Anar Allahverənov

Dünya çempionunu öldürən azərbaycanlı barədə təcili xəbər

2399
(Yenilənib 12:02 15.09.2017)
Başına 500 min pul qoysalar da, Azər Allahverənovun yerini xəbər verən olmayıb

BAKI, 14 sentyabr — Sputnik. Pauerliftinq üzrə dünya və Avropa çempionu Andrey Draçevi öldürməkdə təqsirli bilinən, azərbaycanlı Anar Əliyar oğlu Allahverənovla bağlı beynəlxalq axtarış elan edilib və onun haqqında qiyabi həbs qərarı verilib. Sputnik Azərbaycan-ın məlumatına görə, bu barədə Rusiya Federasiyası İstintaq Komitəsinin Regional İstintaq İdarəsindən məlumat verilib.

Qeyd olunur ki, İstintaq Komitəsinin Xabarovsk diyarı üzrə istintaq orqanları Rusiya Federasiyası Cinayət Məcəlləsinin 105-ci maddəsinin 2-cü hissəsi ("Xuliqanlıq niyyətilə qəsdən adam öldürmə") ilə cinayət işi açılıb.

Xatırladaq ki, Rusiyanın Daxili İşlər Nazirliyi Anar Allahverənovun tutulması müqabilində 500 min rubl təklif edib. Məlumatda deyilir: "RF Cinayət Məcəlləsinin 105-ci maddəsinin 2-ci hissəsi ilə nəzərdə tutulan cinayəti törədən Xabarovsk diyarı Amur şəhərinin sakini, 19.01.1992-ci ildə doğulan Allahverənov Anar Əliyar oğlu axtarılır".

Mükafat, federal axtarışa verilən şübhəli şəxsin tutulmasına kömək edən informasiya müqabilində ödəniləcək. Güc strukturları informasiyanı təqdim edən şəxsin anonimliyinə və konfidensiallığına zəmanət verir.

Hadisə avqustun 20-də səhər tezdən Xabarovsk şəhərinin mərkəzindəki kafelərindən birinin qarşısında baş verib. Müşahidə kameralarının qeydə aldığı dava zamanı Anar Allahverənov 120 kq çəkisi olan çempion Andrey Draçevi zərbə ilə yerə yıxır və sonra onun qoluna, qıçına, başına bir neçə zərbə endirir. Təcili yardım Draçevi xəstəxanaya çatdırsa da, onun həyatını xilas etmək mümkün olmayıb.

Allahverənovun qohumlarının sözlərinə görə, Andrey Draçev Anarı itələyib, onu "çuşka" (geridəqalmış kimi təhqiramiz ifadə — red.) adlandırıb. Onların arasında mübahisə yaranıb və Andrey bir daha Anarı küçə ifadələri ilə təhqir edib. Bundan sonra Anar dünya çempionunu təkbətək davaya çağırıb.

2399
Teqlər:
Anar Əliyar oğlu Allahverənov, Andrey Draçev, Pauerliftinq, dünya, Avropa, cinayət işi, çempion
Əlaqədar
Dünya çempionunu öldürən azərbaycanlının işi böyüyür
Həmyerlimizin rus dünya çempionunu öldürməsinin ilginc səbəbi
Dünya çempionunu öldürən azərbaycanlı həbs edilib
Dünya çempionunu bir zərbə ilə öldürən azərbaycanlı imiş
Dünya çempionunun dəhşətli öldürülmə anı kameraya düşdü
 Yevlaxda üzərinə ağac aşan “Ford” markalı yük avtomobili

Yevlaxda körpüyə girməyə hazırlaşan avtomobilin üzərinə ağac aşdı

21
(Yenilənib 20:38 15.01.2021)
Təbiətin şıltaqlığı bu gün Yevlax şəhərində az qala insanların xəsarət alması ilə nəticələnə bilərmiş.

Rahim Məmmədov, Sputnik Azərbaycan

BAKI, 15 yanvar — Sputnik. Günorta saatlarında güclənən külək Yevlaxda iki iri gövdəli qovaq ağacını aşırıb. Təbiət hadisəsi zamanı ağaclardan biri yük avtomobilin üzərinə düşüb. Sputnik Azərbaycan xəbər verir ki, hadisə Yevlax rayonu ərazisində, Kür çayının üzərində yerləşən körpünün yaxınlığında qeydə alınıb.

