bir neçə ay öncə itkin düşənlərin meyitləri aşkarlanıb.

Sputnik Azərbaycan xəbər verir ki, Daşkəsən Rayon Polis Şöbəsi və ANAMA əməkdaşlarının birgə keçirdikləri axtarış tədbirləri nəticəsində iyulun 30-da itkin düşmüş Daşkəsən rayonunun Alaxançallı kənd sakinləri, 2010-cu il təvəllüdlü İsmət Bayramov və 2000-ci il təvəllüdlü Ülfət Rüstəmovun minaya düşmüş meyitləri Göygöl rayonunun Kəlbəcər rayonu ilə sərhədində, minalanmış ərazidə tapılıb.

DİN-dən verilən məlumata görə, hava şəraiti səbəbindən meyitlər ərazidən çıxarıla bilməyib. Sabah prokurorluğun əməkdaşları ilə birgə çıxarılacaq.

Xatırladaq ki, sentyabrın 22-də Qazax rayon sakini minaya düşərək həlak olub. Belə ki, Ermənistanla sərhəd olan Qazax rayonunun Bala Cəfərli kəndi ərazisində təmir işləri aparan zaman 1988-ci il təvəllüdlü Məmməd Mərdanov idarə etdiyi traktorla tank əleyhinə minaya düşməsi nəticəsində ölüb.

Həmçinin oxuyun:

* Qazax sakini minaya düşərək həlak olub

* Ağdamda şirkət işçisi minaya düşüb

28
 İnsan silueti, arxiv şəkli

Bu rəzilliyi gördük - Onların budəfəki hədəfi Vətən müharibəsi iştirakçısı olub

12
(Yenilənib 17:09 24.09.2021)
Binə qəsəbəsində Vətən müharibəsində iştirak edən şəxsin pulunu və medalını oğurlayan şəxs saxlanılıb.

BAKI, 24 sentyabr — Sputnik. Xəzər rayonu Binə qəsəbəsi sakini olan bir nəfər Daxili İşlər Nazirliyinin "102" Xidməti Zəng Mərkəzinə məlumat verərək yaşadığı evdən 3750 manat, nişan üzüyü və 1 ədəd Vətən müharibəsində iştirak etdiyi üçün ona dövlət tərəfindən verilən "Xocavəndin azad olunmasına görə" medalının oğurlandığını bildirib.

Daxili İşlər Nazirliyindən Sputnik Azərbaycan-a verilən məlumata görə, Xəzər Rayon Polis İdarəsinin 3-cü Polis Bölməsinin əməkdaşları tərəfindən dərhal hadisəni törədən şəxsin axtarışlarına başlanılıb. Həyata keçirilən təxirəsalınmaz əməliyyat-axtarış tədbiri nəticəsində qeyd edilən cinayəti törətməkdə şübhəli bilinən paytaxt sakini, dəfələrlə məhkum olunan Rəşad Əliyev saxlanılıb. Onun Binə qəsəbəsində yaşadığı evə baxış zamanı oğurladığı pul vəsaitləri və digər əşyalar aşkar olunaraq polis əməkdaşları tərəfindən götürülüb və sahibinə qaytarılıb. Rəşad Əliyev ifadəsində etdiyi hadisəni etiraf edib.

Faktla bağlı 3-cü Polis Bölməsində toplanan materiallar Xəzər RPİ-nin İstintaq Şöbəsinə göndərilib. Onun qanunsuz əməllərindən zərərçəkən başqa vətəndaşlar varsa, bu barədə ərazi polis orqanlarına və ya Xəzər RPİ-nin 3-cü Polis Bölməsinə məlumat verə bilərlər.

12

Əlvida, dəniz, isti günlər üçün darıxacağıq

0
(Yenilənib 21:49 24.09.2021)
İndi daha günəş yandırmır. Sərində sahil boyu gəzişmək, velosiped sürmək bədəni gümrahlaşdırmaqla yanaşı, xüsusi nostalji zövq bəxş edir adama. Payızın ilk günləri Nabran sahilləri Sputnik Azərbaycan-ın fotolentində.

Daha bir yay bitdi. Havaların soyuması ilə dənizə gedənlərin sayı azalıb. Yayın isti günlərində istənilən vaxt sahildə görünən adamlar indi çəkilmək üzrədir. Sübh tezdən tilovunu suya atıb saatlarla gözləyən balıqçılar gözə dəyirlər.

Mavi suların qoynu və qumlu sahillər azyaşlıları sevindirir. Velosipedlə sahil kənarında hərəkət edənlər dənizin təmiz havasında bədənlərini gəncləşdirirlər. Dənizin dalğalarından qorxmayan heyvanlar sahil kənarında sərinləyirlər. Günəşin közərən şüaları görünür. Günəş qürub etdikcə dalğaların səsi aydın eşidilir. Əlvida, dəniz. İsti günlər üçün darıxacağıq...

0
  • © Sputnik / Ilham Mustafayev

    Zaman da qum kimi barmaqlar arasından süzülür.

  • © Sputnik / Ilham Mustafayev

    Nabranda dalğalarla son söhbət - gələn mövsümədək.

  • © Sputnik / Ilham Mustafayev

    Sentyabr gəldisə, balıq tutmaq və yemək olar. Nabranda balıqçılar bu fürsəti qaçırmırlar.

  • © Sputnik / Ilham Mustafayev

    Nabranda qürub daha həşəmətli görünür.

  • © Sputnik / Ilham Mustafayev

    Sahil kənarıyla qaçan alabaş.

  • © Sputnik / Ilham Mustafayev

    Xırçın ləpələr də adamlarsız darıxır.

  • © Sputnik / Ilham Mustafayev

    Yaş qum üzərində velosiped sürmək də bir zövqdür.

  • © Sputnik / Ilham Mustafayev

    Nabranda sahildə unudulmuş toplar.

  • © Sputnik / Ilham Mustafayev

    Polietilen torba budağı "niyyət ağacı"na bənzədib.

  • © Sputnik / Ilham Mustafayev

    Nabranda qürub vaxtı dənizdən pay uman balıqçı.

  • © Sputnik / Ilham Mustafayev

    Narıncıya boyanan gün.

  • © Sputnik / Ilham Mustafayev

    İnəklər də çimərlikdə tənhalıqdan kam alırlar.

  • © Sputnik / Ilham Mustafayev

    Nabranda sahil kənarında qız.