Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb

Paytaxtda daha bir yol çökdü: o istiqamətdə hərəkət dayandı

647
(Yenilənib 14:02 05.10.2017)
"Kanalizasiya sularının tərkibində kimyəvi maddələr, qələvilər olduğu üçün boruların yeyilməsinə səbəb olur"

BAKI, 4 oktyabr — Sputnik. Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb. Nəticədə böyük çuxur əmələ gəlib. Yaranan çuxura görə avtomobillərin hərəkəti məhdudlaşdırılıb. Qeyd edək ki, ötən ilin iyun-sentyabr aylarında Qara Qarayev prospektində yenidənqurma və təmir işləri aparılıb.

  • Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb
    Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb
    © Photo : REPORT
  • Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb
    Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb
    © Photo : REPORT
  • Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb
    Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb
    © Photo : REPORT
1 / 3
© Photo : REPORT
Nizami rayonu Qara Qarayev prospekti, Mehdi Abbasov küçəsində, magistral yolun kanalizasiya kollektoru olan hissəsi çöküb

Məsələ ilə bağlı Sputnik Azərbaycan-a açıqlama verən "Azərsu" ASC-nin mətbuat xidmətinin rəhbəri Anar Cəbrayıllı, Nizami rayonu Qara Qarayev prospektində olan, 1200 mm kollektorda çökmə halı baş verdiyini təsdiqləyib: "Bizim mütəxəssislər hazırda ərazidədirlər. Orada müşahidə və qiymətləndirmə aparılacaq".

"Bu kollektor, "8-ci km" qəsəbəsi salınanda, haradasa 50-60 il əvvəl tikilib. Artıq o, istismar müddətini bitirib. Kanalizasiya sularının tərkibində kimyəvi maddələr, qələvilər olduğu üçün boruların yeyilməsinə səbəb olur" — Cəbrayıllı qeyd edib.

O, əlavə edib ki, qurumun mütəxəssisləri ətraf ərazilərdə də monitorinqlər aparacaqlar: "Əgər ətraf ərazilərdə dəyişməyə ehtiyacı olan hissələr müəyyən edilərsə, dəmir-beton borulardan istifadə ediləcək. Kollektor bərpa edildikdən sonra yolun bərpa işləri həyata keçiriləcək".

"Azərsu" sözçüsü əlavə edib ki, bu xəttin, daha əvvəl Azər Manafov küçəsində olan hissəsində qəza baş verib: "Güclü yağıntıların olması həmin boruları sıradan çıxarmışdı. Qısa müddət ərzində həmin ərazilərdə bərpa işləri həyata keçiriləcək və yol da təmir ediləcək".

647
Teqlər:
çöküb, Mehdi Abbasov küçəsi, Anar Cəbrayıllı, Qara Qarayev prospekti, Nizami rayonu, yol, "Azərsu" ASC, küçə
Əlaqədar
Azərbaycanda yeni yol istifadəyə verildi
Yol polisi maşın sahiblərini SMS vasitəsilə tapacaq
Havada yol çəkilir: saatda 120 km sürət
Kinoteatr çökdü, yaralılar var
Bina çökdü: ölü və yaralılar var
Tərtər rayonunda erməni silahlı qüvvələrinin açdıqları atəş nəticəsində dağılan ev

Mülki əhalimizə atəş açılır: Tərtərdə iki qardaş həlak oldu, 2 nəfər isə yaralandı

178
(Yenilənib 21:10 28.09.2020)
Tərtər rayon sakinləri 1981-ci il təvəllüdlü Abbasov Xaliq Asif oğlu və onun qardaşı 1987-ci il təvəllüdlü Abbasov Elşən Asif oğlu həlak olublar.

BAKI, 28 sentyabr - Sputnik. Məlum olduğu kimi, təcavüzkar Ermənistanın hərbi-siyasi rəhbərliyi beynəlxalq hüququn norma və prinsiplərini kobud şəkildə pozaraq dinc əhaliyə qarşı terror əməllərini davam etdirir.

Baş Prokurorluqdan Sputnik Azərbaycan-a verilən məlumata görə, riyakar və qeyri-konstruktiv siyasət aparan Ermənistanın hərbi-siyasi rəhbərliyinin göstərişi ilə düşmənin silahlı qüvvələri əhalinin kompakt olduğu məntəqələri - rayon və kənd mərkəzlərini, mülki infrastruktur obyektlərini - xəstəxanaları, tibb məntəqələrini, məktəb binalarını, uşaq bağçalarını ağır artilleriya qurğularından intensiv atəşə tutmaqda davam edir. 

Dərin kədər hissi ilə qeyd edirik ki, 28.09.2020-ci il tarixdə saat 19 radələrində Tərtər rayonu Şıx arx qəsəbəsində yerləşən əlillər və məcburi köçkünlər üçün inşa edilmiş çoxmənzilli yaşayış binasının həyətinə top mərmisinin atılması nəticəsində Tərtər rayon sakinləri 1981-ci il təvəllüdlü Abbasov Xaliq Asif oğlu və onun qardaşı 1987-ci il təvəllüdlü Abbasov Elşən Asif oğlu həlak olmuşlar, 1984-ci il təvəllüdlü Məmmədov Seymur Füzuli oğlu, 1989-cu il təvəllüdlü Mahmudov Faiq Malik oğlu isə müxtəlif dərəcəli bədən xəsarətləri alaraq xəstəxanalara yerləşdirilmişlər. 

