Yeni doğulmuş körpə, arxiv şəkli

Ögey atasından hamilə qalmış qız uşağını dünyaya gətirib

1027
(Yenilənib 21:53 19.09.2017)
Bir həftə sonra qeysəriyyə əməliyyatı keçirən və 6 aylıq körpə dünyaya gətirən 12 yaşlı qız evə buraxılacaq

BAKI, 19 sentyabr — Sputnik. 12 yaşlı zorlanmış qızın anası doğulacaq nəvəsindən imtina etməmək qərarına gəlib. Bu barədə Sputnik Azərbaycan-a Azərbaycan Uşaqlar Birliyinin sədri Kəmalə Ağazadə bildirib.

Qeyd edək ki, 2017-ci il avqustun ortalarında Balakən rayonunda yeniyetmənin zorlanması faktı ilə bağlı cinayət işi qaldırılıb. Hüquq-mühafizə orqanlarına məlum olub ki, yeniyetmə qız ögey atası tərəfindən zorlanıb və bir neçə ay ərzində bu barədə susaraq heç kəsə heç nə deməyib. Cinayət uşaq özünü pis hiss etməyə başlayandan sonra aşkara çıxıb. Tibb işçiləri uşağı müayinə edəndən sonra onun 22 həftəlik hamilə olduğunu müəyyən ediblər. Onun atalığı Elçin Ş.O. şübhəli şəxs qismində saxlanılıb. Hüquq-mühafizə orqanları istintaqın gedişi müddətində onunla bağlı 4 aylıq həbs qətimkan tədbiri seçiblər.

Bununla yanaşı qızı Bakıya AR Elmi-Tədqiqat Mamalıq və Ginekologiya İnstitutunun (ETMGİ) həkimlərinin nəzarəti altına veriblər.


ETMGİ-nin aparıcı mütəxəssisləri hamiləliyin 26-cı həftəsində olan uşağı abort etməkdən imtina ediblər. Çünki ölkə qanunvericiliyi 22 həftədən böyük olan dölün abortunu qadağan edir. Sentyabrın 14-də konsilium keçirən həkimlər hamiləliyi ananın sağlamlığının imkan verdiyi həddə qədər qorumağa qərar veriblər. Lakin bir sutka keçəndən sonra, sentyabrın 16-da qızın vəziyyəti qəflətən pisləşib. Onu təcili surətdə əməliyyat masasına aparıblar. Qeysəriyyə əməliyyatı nəticəsində 12 yaşlı ana qız uşağı dünyaya gətirib.

Hələlik həkimlər ona media ilə əlaqələri qadağan ediblər. Yeniyetmə ana ilə əlaqə saxlayan yeganə adam onun anası və Kəmalə Ağazadədir. Ağazadə bildirib ki, əməliyyatdan sonra qızın vəziyyəti stabildir. O, artıq ayağa durub. Ola bilsin qız gələn həftə evə buraxılsın.

Yeni dünyaya gəlmiş körpəyə gəlincə, onun vəziyyəti sabit ağırdır. O, altı aylıq doğulub və çəkisi 1 kq-a çatır. Əgər həkimlər uşağı bu vəziyyətdən xilas edə bilsələr, onu 12 yaşlı qızın anası himayəyə götürəcək.

"O deyir ki, üç uşaq böyüdüb və daha birini də böyüdə bilər" — deyə Ağazadə bildirib.

O, əlavə edib ki, bütün ailə psixoloji travma alıb. Başda ana olmaqla bütün uşaqların reabilitasiyaya və psixoloqların yardımına ehtiyacı var. Əgər yeniyetmə qızın sağalandan sonra təhsilini davam etdirməsinə zərurət yaransa, o, müvəqqəti olaraq Bakıdakı məktəblərin birində oxuya, daha sonra isə doğma Balakən rayonuna qayıda bilər.

Bütün bunlarla yanaşı, ailə daimi yaşayış yerini dəyişmək niyyətində deyil. Çünki onların bütün qohumları həmin rayonda yaşayır.

1027
Teqlər:
ögey ata, Elmi-Tədqiqat Mamalıq və Ginekologiya İnstitutu, yeniyetmə, hamilə, zorlama, Azərbaycan Uşaqlar Birliyi, Kəmalə Ağazadə
Əlaqədar
Ögey atasından hamilə qalan 12 yaşlı qızla bağlı tükürpədici qərar
Ögey ana 9 yaşlı uşağa olmazın işgəncələr verib
Elmi mərkəzdə seysmoqraf

Xəzər dənizində zəlzələ oldu

14
Zəlzələlərin tədqiqatı bürosunun məlumatına əsasən, yeraltı təkanlar yerli vaxtla saat 20:32-də, 3,4 maqnitudada qeydə alınıb.

BAKI, 2 dekabr - Sputnik. Xəzər dənizində zəlzələ qeydə alınıb.

Bu barədə Sputnik Azərbaycan AMEA nəzdində Respublika Seysmoloji Xidmət Mərkəzinə istinadən xəbər verir.

Zəlzələlərin tədqiqatı bürosunun məlumatına əsasən, yeraltı təkanlar yerli vaxtla saat 20:32-də, 3,4 maqnitudada qeydə alınıb. Zəlzələ ocağı 57 kilometr dərinlikdə yerləşib.

14
Teqlər:
Xəzər dənizi, zəlzələ
Məmur, arxiv şəkli

Bərəkallah dedirdən "qabiliyyət": Xaricdə oturub Lənkərandakıları mühafizə edirmiş

25
(Yenilənib 15:31 02.12.2020)
Hazırda cinayət işi üzrə təqsirli şəxslərin tam dairəsinin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

BAKI, 2 dekabr — Sputnik. Lənkəran rayon Xarxatan kənd sakini, 1984-cü il təvəllüdlü Bəhruz Nəsirov barəsində Rusiya Federasiyasının İstintaq Komitəsindən Baş Prokurorluq vasitəsilə Lənkəran rayon prokurorluğuna cinayət işi üzrə hüquqi yardım göstərilməsinə dair beynəlxalq tapşırıq daxil olub.

Sputnik Azərbaycan Lənkəran Rayon Prokurorluğunun məlumatına istinadla xəbər verir ki, həmin beynəlxalq tapşırığın icrası ilə əlaqədar sorğular verilmiş və Bəhruz Nəsirovun 09.08.2018-ci il tarixdə Azərbaycan Respublikası ərazi hüdudlarını tərk edərək Rusiya Federasiyasına getməsi və geri qayıtmamasına baxmayaraq 21.04.2020-ci il tarixdən "Lənkəran Beynəlxalq Mühafizə Xidməti" MMC-də işə düzəlməsi müəyyən edilib.

"Lənkəran Beynəlxalq Mühafizə Xidməti" MMC-nin rəisi İlkin Məmmədovun Bəhruz Nəsirovun ölkə xaricində olmasına baxmayaraq Azərbaycan Respublikasının Əmək və Əhalinin Sosial Müdafiəsi Nazirliyinin elektron sisteminə bilə-bilə yalan məlumatları daxil etməklə tamah niyyəti ilə həmin şirkətə mühafizəçi kimi rəsmiləşdirməklə vəzifə səlahiyyətlərindən sui-istifadə etməsinə əsaslı şübhələr müəyyən edilib.

Faktla bağlı Lənkəran rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

Hazırda cinayət işi üzrə təqsirli şəxslərin tam dairəsinin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

25
Teqlər:
mühafizə, Rusiya, Lənkəran, cinayət işi, vəzifəli şəxs
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

0
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

0
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT