BAKI, 12 oktyabr — Sputnik. Bakının Yasamal rayonunda, Tbilisi prospektində baş vermiş ağır yol-nəqliyyat hadisəsi ilə bağlı təfərrüat üzə çıxıb.
Sputnik Azərbaycan xəbər verir ki, olke.az məsələ ilə bağlı İmişli rayon İcra Hakimiyyətinin (RİH) mövqeyini öyrənib.
İcra hakimiyyətindən bildirilib ki, hazırda İmişli RİH-də Əlirza Haqverdiyev adında şəxs çalışmır: “Bildiyimizə görə, Əlirza Haqverdiyev əvvəllər “Aqrolizinq” ASC-nin İmişli rayon şöbəsində çalışıb. Ancaq indi icra hakimiyyətində çalışmır”.
Xatırladaq ki, bundan əvvəl qəzada həlak olan Haqverdiyev Xalid Əlirza oğlunun atası Əlirza Haqverdiyevin İmişli rayon İcra Hakimiyyəti başçısının müavini, rayon Fövqəladə Hallar Komissiyasının sədr müavini işlədiyi bildirilirdi. İddia olunurdu ki, Ə. Haqverdiyev həm də biznes fəaliyyəti ilə məşğuldur.
