Saratov, arxiv şəkli

İş adamının qətlində məmur izi: Keçmiş başçı istintaqa çağırıldı

504
(Yenilənib 15:20 15.11.2017)
Saratov vilayətinin keçmiş rəhbəri, Ceyhun Cəfərovun qətli ilə bağlı istintaqa cəlb edilib

BAKI, 15 noyabr — Sputnik. Saratovda qətlə yetirilmiş azərbaycanlı biznesmen Ceyhun Cəfərovun işi ilə bağlı yeni detallar ortaya çıxıb. Belə ki, müstəntiqlər biznesmenin qətli ilə əlaqədar olaraq bu dəfə Saratovun keçmiş başçısı Valeri Sarayevin qapısını döyüblər. İstintaqın Sarayevə sualları yaranıb və onu sözügedən cinayət işi ilə bağlı dindirəcəklər.

Bu barədə Sputnik Azərbaycan-a Saratovdakı Azərbaycan diasporunun üzvləri məlumat veriblər. "Vozrojdenie-KDM" tikinti şirkətinin sahibi Ceyhun Cəfərov oktyabrın 24-də axşam saat 6-ya yaxın Zooloqiçeskaya küçəsindəki evinin qarşısında güllələnib. Qatil Cəfərovu ürəyindən vurub və dərhal gizlənib. Bu qətllə əlaqədar olaraq Rusiya Cinayət Məcəlləsinin 105-ci maddəsi (adam öldürmə) və 222-ci maddəsinin birinci hissəsi (qanunsuz odlu silahların (döyüş silahlarının) əldə olunması, saxlanması, gəzdirilməsi) ilə cinayət işi açılıb.

Mənbələrin verdiyi məlumata görə, istintaq o qənaətə gəlib ki, qətl sifarişli xarakter daşıyır. Müxtəlif versiyalar üzrə iş aparılır. Onlardan əsası inşaat şirkətinin rəhbərinin iqtisadi fəaliyyəti ilə bağlıdır. Ehtimal var ki, onun aradan götürülməsində tərəfdaşları maraqlı olsunlar.

O da istisna edilmir ki, sifarişçilər şirkətin vəsaitlərinin ödənilməsində vasitəçi rolunu oynayan birgünlük firmaların sahibləri olsun. İstintaq Sarayevlə qətlə yetirilən şəxs arasında obyektlərin tikintisi ilə bağlı müqavilə öhdəliklərinin olduğu barədə məlumatı araşdırır. Məhz məsələnin bu tərəfi ilə bağlı Sarayevə suallar veriləcək.

Lakin Sputnik Azərbaycan-a verdiyi açıqlamada, "Vətən" Azərbaycan Milli Mədəni Mərkəzinin rəhbəri və Cəfərovun yaxın dostu Vladimir Muradov bildirib ki, Sarayevin bu qətldə iştirakının olduğuna inanmır.

"Cəfərov Sarayevlə işləyib, amma onların arasında hər hansı fikir ayrılığı, yaxud münaqişə olmayıb. Müqavilə üzrə bütün öhdəliklər hər iki tərəfdən yerinə yetirilib. O, obyektləri vaxtında təhvil verib və şəhər rəhbərliyi ilə hər hansı münaqişəsi olmayıb" — deyə Muradov bildirib.

Onun sözlərinə görə, Cəfərovun öz ortaqları tərəfindən aradan götürülməsi ehtimalı da inandırıcı deyil: "Cəfərov "Vozrojdenie-KDM" ASC-nin yeganə təsisçisi və direktoru olub. "Vozrojdenie-KDM"-in ən böyük layihəsi, 2012-ci ildə baş vermiş yanğından sonra qədim Saratov Gənc Tamaşaçılar Teatrının binasının bərpası olub".

Muradovun sözlərinə görə, bu müqavilə üzrə əsas işlər 2015-2016-cı illərdə görülüb. İrimiqyaslı layihənin qiyməti yarım milyard rubla yaxın olub və bu vəsait federal büdcədən ödənilib. Cəfərov Saratov vilayətindəki sosial obyektlərin təmiri və tikintisi üzrə dövlət hərraclarının ən fəal iştirçılarından biri olub. Uşaq bağçaları, xəstəxanalar, təhsil müəssisələri — "Vozrojdenie-KDM" bu qəbildən on milyonlarla rubl dəyəri olan müqavilələr bağlayıb. Məmurlar dəfələrlə Cəfərovun şirkətinin işi yüksək keyfiyyətlə gördüyünü qeyd ediblər və inşaatçılara təşəkkürnamələr verilib.

Buna paralel olaraq, Cəfərov Saratovdakı Azərbaycan diasporunun həyatında da fəal iştirak edib. İcmaya müxtəlif layihələri həyata keçirməkdə kömək edib və buna görə oradakı azərbaycanlıların hörmətini qazanıb. O, eyni zamanda Saratov vilayətinin Nərd İdman Federasiyasının prezidenti olub.

"Onun düşməni yox idi. O, heç kimlə münaqişəyə girişməzdi. Onun pul borcları da yox idi. Biz də başa düşmürük ki, onun qətlində kim maraqlı olub. Hüquq-mühafizə orqanlarında indiyə qədər heç bir ipucu yoxdur. İstintaqın irəlü sürdüyü versiyalardan heç birinin əsası yoxdur" — deyə Muradov bildirib.

