Qaz plitəsi, arxiv şəkli

Riskli mövsüm başlayıb: Qızınmaq yemək istəyi ölümlə nəticələnir

481
(Yenilənib 10:20 05.12.2017)
Həkimlər deyirlər ki, qış mövsümündə isinmək istəyənlər dəm qazından, yemək istəyənlər də turşulardan zəhərlənir

Zarina Orucəliyeva, Sputnik Azərbaycan

BAKI, 4 dekabr — Sputnik. Bakıda ciddi toksiki və qida zəhərlənmələri mövsümü başlayıb. Azərbaycan Səhiyyə Nazirliyi Klinik Tibbi Mərkəzin (KTM) Toksikologiya şöbəsinin müdiri Azər Maqsudovun Sputnik Azərbaycan-a verdiyi məlumata görə, havaların soyuması ilə əlaqədar olaraq xəstəxanaya ən çox dəm qazından zəhərlənənləri gətirirlər.

“Oktyabr ayı ərzində edilən 23 müraciətdən 12-də gətirilən şəxslər xəstəxanaya yerləşdirilib. Onlardan ikisi azyaşlıdır. Radio, televiziya vasitəsilə dəfələrlə müraciət və xəbərdarlıqların edilməsinə baxmayaraq, bu il də dəm qazından zəhərlənənlərin sayı kifayət qədər çoxdur. Ötən illə müqayisədə bu rəqəmlər arasında cüzi dəyişiklik var" – deyə həkim toksikoloq bildirib.

Təcili tibbi yardım, arxiv şəkli
© Sputnik / Murad Orujov

Onun sözlərinə görə, həkimləri həmişə ən çox toksiki zəhərlənmədən sonrakı ağırlaşma halları maraqlandırır. Maqsudov bildirib ki, noyabr ayında 7 nəfər dəm qazından zəhərlənmə diaqnozu ilə xəstəxanaya yerləşdirilib: “Amma qış hələ qabaqdadır. İnsanlar evləri qızdırmaq üçün qaz sobalarını yandıracaqlar və dəm qazından zəhərlənmə kimi xoşagəlməz hallarla hələ çox rastlaşacağıq”.

Həkimin sözlərinə görə, dəm qazından zəhərlənmədən sonra insanlar üzərində onun mənfi təsirləri qalır ki, bu da ağırlaşmalara səbəb olur. İnsanlar zəhərlənmədən sonra hipoksiya, tədricən yaddaşın itməsi, konsentrasiyanın itirilməsi və s. kimi hallarla üzləşirlər.

Maqsudov deyir ki, ötən ay essensiya, xlor, dərman preparatları, həmçinin alkoqoldan zəhərlənmə ilə xəstəxanaya xeyli qadın daxil olub. Dərman preparatlarının allergik reaksiyası ilə xəstəxanaya daxil olanlar da var.

Maqsudovun sözlərinə görə, iki halda saxta alkoqollu içkidən zəhərlənmə faktı qeydə alınıb. Yeri gəlmişkən, alkoqoldan zəhərlənmə də mövsümi zəhərlənmə növü kimi qeyd olunur. Çünki qış aylarında qızınmaq üçün alkoqol qəbul edənlər arasında bu cür hallar tez-tez baş verir.

Həkimin sözlərinə görə, dekabrın 3-də mövsümlə əlaqədar olaraq dəm qazından zəhərlənmə diaqnozu ilə xəstəxanaya bir ailənin 3 üzvü daxil olub. Onlar Qaradağ rayonunun Korgöz qəsəbəsinin sakinləri Əsmər Xantəmirova və onun iki övladı — on bir yaşlı oğlu Rəvan və on yaşlı oğlu Rüfətdir. Ailənin yaşadığı evi qaz sobası ilə qızdırmaq cəhdləri toksiki zəhərlənmə ilə nəticələnib və onların həyatının xilası an məsələsi olub.

Amma ölkə əhalisi təkcə dəm qazından zəhərlənmir. Hər il qış aylarında Səhiyyə Nazirliyinin Respublika Gigiyena və Epidemiologiya Mərkəzində onlarla insan yayda qışa hazırlıq məqsədilə marinada qoyulmuş tərəvəzlərdən zəhərlənmə diaqnozu ilə qeydiyyata alınır.

Gigiyena və Epidemiologiya Mərkəzinin şöbə müdiri Ziyəddin Kazımovun sözlərinə görə, cari ilin 10 ayı ərzində respublika ərazisində 279 qida məhsulundan zəhərlənmə faktı qeydə alınıb ki, nəticədə 506 nəfər zərər çəkib. Əsasən bu tip hallar məişət zəhərlənməsi kimi qeydiyyata alınır. Keyfiyyətsiz, vaxtı keçmiş ərzaqlardan, xarab olmuş şorabalardan da zəhərlənmə halları baş verir. Kazımov qeyd edib ki, oktyabr ayı ərzində onların Mərkəzində 19 zəhərlənmə faktı qeydə alınıb.

Bununla yanaşı, Kazımov 2017-ci ildə zəhərlənmənin nisbətən azaldığını bildirib. Çünki ötən ilin analoji dövründə GEM-də 520 qida zəhərlənməsi halı qeydiyyata alınmışdı.