Faktla bağlı Tərtər rayon prokurorluğunda Azərbaycan Respublikasının Cinayət Məcəlləsinin 100.2 (təcavüzkar müharibəni aparma), 120.2.1 (cinayətkar birlik–təşkilat tərəfindən qəsdən adam öldürmə), 120.2.4 (xüsusi amansızlıqla və ya ümumi təhlükəli üsulla qəsdən adam öldürmə), 120.2.12 (milli, irqi, dini ədavət və ya düşmənçilik niyyəti ilə qəsdən adam öldürmə), 29, 120.2.7 (qəsdən iki və ya daha çox şəxsi öldürməyə cəhd) və digər maddələri ilə cinayət işi başlanmışdır.

Hazırda prokurorluq əməkdaşları tərəfindən hadisə yerində döyüş şəraiti nəzərə alınmaqla mümkün olan bütün istintaq-əməliyyat tədbirləri həyata keçirilir.

Azərbaycan Respublikasının Baş Prokurorluğu tərəfindən müxtəlif cinayətlər törətmiş Ermənistan silahlı qüvvələrinin hərbi qulluqçularının beynəlxalq hüquq normaları çərçivəsində məsuliyyətə cəlb edilərək cəzalandırılmalarını təmin etmək məqsədi ilə zəruri sənədləşdirilmə aparılır və müvafiq qaydada sübütlar toplanılır.

178
Seysmoqraf, arxiv şəkli

Qardaş ölkədə güclü zəlzələ gözlənilir - Mütəxəssis açıqladı

216
Geologiya mütəxəssisi Aysun Aykan zəlzələnin gücünün 7.6 bala qədər arta biləcəyini, ehtimal edilən zəlzələnin isə 28 milyon insana təsir edəcəyini açıqlayıb.

BAKI, 26 sentyabr — Sputnik. Türkiyəli geologiya mütəxəssisi xanım Aysun Aykan Mərmərə Dənizində zəlzələ olacağı ilə bağlı proqnoz verib.

Sputnik Azərbaycan "Haber3"ə istinadla xəbər verir ki, Aykan zəlzələnin gücünün 7.6 bala qədər arta biləcəyini, ehtimal edilən zəlzələnin isə 28 milyon insana təsir edəcəyini açıqlayıb.

Aysun Aykan ötən gün Mərmərə Dənizində baş verən 4.2 bal gücündə olan zəlzələnin çox riskli bir nöqtədə meydana gəldiyini söyləyib.

"Mərmərə Dənizindəki son zəlzələlər bir daha göstərdi ki, Mərmərə dənizi zəlzələlər baxımından aktivdir, canlıdır və zəlzələ yaratma potensialına malikdir. Mərmərə Dənizindəki orta mərmərə çuxurunda 4.2 bal gücündə zəlzələ baş verdi. Zəlzələnin baş verdiyi yer çox vacib bir yerdir. Gözlədiyimiz böyük bir zəlzələ nöqtəsində meydana gəldiyi üçün də narahat edicidir"-deyə mütəxəssis diqqətə çatdırıb.

O vurğulayıb ki, bu zəlzələ Türkiyənin birinci prioriteti olmalıdır, xüsusilə də Mərmərə bölgəsi: "Çünki bu zəlzələ yalnız İstanbula təsir etməyəcək. Mərmərə Dənizinin sahillərində yerləşən bütün vilayətlərə (Balıkesir, Bursa, Yalova, Çanaqqala, Kocaeli, Tekirdağ) çox təsir edəcək. Ehtimal edilən bu zəlzələ 28 milyon insana təsir edəcək. Əslində bu zəlzələ bütün Türkiyəyə təsir edəcək. Türkiyə bu zəlzələyə çox diqqət etməlidir".

216

Çavuşoğludan Makrona sərt cavab: "Bu günədək Ermənistanı dəstəkləməkdən başqa etdiniz?

0
(Yenilənib 13:38 30.09.2020)
Türkiyənin Xarici İşlər Naziri: "Minsk qrupunun həmsədr ölkələrinə (Fransa, ABŞ və Rusiya) Ermənistan, yoxsa Azərbaycan dedikdə, Ermənistanı seçirlər, ona dəstək verirlər. Makronun da açıqlaması bunu göstərir".

Eldar Tanrıverdiyev, Sputnik Azərbaycan

BAKI, 30 sentyabr — Sputnik. "Cənab Makron bu günə qədər Ermənistanı dəstəkləməkdən başqa nə etdiniz? Siz də Minsk Qrupunun həmsədr ölkəsisiniz". Sputnik Azərbaycan "Anadolu" agentliyinə istinadən xəbər verir ki, bunu Türkiyənin Xarici İşlər naziri Mövlud Çavuşoğlu Fransa Prezidenti Emmanuel Makronun Türkiyənin Qarabağla bağlı bəyanatına dair şərhinə münasibət bildirərkən qeyd edib.

Çavuşoğlu Makronu dürüst olmağa çağırıb: 

"Cənab Makron bu günə qədər Ermənistanı dəstəkləməkdən başqa nə etdiniz? Siz də Minsk Qrupunun həmsədr ölkəsisiniz. Minsk qrupunun həmsədr ölkələrinə (Fransa, ABŞ və Rusiya) Ermənistan yoxsa Azərbaycan dedikdə, Ermənistanı seçirlər, ona dəstək verirlər. Makronun da açıqlaması bunu göstərir. Bizim qardaş ölkə üçün açıqlamamızın harası təhlükəlidir? Sən də dürüst şəkildə çıx de ki, Ermənistan Azərbaycanın torpaqlarını işğal edib və buradan geri çəkilməlidir. De ki, bununla bağlı BMT Təhlükəsizlik Şurasının qətnamələri var və mən də bu BMT Təhlükəsizlik Şurasının daimi üzvüyəm. Dürüst davransın, biz də onu təbrik edək".

Qeyd edək ki, daha əvvəl Fransa Prezidenti Emmauel Makron Türkiyənin Dağlıq Qarabağla bağlı bəyanatını düşünülməmiş və təhlükəli adlandırıb.

0