Gazelli Group Ltd-nin labaratoriyası, arxiv şəkli

"Gazelli"də baş verən şiddətli yanğınla bağlı mühüm məqamlar üzə çıxdı

940
(Yenilənib 10:05 21.09.2017)
Məşhur şirkətin yetkilisi bəzi detallara aydınlıq gətirdi

BAKI, 20 sentyabr — Sputnik. "Yanğın dünən saat 15.00 radələrində "Gazelli Group" şirkətinə məxsus dəftərxana məhsullarının saxlanıldığı anbarların birində baş verib. Amma yanğının səbəbləri hələ məlum deyil".

Bu barədə Sputnik Azərbaycan-a açıqlamasında, "Gazelli Group" MMC-nin mətbuat xidmətinin rəhbəri Yelena Sidorenko bildirib. "Biz indi araşdırma aparırıq. Mətbuatda bəzi düzgün olmayan məlumatlar yayılmışdı" — o, əlavə edib.

Mətbuat katibi həmin məlumatlarla bağlı bunları deyib: "Səhiyyə Nazirliyi yanğın zamanı 10 nəfərin zəhərləndiyini bildirmişdi. Düzdür, onlar da qeyd etmişdilər ki, bu xəsarətlər yüngüldür. Amma bildirmək istəyirəm ki, yanğından zərər görən şəxslər bizim deyil, Fövqəladə Hallar Nazirliyinin əməkdaşlarıdır. FHN əməkdaşları yanğın olan yerə girib-çıxdıqları üçün yüngül zəhərlənmə baş verib. Bizim əməkdaşlarımız isə, hadisə yeni başlayanda oradan evakuasiya edilmişdilər. Yəni "Gazelli Group"un əməkdaşları heç bir xəsarət almayıblar".

Mətbuat sözçüsünün dediyinə görə, şirkətə nə qədər zərər dəydiyi barədə hələlik informasiya vermək mümkün deyil: "Çünki bunun üçün araşdırmalar aparılmalı, dəyən zərər müəyyənləşdirilməlidir. Eləcə də yanğının səbəbləri haqqında məlumat müəyyən edildikdən sonra veriləcək".

Sidorenko bildirib ki, yanğın, təxminən saat yarım ərzində tamamilə söndürülüb: "Yanğın olan anbarda çoxlu sayda kağızlar, broşürlar və digər dəftərxana məhsulları olduğundan, yanğın sürətlə bütün anbar ərazisinə yayılmışdı. Vurğulamaq istərdik ki, şirkətimizdə hər 6 həftədən bir texniki baxış keçirilir".

"Hadisənin nədən baş verdiyi hələlik məlum deyil, araşdırma aparılır, nəticələr məlum olanda, ictimaiyyətə məlumat veriləcək. Bir də qətiyyətlə bildirmək istərdik ki, hadisə zamanı şirkət əməkdaşlarından heç kim zərər çəkməyib" — o, təkrar diqqətə çatdırıb.

Məsələ ilə bağlı gün ərzində FHN-in mətbuat xidməti ilə əlaqə saxlamaq cəhdlərimiz nəticəsiz qaldı.

Xatırladaq ki, dünən Xəzər rayonun Şüvəlan qəsəbəsində "Gazelli" kosmetika zavodunda yanğın baş verib. Hadisə şahidlərinin verdikləri məlumata görə, yanğın nəticəsində kimyəvi maddənin kəskin qoxusu ətrafa yayılıb. Nəticədə bir neçə nəfərin vəziyyəti pisləşib.

Onu da qeyd edək ki, "Gazelli Group" MMC "AZAL"ın rəhbəri Cahangir Əsgərovun qızı Cəmilə Əsgərovaya məxsusdur. O, "Gazelli Azerbaijan" kosmetika şirkətinin təsisçisi və kreativ direktorudur.

940
Teqlər:
Yelena Siderenko, "Gazelli Group", MMC, əməkdaş, FHN, mətbuat xidməti, yanğın
Əlaqədar
Bakıdakı yanğınla bağlı ikili məlumat: nazirliklə şirkət bir-birilərini təkzib edirlər
Azərbaycanda məşhur şirkət yanır - VİDEO
Cəbhə xətti yaxınlığında güclü yanğın olub
Azərbaycanda növbəti meşə yanğını
Zaqatalada avtomobil özbaşına yanıb, sürücü isə...
Məcburi köçkünlərin yataqxanasında şiddətli yanğın hələ söndürülməyib
Həbsxana, arxiv şəkli

Penitensiar xidmətin məhkumun ölümü ilə bağlı açıqlaması: "Tibbi ekspertizanın rəyi var"

7
(Yenilənib 19:58 16.01.2021)
"Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir" - Mehman Sadıqov

BAKI, 16 yanvar - Sputnik. Ədliyyə Nazirliyinin Penitensiar Xidməti sosial şəbəkələrdə 13 saylı cəzaçəkmə müəssisəsində məhkumun döyülərək öldürülməsi və müəssisədə məhbuslara telefonla əlaqə qadağasının qoyulması ilə bağlı yayılan iddialara münasibət bildirib. 

Sputnik Azərbaycan APA-ya istinadən bildirir ki, Penitensiar Xidmətin şöbə rəisi Mehman Sadıqov sosial şəbəkələrdə yayılan həmin məlumatların yalan olduğunu deyib: "Röyal adlı həmin məhkum ürək-damar çatışmazlığından vəfat edib. Bununla bağlı məhkəmə-tibbi ekspertizasının rəyi də var. Müəssisədə heç bir əməliyyat keçirilməyib. Telefon danışıqlarına da hər hansı bir qadağa, yaxud məhdudiyyət qoyulmayıb. Bu cür böhtan xarakterli məlumatlar əvvəllər də yayılıb. Bu da məhkumların narahatlığına səbəb olur. Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir”. 

Qeyd edək ki, sosial şəbəkələrdə Röyal adlı məhkumun 13 saylı cəzaçəkmə müəssisəsində döyülərək öldürülməsi və həmin müəssisədə məhbuslara telefonla əlaqə qadağasının qoyulması ilə bağlı məlumatlar yayılıb. 

7
Polis

Adam öldürməkdə ittiham edilən adam bu dəfə 36 kq narkotiklə yaxalandı

9
(Yenilənib 18:55 16.01.2021)
Yardımlıda ümumi çəkisi 36 kiloqram 485 qram narkotik vasitə aşkarlanıb Yardımlıda ümumi çəkisi 36 kiloqram 485 qram narkotik vasitə aşkarlanıb

BAKI, 16 yanvar — Sputnik. Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşları Yardımlı rayonu ərazisində əməliyyat tədbiri keçiriblər.

DİN Mətbuat Xidmətindən Sputnik Azərbaycan-a verilən məlumata görə, əldə edilmiş məlumat əsasında keçirilən əməliyyat-axtarış tədbiri nəticəsində narkotiklərin qanunsuz dövriyyəsində şübhəli bilinən rayon sakini, əvvəllər Cinayət Məcəlləsinin 120-ci (Qəsdən adam öldürmə), 228-ci (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə məhkum olunmuş Elməddin Əliyev müəyyən olunaraq saxlanılıb.

Davam etdirilən tədbirlərlə ondan ümumi çəkisi 36 kiloqram 485 qram narkotik vasitə, o cümlədən 32 kiloqram 155 qram tiryək və 4 kiloqram 330 qram heroin aşkar edilərək götürülüb. Faktla bağlı zəruri əməliyyat-axtarış, əməliyyat-istintaq tədbirləri davam etdirilir.

9
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

9
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

9
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət