DYP

Yol polisi ilə bağlı daha bir qalmaqallı video ortaya çıxdı

1139
(Yenilənib 12:07 24.11.2017)
Sürücü baş verənlərin görüntülərini sosial şəbəkədə paylaşıb

BAKI, 24 noyabr — Sputnik. Sosial şəbəkələrdə Dövlət Yol Polisinin (DYP) qanunlara riayət etmədiyini əks etdirən yeni video yayılıb. Sputnik Azərbaycan xəbər verir ki, Rauf Sultanov adlı vətəndaş bununla bağlı şəxsi "Facebook" hesabında video paylaşıb.

"Bakı Şəhər Baş Dövlət Yol Polisi İdarəsinin 99-YP-442 nömrəli maşınında çalışan polis əməkdaşları Səbail rayonu ərazisində Bakı Şəhər Prokurorluğunun qarşısında idarə etdiyim avtomobili saxlayaraq içkili olub-olmadığımı yoxladılar. Cihaza nəfəsimi verdikdə içkili olduğum aşkarlandı" — deyə sürücü video-paylaşıma bu sözləri əlavə edib.

Vətəndaş bunun ardınca yazır: "Daha sonra Səhiyyə Nazirliyinin müvafiq mərkəzinin həkimi tərəfindən müayinə olundum və içkili olmadığım aşkarlandı. Həkim bu barədə sənəd təqdim etdi. Həmin sənəddə 0.24% içkililik göstərildi. İnzibati Xətalar Məcəlləsinin müvafiq maddəsinə əsasən, inzibati məsuliyyət ancaq 0.30% çox olduqda yaranır. Bu zaman YPX əməkdaşlarından avtomobilimi tələb etdim. Qanun pozduqlarını dəfələrdə nəzərlərinə çatdırdım".

Videoda da görünür ki, sürücü, avtomobilinin qanunsuz yerə DYP əməkdaşları tərəfindən cərimə meydançasına aparılmasından və bu zaman ona heç bir sənəd verilməməsindən şikayətçidir. Onun bu narazılığı qarşısında yol polisi əməkdaşı "Gedək yerində sənədini verək" cavabını verir.

1139
Teqlər:
Dövlət Yol Polisi, video, DYP, vətəndaş, qanun, sürücü
Əlaqədar
Sürücünün başını "partladan" yol polisi danışdı - VİDEO
Yol polisindən olub-olacaqlar barədə açıqlama
Yol polisinə qiyməti 100 mindən baha olan "Mercedes"lər verildi
Bakıda yol polisi kameranı görüb özünü itirdi və...
Yol polisi son günlərin ən aktual probleminə aydınlıq gətirdi - Rəsmi
 Bıçaq əlində kişi, arxiv şəkil

Bakıda 31 yaşlı qadını bıçaqladılar

15
(Yenilənib 21:54 01.03.2021)
1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

BAKI, 1 mart - Sputnik. Bakıda bıçaqlanma hadisəsi baş verib.

"Report"un məlumatına görə, hadisə Sabunçu rayonu ərazisində qeydə alınıb.

Belə ki, 1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

Yaralı təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırma aparılır.

15

Xətai rayonunda 22 yaşlı oğlan qətlə yetirilib

12
(Yenilənib 19:30 01.03.2021)
Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

BAKI, 1 mart - Sputnik. Martın 1-də saat 13 radələrində paytaxtın Xətai rayonu, N.Tusi küçəsi 18 ünvanında yerləşən binanın qarşısında 1999-cu il təvəllüdlü Nəsibov Bəxtiyar Əli oğlunun üzərində xəsarət izləri olan meyitinin aşkar edilməsi barədə rayon prokurorluğuna məlumat daxil olub.

Xətai rayon prokurorluğundan APA-ya verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla Bakı şəhər sakini, 2002-ci il təvəllüdlü Abbasov Əli Allahverdi oğlunun şəxsi münasibətlər zəminində aralarında yaranmış mübahisə zamanı Bəxtiyar Nəsibovun döş qəfəsinin sol nahiyəsinə kəsici-deşici alətlə xəsarət yetirərək sonuncunu qəsdən öldürməsinə əsaslı şübhələr müəyyən edilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Hazırda Əli Abbasovun yerinin müəyyən edilərək şübhəli şəxs qismində tutulması istiqamətində intensiv əməliyyat-axtarış tədbirləri və istintaq hərəkətləri davam etdirilir.

12
BMT-nin bayrağı, arxiv şəkli

Dünya ailəsinə qəbul olunduğumuz gün

0
2011-ci il oktyabrın 24-də Azərbaycan 155 ölkənin dəstəyini qazanaraq 2 il müddətinə BMT Təhlükəsizlik Şurasına üzv seçilib.

BAKI, 2 mart - Sputnik. 1992-ci il martın 2-də Azərbaycan Birləşmiş Millətlər Təşkilatına (BMT) üzv qəbul olunub. BMT-nin Nyu-Yorkdakı mənzil-qərargahı qarşısında təşkilatın 181-ci üzvünün - Azərbaycanın dövlət bayrağı qaldırılıb.

2011-ci il oktyabrın 24-də Azərbaycan 155 ölkənin dəstəyini qazanaraq 2 il müddətinə BMT Təhlükəsizlik Şurasına üzv seçilib. Ölkəmiz bu müddətdə Şuraya iki dəfə sədrlik edib.

Hazırda BMT-nin 193 üzvü var. Təhlükəsizlik Şurası isə 5 daimi və 10 qeyri-daimi üzvdən ibarətdir.

0