Sədərək Ticarət Mərkəzi

"Sədərək"də qan su yerinə axdı

5338
(Yenilənib 12:45 14.11.2017)
Naxçıvanlı biznesmenlər arasında pul münaqişəsi qanla nəticələnib

BAKI, 14 noyabr — Sputnik. Bakının Qaradağ rayonundakı "Sədərək" Ticarət Mərkəzində iki qardaş bıçaqlanmanın qurbanı olub. Qaradağ RPİ 10-cu polis bölməsinini əməkdaşlarının keçirdikləri əməliyyat-axtarış tədbirləri nəticəsində cinayətin üstü açılıb və bıçaqlamaya görə şübhəli bilinən şəxs saxlanılıb.

Bu barədə Sputnik Azərbaycan-a hüquq-mühafizə orqanlarından məlumat verilib. Əldə etdiyimiz məlumata görə, noyabrın 13-ü səhər saatlarında ticarət mərkəzində Naxçıvandan olan qardaşlar — 1985-ci il təvəllüdlü Rzayev Ramal Ədalət oğlu və 1987-ci il təvəllüdlü Rzayev Güloğlan Ədalət oğlu çoxsaylı bıçaq xəsarətləri alıblar.

Qardaşlar xəstəxanaya çatdırılıblar. Onlar hazırda Kliniki Tibbi Mərkəzin reanimasiya şöbəsindədirlər və birinin vəziyyəti ağırdır. Məhkəmə-tibbi ekspertlər qardaşların birinin bədənində yeddi, digərində isə beş bıçaq yarası aşkarlayıblar.

Əməliyyatçılar şübhəli şəxsi tapıblar və onu dünən axşam saatlarında Sumqayıtda saxlayıblar. Məlum olub ki, şübhəli şəxs Rzayevlərin yaxın qohumu — 1982-ci il təvəllüdlü Əsgərov Dəryah Bəhmən oğludur. Araşdırma zamanı müəyyən edilib ki, həm saxlanılan şəxsin, həm də bıçaqlananların "Sədərək" TM-də mağazaları var.

Rzayevlər pərdə ticarəti ilə məşğul olurlar. Əsgərov isə çoxçeşidli istehlak mallarının ticarəti ilə məşğuldur.

Məlum olub ki, Əsgərov qardaşlardan 2 min manata yaxın borc alıb, lakin vəd olunduğu müddətdə qaytarmayıb. Təbii olaraq, Rzayevlər Əsgərovdan pulu qaytarmağı tələb ediblər. Elə bununla da qohumlar arasında dava düşüb və qanlı sonluqla bitib.

Hələlik hadisə ilə əlaqədar AR Cinayət Məcəlləsinin 221-ci maddəsi (xuliqanlıq) ilə cinayət işi açılıb.

5338
Teqlər:
Rzayev Ramal Ədalət oğlu, Rzayev Güloğlan Ədalət oğlu, Əsgərov Dəryah Bəhmən oğlu, qohum, qardaş, bıçaq, "Sədərək" ticarət mərkəzi, Qaradağ rayonu, Bakı
Əlaqədar
Bu dəfə qadın kişiyə balta yox, bıçaq zərbəsi endirdi
Bıçaqlı şəxs bağçada uşaqları girov götürdü
Bakıda nazirliyin əməkdaşını bıçaqladılar
Ər arvadına yeddi bıçaq zərbəsi endirdi
FHN-in əsgəri özünə 4 bıçaq zərbəsi vurub
Kommunarkada karantin mərkəzi, arxiv şəkli

Rusiyada koronavirusdan ölənlərin sayı daha bir psixoloji göstəricisini keçdi

6
(Yenilənib 13:58 22.10.2020)
Dünyada koronavirus infeksiyasına indiyədək yoluxanların sayı 41,2 milyonu keçib, 1,13 mindən çox adam isə virus səbəbilə ölüb.

BAKI, 22 oktyabr — Sputnik. Son bir sutka ərzində Rusiyada 15971 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 290 nəfər ölüb.

Ümumilikdə, Rusiyada bu xəstəliyə yoluxanların sayı 1463306-ya çatıb. Rusiyada pandemiya yayılandan 25242 nəfər COVID-19-dan vəfat edib. Ölkədə bu virusdan sağalanların sayı 1107988-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 41,2 milyonu keçib, 1,13 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

6
Ermənistana məxsus taktiki PUA, arxiv şəkli

Naxçıvan istiqamətində uçan Ermənistan PUA-sı məhv edildi

126
Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib.

BAKI, 22 oktyabr — Sputnik. Naxçıvan istiqamətində uçan Ermənistan PUA-sı məhv edilib.

Bu barədə Sputnik Azərbaycan-a Azərbaycan Müdafiə Nazirliyinin Mətbuat Xidmətindən məlumat verilib.

"Oktyabrın 22-də səhər saatlarında Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib", - deyə məlumatda bildirilir.

126
Mövzu:
Azərbaycan və Ermənistan arasında müharibə

Fikrət Sadıxov: “Ermənistan münaqişənin dinc yolla həllini başa düşmədi”

0
(Yenilənib 08:28 23.10.2020)
Politoloq Fikrət Sadıxov deyir ki, baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur
Fikrət Sadıxov: “Azərbaycan artıq status-kvonu qəbul etmir”

“Baza prinsiplərinə gəldikdə, orada hər şey aydın şəkildə yazılıb. Azərbaycanın işğal olunmuş rayonlarının mərhələli şəkildə azad edilməsi nəzərdə tutulur”. Bunu Azərbaycan Respublikasının prezidenti İlham Əliyev “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində deyib.

Politoloq Fikrət Sadıxov Sputnik Azərbaycan-a deyir ki, Azərbaycan uzun illər danışıqlar masasında münaqişənin həlli üçün çalışıb:

“Münaqişənin həlli üçün təqdim olunan baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur. Amma Ermənistan aşkar şəkildə bundan imtina etdi. Ermənistan hakimiyyəti seperatçı rejimi danışıqlar masasında görmək istəyirdi. Ancaq bu, Azərbaycan üçün qəbuledilməz idi. Münaqişənin həlli prosesi hərbi müstəviyə keçib və Azərbaycan artıq status-kvonu qəbul etmir. Ermənistan münaqişənin dinc yolla həllini başa düşmədi. Azərbaycan torpaqlarının işğal altında qalması ilə razılaşmayacaq”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks hücum əməliyyatına başlayıb.

Fikrət Sadıxovun geniş şərhinə audiofaylda qulaq asa bilərsiniz

0