Məhbus qadın

Qaçan məhbuslarla bağlı şok xəbər: tanınmış müğənni həbs olundu

460
(Yenilənib 16:03 30.10.2017)
Müğənni Fədayə Laçın həbs edilib

BAKI, 30 oktyabr — Sputnik. Azərbaycanda tanınmış xanım müğənni həbs edilib. APA-nın məlumatına görə, Məmmədova Fədayə Baris qızı (Fədayə Laçın) oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirilir.

F. Laçın həmin iş üzrə təqsirləndirilən şəxs qismində cəlb edilməkdə barəsində Nəsimi rayon Məhkəməsinin qərarı ilə həbs qətimkan tədbiri seçilib.

Qeyd edək ki, oktyabrın 23-də Bakı- Astara — Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.

Qaçan məhbuslardan Əli Ağami bir neçə gün sonra Şirvan şəhərində tutulub. Etibar Ələkbər oğlu Məmmədovun axtarışı istiqamətində tədbirlər davam etdirilir.

460
Teqlər:
Fədayə Laçın, Məmmədova Fədayə Baris qızı, məhbus, müğənni, Azərbaycan
Əlaqədar
Qaçan məhbuslardan biri yaxalandı
Qaçan məhbuslar "Lotu Quli"nin adamlarıdır?
Bakıda məhbusların qaçmasına dair şok iddia - cinayət işi açıldı
Məhbusların qaçışı böyük kriminal hesablaşmanı gündəmə gətirdi - Təfərrüat
Azərbaycanda qaçan məhbuslarla bağlı ilginc faktlar üzə çıxdı