504
Teqlər:
Valeri Sarayev, Ceyhun Cəfərov, Saratov, diaspor, biznesmen, qətl, istintaq, Azərbaycan
Əlaqədar
Bakıda qadın həyat yoldaşını balta ilə qətlə yetirdi
Əsrin ən qalmaqallı qətlindəki sirr pərdəsi çözülür
Sevgilisinin qətlinə dözməyən qız özünü asdı
Rusiyada azərbaycanlı öz həmyerlisinin qətlini sifariş edib
Daha bir məşhur müğənni qətlə yetirildi

İki uşaq anası amansızcasına qətlə yetirildi

3
Qətl hadisəsi ilə bağlı Xaçmaz rayon Prokurorluğunda cinayət işi açılıb. Cinayəti törədən şəxs saxlanılıb.

BAKI, 30 iyul - Sputnik. Hadisə Xaçmaz rayonunda qətl hadisəsi baş verib. Sputnik Azərbaycan-ın verdiyi məlumata görə, 34 yaşlı Könül Nadir qızı Bayramova həyat yoldaşı 46 yaşlı Mübariz Aslanşah oğlu Mirzəbəyov tərəfindən öldürülüb.
Qadının döş qəfəsindən və sağ qolundan bir neçə bıçaq zərbəsi aldığı deyilir. Onun Rusiyada doğulduğu, sonradan Xaçmaz şəhərində yaşadığı bildirilir. 
K.Bayramova həyat yoldaşından boşanıb, anası evində yaşayırmış. Onun iki qız övladı var.
Hadisə ilə bağlı Xaçmaz rayon Prokurorluğunda cinayət işi açılıb. Cinayəti törədən şəxs saxlanılıb.

Eləcə də oxuyun:

3
Teqlər:
qadın, Xaçmaz, qətl

Toya görə həbs edilən var - Ötən sutkanın statistikası

8
Toy şənliklərinin keçirilməsində xüsusi karantin rejimi qaydalarını pozduqlarına görə 90 nəfər İnzibati Xətalar Məcəlləsinin 211-ci maddəsinə əsasən cərimə olunub.

 

BAKI, 30 iyul — Sputnik. Cümə axşamı, iyulun 29-da Daxili İşlər Nazirliyinin (DİN), Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 276 toy şənliyinin monitorinqini həyata keçirib.

Bu barədə DİN-in Mətbuat xidmətindən Sputnik Azərbaycan-a verilən məlumatda bildirilib. Monitorinq 217 şadlıq sarayında, 59 şəxsi həyətyanı sahədə keçirilən şənlikləri əhatə edib.

Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə 90 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub, 1 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə inzibati qaydada həbs edilib, 219 nəfər “COVID-19” pasportu olmadığına görə şənliyə buraxılmayıb.

Qeyd edək ki, ötən gün açıqlanan statistikaya görə isə, iyulun 28-də təşkil olunan monitorinq 213 şadlıq sarayında, 81 şəxsi həyətyanı sahədə keçirilən şənlikləri əhatə edib. Nəticədə 100 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub, 2 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə inzibati qaydada həbs edilib, 4 nəfər barədə material baxılması üçün məhkəməyə göndərilib, 1977 nəfər “COVID-19” pasportu olmadığına görə şənliyə buraxılmayıb.

Eləcə də oxuyun:

8
Teqlər:
karantin, cərimə, toy
Mövzu:
Azərbaycanda toylar
Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb

Azərbaycan hərbçiləri ən yeni nəsil texnikanın istifadəsini öyrənirlər

0
(Yenilənib 13:19 30.07.2021)
Kurslara cəlb olunan gənc zabitlər Vətən müharibəsində iştirak etmiş, döyüş təcrübəsinə malik hərbi qulluqçulardır.

BAKI, 30 iyul — Sputnik. Müdafiə naziri general-polkovnik Zakir Həsənov və nazirliyin digər rəhbər heyəti zabit heyətinin ixtisasartırma və təkmilləşdirmə kurslarının gedişi ilə maraqlanmaq üçün ümumqoşun poliqonlarından birinə gəliblər.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinə məruzə olunub ki, təhsil prosesi çərçivəsində ən yeni nəsil texnikanın istifadəsi üzrə keçirilən dərslərə xüsusi diqqət yetirilir. Bildirilib ki, kurslar zamanı hərbi qulluqçular qoşunların silahlanmasında olan müasir döyüş vasitələrinin taktiki-texniki xüsusiyyətlərini və istifadə qaydalarını öyrənirlər.

  • Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb
    © AR Ministry of Defence
  • Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb
    © AR Ministry of Defence
  • Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb
    © AR Ministry of Defence
1 / 3
© AR Ministry of Defence
Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb

Eyni zamanda hərbi qulluqçular silah və hərbi texnikanın digər müasir nümunələrini də öyrənir, taktikada və döyüş hazırlığının digər fənlərində öz vərdişlərini təkmilləşdirirlər. Qeyd edilib ki, kurslara cəlb olunan gənc zabitlər Vətən müharibəsində iştirak etmiş, döyüş təcrübəsinə malik hərbi qulluqçulardır.

Sonda müdafiə naziri hərbi qulluqçuların tank və piyada döyüş maşınlarında yerinə yetirdikləri təlim tapşırıqlarını və atış məşğələlərini izləyib.

Eləcə də oxuyun:

0
Teqlər:
Zakir Həsənov, məşq, hərbçilər, Müdafiə Nazirliyi