Avtomat silah

Polisin güllələnməsinədək dərinləşən olayın təfərrüatı ilginc səbəbi

816
(Yenilənib 14:58 16.10.2017)
"Əgər polis olduqlarını bilsəydik, atəş açmazdıq"

BAKI, 16 oktyabr — Sputnik. Oktyabrın 15-ə keçən gecə Bakıda baş verən silahlı insidentin təfərrüatı məlum olub. Qafqazinfo-nun hüquq-mühafizə orqanlarından əldə etdiyi məlumata görə, insidentə söyüş səbəb olub.

Belə ki, iki-üç gün əvvəl cinayətdə adı hallanan şəxslər Müşfiq Mədətovla bir məclisdə olublar. Həmin məclisdə onlarla Mədətov arasında münaqişə baş verib. Daha sonra tərəflər görüşmək qərarına gəliblər. Görüş zamanı qarşı tərəf bıçağın tiyəsi ilə Müşfiqin başına 3-4 dəfə zərbə vurub.

Rəis müavininə atəş açanlar — Kazım Abbasov, Məhəmməd İsmayılov və Emin Həsənov ifadələrində bildiriblər ki, polisləri Müşfiqin adamları zənn ediblər: "Əgər polis olduqlarını bilsəydik, atəş açmazdıq. O zaman ancaq xuliqanlıq maddəsi ilə dindiriləcəkdik, uzağı 1000 manatla buraxıla bilərdik".

Qeyd edək ki, Orxan Axundzadəni güllələyən şəxslərin olduğu 90-LT-997 dövlət nömrə nişanlı, "Lexus" markalı avtomobil, Hafiz Məmmədovun ortağı Azad Abdullayevin oğlu Rüfətə məxsusdur. Avtomobili etibarnamə ilə idarə edən Emin Həsənov isə "Transgeyt" nəqliyyat şirkətinin sabiq prezidenti Elnur Həsənovun qardaşıdır.

816
Teqlər:
Müşfiq Mədətov, Orxan Axundzadə, söyüş, Bakı, silahlı insident
Əlaqədar
Yol polisi avtomobil sahiblərinə xəbərdarlıq edir
Keçmiş prezident mühafizəçisini və polisləri hədəfə alan şəxslərlə bağlı ilginc faktlar
Prezidentin mühafizəçisini bıçaqlayıb, polisi güllələyən şəxslərdən yeni xəbər var
Polis bu qadını axtarır

Salyanda zəncirvari qəza: yaralılardan biri baş həkimdir

4
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

4
Ətir, arxiv şəkli

Gözünə sıçrayan ətir qadının xəstəliyini üzə çıxardı

10
(Yenilənib 14:21 03.08.2020)
Həkimlər müayinə zamanı qadının gözündə şişin (melanoma) olduğunu müəyyən edir. Ertəsi gün isə qadının gözünü əməliyyatla götürməli olurlar.

BAKI, 3 avqust — Sputnik. Bir neçə il bundan əvvəl Böyük Britaniyanın Satton Kolfild şəhərinin sakini 56 yaşlı Kerol Pleyerin gözünə təsadüfən ətir tökülür və bu onun ömrünü uzadır.

Sputnik Azərbaycan xarici mətbuata istinadla xəbər verir ki, gözünə ətir töküldükdən sonra qadın pis görməyə başlayır və o, buna görə həkimə gedir. Həkimlər müayinə zamanı qadının gözündə şişin (melanoma) olduğunu müəyyən edir. Ertəsi gün isə həkimlər qadının gözünü əməliyyatla götürməli olurlar. Həkimlər qadını əmin ediblər ki, onun uzun müddətli müalicəyə ehtiyacı yoxdur.

Ancaq 2019-cu ilin payızında Kerolun yenidən sağlamlığı ilə bağlı problemləri üzə çıxıb. Qadında yenidən onkoloji xəstəlik aşkar edilib. Onun qaraciyərinin bir hissəsini çıxarsalar da, xəstəlik aqressivləşməyə başlayıb. Hazırda onun yaxınları müalicə üçün pul yığır.

10