Polis avtomobili

Bakıda baş verən qarət polisi təəccübləndirib

404
(Yenilənib 14:01 20.10.2017)
Zərərçəkmiş təqaüdçü polisə, cinayətin 5-ci günü xəbər verib

BAKI, 20 oktyabr — Sputnik. Bakıda yaşlı kişi quldur basqınına məruz qalıb. Bu barədə Sputnik Azərbaycan-a hüquq-mühafizə orqanlarından məlumat verilib.

Belə ki, 14 oktyabr saat 22:00 radələrində iki naməlum şəxs, 1938-ci il təvəllüdlü Maksimov Yuri Aleksandroviçin, Nizami rayonu Rüstəmov küçəsindəki mənzilinə daxil olublar. Cinayətkarlar qapını döyüblər və kişi heç nədən şübhələnmədən onları içəri buraxıb. Quldurlar kişinin ağzını və qollarını yapışqanlı lentlə (skotç) bağlayıblar və onun evini qarət ediblər.

Maksimovun evindən 2500 manat, 6 min ABŞ dolları, 22 min 750 rus rublu və qol saatını aparıblar. Zərərçəkmiş faktla bağlı polisə şikayət edib. Şikayət məktubu oktyabrın 18-də Nizami rayon Polis İdarəsinin 24-cü polis bölməsinə daxil olub. Kişi məlumatı polisə gec verməsini evdən çıxmaqdan qorxması ilə izah edib.

Hüquq-mühafizə orqanlarından bildiriblər ki, Maksimov tənha təqaüdçüdür. Amma onun Rusiyada yaşayan qızı var və ona pul göndərir. Bir təqaüdçünün evində bu qədər pulun olmasını, o, qızının davamlı olaraq ona Rusiyadan pul yollaması ilə izah edib. Hələlik faktla bağla heç kəs saxlanılmayıb.

Qeyd edək ki, oktyabrın 19-da Bakı şəhər Baş Polis İdarəsində 9 ayın yekunlarına həsr olunmuş toplantı keçirilib. Həmin toplantıda verilən məlumata görə, bu ilin 9 ayı ərzində paytaxtda 9 min 148 cinayət hadisəsi qeydə alınıb ki, onun da içində 1540 faktı (6,8%) ağır və xüsusilə ağır cinayətlər təşkil edir. Quldurluq isə xüsusi ağır cinayət növü kimi təsnifləşdirildiyindən, həmin rəqəmə quldurluq hadisələri də daxildir. 2016-cı ilin analoji dövrü ilə müqayisədə bu il demək olar ki, ağır və xüsusilə ağır cinayətlərin sayı 2,7% azalıb. Quldurluq faktlarının üstünün açılmasında isə vəziyyət 5,9% yaxşılaşıb.

404
Teqlər:
Maksimov Yuri Aleksandroviç, yaşlı kişi, quldur, qarət, pul, Bakı, polis
Əlaqədar
DTX bankı qarət edən cinayətkar qrupu zərərsizləşdirib
Milyarderin malikanəsini qarət etdilər
Bakıda cinsi azlığın mənzilini qarət etdilər
Naziri küçədə qarət etdilər
Paytaxtda 100 minlik qarət
Gecə vaxtı yol, arxiv şəkli

Xalq artisinin qardaşı intihara cəhd etdi

35
(Yenilənib 21:20 27.11.2020)
Canına qəsd etmək istəyən kişi xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib

BAKI, 27 noyabr - Sputnik. Xalq artisti Əlixan Səmədovun qardaşı, 1966-cı il təvəllüdlü Vəlixan Səmədov özünü Sumqayıtda, Sülh küçəsində avtomobilin altına atıb. 

Sputnik Azərbaycan APA-ya istinadən bildirir ki, canına qəsd etmək istəyən V.Səmədov xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib.  

Faktla bağlı araşdırma aparılır.

35
Teqlər:
xəsarət, avtomobil, intihara cəhd, qardaş, xalq artisti
Narkotik, arxiv şəkli

İranla sərhəddə iki qardaş tutuldu

9
(Yenilənib 17:27 27.11.2020)
Əməliyyat-axtarış tədbirləri nəticəsində dövlət sərhədini pozmaqda şübhəli bilinən Astara rayonunun Rüdəkəran kənd sakini, 1991-ci il təvəllüdlü Məmmədov Mərhəmət Təyyubulla oğlu saxlanılıb.

