BAKI, 27 oktyabr — Sputnik. Bakı şəhəri, Xətai rayonunda ümumi sahəsi 98 m2 olan birmərtəbəli 3 otaqlı evin dam örtüyü 5 m2 sahədə, dəhlizin lambirdən ibarət tavanı 2 m2 sahədə, evə bitişik ümumi sahəsi 20 m2 olan qarajın yanar konstruksiyaları və içərisində olan "Mercedes" markalı minik avtomobilinin yanar hissələri yanıb.
Bu barədə Sputnik Azərbaycan-a Fövqəladə Hallar Nazirliyinin (FHN) mətbuat xidmətindən məlumat verilib. Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.