© Sputnik / Rahim Mammadov
Yevlax rayon sakini Vüsal Ələkbərov

Rayon sakini Vüsal Ələkbərov idarə etdiyi “Ford” markalı yük avtomobili ilə körpüyə daxil olmaq üçün növbə gözləyən zaman quru ağac onun avtomobilinin üzərinə aşıb. Hadisə zamanı sürücü və yanında olan sərnişin xəsarət almasa da avtomobilə ciddi ziyan dəyib. Sürücü hadisənin qəfildən baş verdiyini, maşını hərəkətə gətirməyə çalışan zaman artıq ağacın düşdüyünü bildirib:

© Sputnik / Rahim Mammadov
Yevlaxda üzərinə ağac aşan “Ford” markalı yük avtomobili

“Xaldan qəsəbəsindən gəlirdim. Körpüyə çatanda qarşıdan gələn maşın gördüm, ona görə körpüdən bir az aralı dayandım. Bərk külək əsirdi, qəfildən quru ağac maşının üstünə düşdü. Ön şüşəni sındırdı, maşının üstünü əzdi. Şüşə qırıqları içəri tökülüdü. Yaxşı ki, hələ özümüzə heç nə olmadı”.

Qeyd edək ki, bölgədə külək günorta saatlarından şiddətlənib.

21
Охотничья винтовка типа Винчестер, архивное фото

Ata oğlunu güllələyib: "Onu öldürmək fikrim olmayıb"

31
(Yenilənib 14:24 15.01.2021)
Vaqona dəydikdən sonra güllənin qırmalarından bir neçəsi Ürfana dəyib. 37 yaşlı Ürfan Məmmədov sol göz nahiyyəsindən xəsarət alıb.

Leyla Abdullayeva, Sputnik Azərbaycan

BAKI, 15 yanvar — Sputnik. Ata ilə oğul arasında mübahisə güllələnməyə səbəb oldu. Hadisə Şabran rayonunun Pirəmsən kəndində baş verib.

Kənd sakini Teyyub Məmmədovla oğlu Ürfan Məmmədov arasında mübahisə baş verib. Oğlu ilə mübahisə edən Teyyub Məmmədov onu qorxutmaq məqsədilə özündəki tüfənglə həyətdəki vaqona atəş açıb.

Vaqona dəydikdən sonra güllənin qırmalarından bir neçəsi Ürfana dəyib. 37 yaşlı Ürfan Məmmədov sol göz nahiyyəsindən xəsarət alıb. Yaralı dərhal Şabran rayon Mərkəzi Xəstəxanasına aparılıb və ona ilk tibbi yardım edilib.

Ürfan Məmmədov vəziyyətinin stabil olduğu deyilir. Polis əməkdaşları tərəfindən saxlanılan Teyyub Məmmədov isə polis şöbəsinə aparılıb. Hadisənin təfərrüatları araşdırılır. Ata ilkin olaraq oğlunu öldürmək üçün deyil, qorxutmaq üçün güllə atdığını deyib.

31
Naqif Həmzəyev- Milli Məclisin Gəncədən seçilmiş üzvü

Millət vəkili: “Qarabağ zəfəri ilə regionda daimi sülhü bərqərar etmək istəyirik”

0
(Yenilənib 09:38 16.01.2021)
Milli Məclisin deputatı Naqif Həmzəyev deyir ki, kommunikasiyaların açılması daşıma xərclərinin azalmasına imkan verəcək, eyni zamanda Azərbaycanın iştirakçısı olduğu tranzit layihələrin daha uğurla həyata keçirilməsinə şərait yaradacaq
Naqif Həmzəyev: “Baş verənlər Azərbaycanən xeyrinədir”

“Qarabağ zəfəri qədər, Naxçıvanla quru yolla əlaqələrin qurulması da çox önəmli məsələdir”. Bunu Sputnik Azərbaycan-a açıqlamasında Milli Məclisin deputatı Naqif Həmzəyev deyib.

Millət vəkili bildirib ki, son görüşdən sonra açıqlanan bəyanatda da regionun inkişafı üçün çox faydalı razılığa gəlindi:

“Naxçıvanla quru əlaqələrinin qurulması Azərbaycan-Türkiyə iqtisadi münasibətlərinə müsbət təsir göstərəcək. Kommunikasiyaların açılması daşıma xərclərinin azalmasına imkan verəcək, eyni zamanda Azərbaycanın iştirakçısı olduğu tranzit layihələrin daha uğurla həyata keçirilməsinə şərait yaradacaq. Biz Qarabağ zəfəri ilə regionda daimi sülhü bərqərar etmək istəyirik. Düşünürəm ki, iqtisadi əməkdaşlıqlar regiona daimi sülhü gətirə biləcəkdir. Baş verənlər Azərbaycanın xeyrinədir və Azərbaycan öz mövqeyini diktə edir”.

Qeyd edək ki, Prezident İlham Əliyev Moskva görüşündə nəqliyyat kommunikasiyalarının blokadadan çıxarılmasının Yerevanın və Bakının maraqlarına cavab verdiyini bildirib.

Naqif Həmzəyevin geniş şərhinə audiofaylda qulaq asa bilərsiniz

0
Teqlər:
Türkiyə, sülh, qələbə, region, Naxçıvan, Azərbaycan, Qarabağ
Mövzu:
Kremldə Putin, Əliyev, Paşinyan görüşü