481
Teqlər:
Ziyəddin Kazımov, Klinik Tibbi Mərkəzin (KTM) Toksikologiya şöbəsi, Azər Maqsudov, dəm qazı, Respublika Gigiyena və Epidemiologiya Mərkəzi, zəhərlənmə
Əlaqədar
Azərbaycanda faciə: bir evdə beş nəfər dəm qazından boğuldu
Hərbçinin iki azyaşlı övladı dəm qazının qurbanı oldu
Tələbə qız dəm qazından boğuldu
Akademik Tofiq Hacıyev dəm qazından zəhərlənərək ölüb
PPX avtomobili, arxiv şəkli

Yaşayış yerini qanunsuz tərk edən aktiv COVID-19 daşıyıcılarına cinayət işi açıldı

5
(Yenilənib 18:31 30.11.2020)
Abşeron və Xətai rayonlarında qanunsuz olaraq evlərini tərk edən COVID-19 xəstələri polislər tərəfindən aşkarlanaraq evlərinə qaytarılıblar

BAKI, 30 noyabr — Sputnik. Abşeron Rayon Polis İdarəsinin əməkdaşları tərəfindən keçirilən tədbirlər nəticəsində ev şəraitində müalicə alan koronavirus xəstəsi, Saray qəsəbəsində yaşayan Emin Cəfərquliyev saxlanılıb.

Sputnik Azərbaycan Daxili İşlər Nazirliyinin məlumatına istinadla xəbər verir ki, araşdırma zamanı müəyyən edilib ki, aktiv COVİD-19 virusunun daşıyıcısı olan bu şəxs karantin qaydalarını kobud şəkildə pozaraq yaşadığı ünvanı bir neçə dəfə tərk edib. Polislər müəyyən edilmiş tibbi prosedurlar gözlənilməklə Emin Cəfərquliyevi evindən kənarda olan zaman ictimai yerdə müəyyən edərək yaşadığı evə qaytarıblar. Onun barəsində toplanan materiallar Abşeron RPİ-nin İstintaq Şöbəsinə göndərilib. E.Cəfərquliyev Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.

Daha bir oxşar tədbir Xətai Rayon Polis İdarəsinin əməkdaşları tərəfindən də həyata keçirilib.

Belə ki, aktiv koronavirus xəstəsi olan, Xətai rayonu Ə.Quliyev küçəsində qeydiyyatda olan Zaur Əsədova həkimlər tərəfindən ev şəraitində müalicə təyin edilib. Bu şəxs isə qaydaları pozaraq ictimaiyyət arasına çıxıb və virusun daha çox yayılmasına şərait yaratdığı üçün polislər tərəfindən saxlanılıb. Z.Əsədovun dəfələrlə polisin xəbərdarlıqlarına baxmayaraq yaşayış yerini tərk etməsi müşahidə kameraları vasitəsilə də lentə alınıb.

Onun barəsində Xətai RPİ-nin İstintaq Şöbəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Araşdırmalar davam etdirilir.

5
Teqlər:
xəstə, polislər, cinayət işi, Koronavirus, epidemiya, COVID-19, Azərbaycan, Karantin rejimi, karantin
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Qəza, arxiv şəkli

Biləsuvarda avtomobil kanala aşıb, ölən var

8
(Yenilənib 18:15 30.11.2020)
Qəza nəticəsində sürücü aldığı xəsarətlərdən hadisə yerində ölüb, iki sərnişini xəstəxanaya yerləşdirilib

BAKI, 30 noyabr — Sputnik. Biləsuvar rayonunun Çaylı kəndi ərazisində Cəlilabad rayon sakini İbrahim Qəfərzadə idarə etdiyi BMW markalı avtomobili kanala aşırıb. Daxili İşlər Nazirliyinin (DİN) mətbuat xidmətindən Sputnik Azərbaycan-a verilən xəbərə görə, qəza nəticəsində sürücü aldığı xəsarətlərdən hadisə yerində ölüb, iki sərnişini xəstəxanaya yerləşdirilib. Faktla bağlı Rayon Polis Şöbəsi tərəfindən araşdırma aparılır.

8
Teqlər:
Biləsuvar, yaralılar, ölən, sürücü, kanal, BMW, avtomobil, qəza
Kitablar, arxiv şəkli

Qonkur mükafatının qalibi açıqlanıb

0
(Yenilənib 20:55 30.11.2020)
COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib

BAKI, 30 noyabr — Sputnik. Fransanın ən böyük ədəbiyyat mükafatı olan Qonkurun builki qalibi açıqlanıb.

Sputnik Azərbaycan "RİA Novosti"yə istinadən verdiyi xəbərə görə, bu, fransız yazıçı Erve Le Telye olub. O, bu mükafata "Anomaliya" romanına görə layiq görülüb.

COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib.

Xatırladaq ki, Qonkur artıq yüz ildən çoxdur ki, fransız dilində yazılmış ən yaxşı romana verilir. Mükafat Qonkur qardaşlarının vəsiyyəti əsasında təsis edilib. Məbləği simvolik olaraq 10 avro təşkil etsə də, qalibə böyük nüfuz və yüksək tiraj qazandırır.

 

0
Teqlər:
kitab, Fransa, ədəbiyyat, mükafat