BAKI, 27 noyabr — Sputnik. Noyabrın 18-də Dövlət Sərhəd Xidmətinin Sərhəd Qoşunlarının "Lənkəran" sərhəd dəstəsinin xidməti ərazisində Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində İran İslam Respublikasından Azərbaycan Respublikası istiqamətində 2 nəfərin dövlət sərhədini pozması əlamətləri aşkarlanıb.

Bu barədə Sputnik Azərbaycan-a Dövlət Sərhəd Xidmətinin Mətbuat Mərkəzindən məlumat verilib.

Əməliyyat-axtarış tədbirləri nəticəsində dövlət sərhədini pozmaqda şübhəli bilinən Astara rayonunun Rüdəkəran kənd sakini, 1991-ci il təvəllüdlü Məmmədov Mərhəmət Təyyubulla oğlu saxlanılıb, onun yaşadığı mənzilə baxış keçirilərkən 0,5 kq narkotik vasitə "heroin" və 115 ədəd "Metadon-40" həbləri aşkar olunaraq götürülüb.

  • Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs
    © State Border Service of Azerbaijan Republic
  • Saxlanılan şəxslərdən götürülən narkotik maddə
    © State Border Service of Azerbaijan Republic
  • Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs
    © State Border Service of Azerbaijan Republic
1 / 3
© State Border Service of Azerbaijan Republic
Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs

Dindirmə zamanı M.Məmmədov dövlət sərhədini qardaşı, Astara rayonunun Rüdəkəran kənd sakini, 1981-ci il təvəllüdlü Məmmədov Seymur Təyyubulla oğlu ilə birlikdə qanunsuz olaraq keçdiyini etiraf edib.

Daxili İşlər Nazirliyinin Astara rayon şöbəsinin əməkdaşları ilə birgə keçirilmiş kompleks əməliyyat-axtarış tədbirləri nəticəsində S.Məmmədov yaşadığı evdə saxlanılıb, araşdırma zamanı onun əvvəllər dəfələrlə oğurluq cinayəti törətdiyinə görə məhkum olunması müəyyənləşdirilib.

Fakt üzrə cinayət işi başlanılıb, vətəndaş M.Məmmədov və S.Məmmədov təqsirləndirilən şəxs qismində cəlb olunaraq barələrində həbs qətimkan tədbiri seçilib.

Əməliyyat-istintaq tədbirləri davam etdirilir.

9
Teqlər:
qardaşlar, sərhəd, Astara, İran, narkotacir
İnsan qanı dolu paketlər, arxiv şəkli

Xərçəng xəstələrinə ümid işığı: Yeni test sağ qalma şansını artıracaq

0
(Yenilənib 23:32 27.11.2020)
"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

BAKI, 28 noyabr — Sputnik. İngiltərənin Milli Səhiyyə Xidməti qandan 50 növ xərçəngin erkən əlamətlərini aşkar edən bir testi yoxlayacaq.

Sputnik Azərbaycan xarici mətbuata istinadla xəbər verir ki, "Qan Analizi Qalereyası" 165.000 xəstə üzərində test ediləcək. Əvvəlki tədqiqatlar diaqnozu çətin olan bir çox xərçəng növünü -  boyun, yumurtalıq və beyin xərçənglərini müəyyən edə bildiyini göstərmişdi.

Yeni testin effektiv olduğu sübut edilərsə, erkən mərhələlərdə xərçəng diaqnozu üçün geniş istifadə ediləcək. Bu, dördüncü mərhələdə xəstəliyin aşkarlanması halları ilə müqayisədə xəstələrin sağ qalma sürətini beş-on qat artıracaq.

"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

Milli Səhiyyə Xidməti sınaqların 2023-cü ilə qədər bitməsini planlaşdırır. Bu, 2024-2025-ci illərdə yeni qan testinin geniş yayılmasına imkan verəcək.

0
Teqlər:
İngiltərə, ABŞ, qan, test, xərçəng xəstəliyi