Bərdə rayonunda küləyin yaratdığı fəsadlar

Külək rayonda qabağına çıxanı uçurdu

1260
(Yenilənib 10:14 22.11.2017)
Bölgədə küləkli hava şəraiti davam edir

Ramil İbrahimov, Sputnik Azərbaycan

BAKI, 22 noyabr — Sputnik. Gecə saatlarından etibarən Qarabağ bölgəsində başlayan güclü külək fəsadlar törədib. Sputnik Azərbaycan-ın bölgə müxbiri xəbər verir ki, Bərdə rayonunun mərkəzi küçələrindən birində — "Nüşabə" küçəsində elektirk dirəyi avtomobil yolunun üzərinə aşıb.

  • Bərdə rayonunda küləyin yaratdığı fəsadlar
    Bərdə rayonunda küləyin yaratdığı fəsadlar
    © Sputnik / Ramil Ibrahimov
  • Bərdə rayonunda küləyin yaratdığı fəsadlar
    Bərdə rayonunda küləyin yaratdığı fəsadlar
    © Sputnik / Ramil Ibrahimov
  • Bərdə rayonunda küləyin yaratdığı fəsadlar
    Bərdə rayonunda küləyin yaratdığı fəsadlar
    © Sputnik / Ramil Ibrahimov
1 / 3
© Sputnik / Ramil Ibrahimov
Bərdə rayonunda küləyin yaratdığı fəsadlar

Səhər saatlarında yolda hərəkət intensiv olmadığından hadisə nəticəsində xəsarət alan olmayıb. Bəzi yerlərdə rabitə və elektrik xətləri sıradan çıxıb.

Hazırda müvafiq qurumlar təbii fəlakətin fəsadlarını aradan qaldırır. Rayona elektirk energisinin verilməsində fasilə yaranmayıb. Bölgədə küləkli hava şəraiti davam edir.

1260
Teqlər:
Qarabağ bölgəsi, Bərdə rayonu, fəsad, külək
Əlaqədar
Güclü külək Azərbaycanın bu bölgəsində fəsadlara yol açdı
Paytaxtda güclü külək ağacları aşırıb
Güclü külək qərb bölgəsində fəsadlar törətdi
Qarşıdakı 3 gündə: leysan, dolu, külək
Güclü külək və leysan Lerikdə fəsadlar törətdi
Qandal, arxiv şəkli

Salyanda Gigiyena Epidemiologiya Mərkəzinin rəhbəri saxlanılıb

10
(Yenilənib 22:50 22.01.2021)
İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

BAKI, 22 yanvar — Sputnik. Salyan rayon Gigiyena və Epidemiologiya Mərkəzinin direktoru İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

Baş Prokurorluğun Mətbuat xidmətindən Sputnik Azərbaycan-a bildirilib ki, bu barədə ictimaiyyətə daha sonra rəsmi məlumat veriləcək.

Xatırladaq ki, bir qədər əvvəl Baş Prokurorluq yanında Korrupsiyaya qarşı Mübarizə İdarəsinin əməkdaşları Masallı Rayon Mərkəzi Xəstəxanasının baş həkimi Cəlil Nəzərov və baş mühasibi Sətulla Məmmədovu da saxlayıblar. 

10
ANAMA əməkdaşı, arxiv şəkli

Mülki şəxs Cəbrayılda minaya düşdü

35
Faktla bağlı Cəbrayıl rayon Prokurorluğunda Cinayət Məcəlləsinin 100.2, 116.0.6  və digər maddələri ilə cinayət işi başlanıb

BAKI, 22 yanvar — Sputnik. Yanvarın 22-də Azərbaycan Respublikası Minatəmizləmə Agentliyinin əməkdaşı, 1974-cü il təvəllüdlü Sultanov Azər Əli oğlunun işğaldan azad edilmiş Cəbrayıl rayonun Mehdili kəndi ərazisində minaya düşərək xəsarətlər alması barədə Cəbrayıl rayon prokurorluğuna məlumat daxil olub.

Sputnik Azərbaycan bildirir ki, bu barədə Baş Prokurorluğun Mətbuat xidməti məlumat yayıb. Araşdırmalarla müəyyən edilib ki, agentliyin həmin əraziyə ezam olunmuş əməkdaşı Azər Sultanov yeni çəkiləcək dəmiryolu xəttinin tikintisi ilə əlaqədar minadan təmizləmə işləri həyata keçirərkən minaya düşərək müxtəlif dərəcəli bədən xəsarətləri alıb.

Faktla bağlı Cəbrayıl rayon Prokurorluğunda Cinayət Məcəlləsinin 100.2 (təcavüzkar müharibəni planlaşdırma, hazırlama, başlama və ya aparma), 116.0.6 (silahlı münaqişə zamanı beynəlxalq humanitar hüquq normalarını pozma) və digər maddələri ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub və digər zəruri prosessual hərəkətlər yerinə yetirilib. Hazırda cinayət işi üzrə zəruri istintaq tədbirləri davam etdirilir.

35
Teqlər:
ANAMA, mina, Qarabağ, Cəbrayıl

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0