Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Ağac aşdı, şəhərin yarısı işıqsız qaldı

© Photo : REPORTLənkəranda aşmış ağac
Lənkəranda aşmış ağac - Sputnik Azərbaycan
Abunə olmaq
"Qala Xiyabanı" küçəsi ilə Həzi Aslanov küçələrinin kəsişdiyi ərazidə hündür gövdəli ağac aşıb

BAKI, 2 dekabr — Sputnik. Lənkəranda aşan ağac şəhərin yarısını işıqsız qoyub, bir avtomobil əzilib.

"Report"un verdiyi xəbərə görə, "Qala Xiyabanı" küçəsi ilə Həzi Aslanov küçələrinin kəsişdiyi ərazidə hündür gövdəli ağac aşıb. Hadisə səhər saat 5 radələrində olub. 

Hündürlüyü 15 metr, diametri 1 metrə yaxın olan ağacın aşması nəticəsində elektrik təsərrüfatında fəsadlar yaranıb. Belə ki, 35/10 kilovoltluq yüksək gərginlikli elektrik xəttini daşıyan 3 ədəd dəmir-beton dirək qırılıb. Nəticədə Lənkəran şəhərinin demək olar ki, yarısı işıqsız qalıb. Beton dirəklərdən biri dayanacaqda dayanan Babayev Fərid Əfqan oğluna məxsus olan Mersedes markalı 90 TM 357 dövlət qeydiyyat nişanlı avtomaşının motorxana hissəsinin üzərinə düşüb.

Sakinlər bu ağacın öz-özünə aşmadığını deyiblər. Belə ki, bu ağacdan iki ədəd olub. Bir ay əvvəl əsən güclü küləkdən sonra ağaclar əyilib, lakin aşmayıb. Şəhər Təsərrüfat İdarəsi tərəfindən ağac budanıb. Sonrakı günlərdə bu ağaclar naməlum şəxs və ya şəxslər tərəfindən yenidən hansısa qurğu ilə dartılaraq daha da əyilib. Hadisə şahidləri bildiriblər ki, bu gün isə ağacın yenidən aşırmaq cəhdi problemlərə səbəb olub. Qəza nəticəsində şəhərin mərkəzi hissəsində nəqliyyatın hərəkətində müəyyən qədər məhdudiyyətlər yaranıb. 

Hazırda enerjinin bərpası istiqamətində işlər davam etdirilir. Yaxın saatlarda enerji verilişinin bərpa olunacağı deyilir.

Xəbər lenti
0