Şəki rayon Mərkəzi Xəstəxanası, arxiv şəkli

Şəkidə avtomobil qadını vurdu

154
Natavan Osmanova bədənin müxtəlif nahiyələrinin əzilmiş yaraları və beyin sirkələnməsi diaqnozu ilə Şəki rayon Mərkəzi xəstəxanasına yerləşdirilib

Şahpəri Abbasova, Sputnik Azərbaycan

BAKI, 31 avqust— Sputnik. Avqustun 30-da axşam saatlarında Şəki rayonunun Qoxmuq kəndində yol-nəqliyyat hadisəsi baş verib. Sputnik Azərbaycan-ın bölgə müxbiri xəbər verir ki, avtomobil 33 yaşlı Natavan Osmanovanı vurub.

Hadisə nəticəsində Natavan Osmanova bədənin müxtəlif nahiyələrinin əzilmiş yaraları və beyin sirkələnməsi diaqnozu ilə Şəki rayon Mərkəzi xəstəxanasına yerləşdirilib. Faktla bağlı Şəki ŞRPŞ- də araşdırmalar aparılır. Qəzanın dəqiq səbəbləri aparılacaq araşdırmalardan sonra bəlli olacaq.

154
Teqlər:
Qoxmuq kəndi, Şəki rayonu, yol-nəqliyyat hadisəsi
Əlaqədar
Qorxunc qəzaların anbaan görüntüləri
Rusiya səfirliyinin avtomobili Bakıda qəzaya düşüb
Yol qəzalarının 67 faizi ....
Dəhşətli qəzanın qurbanı yenə piyada oldu
Eldar Sultanovun bacısı oğlu yol qəzasında dünyasını dəyişdi
Qəzaya düşmüş şəxs, arxiv şəkli

Sumqayıtda minik avtomobili avtobusla toqquşub, ölən var

4
(Yenilənib 19:06 15.08.2020)
Əmrahov Şəmkir Heydər oğlunun meyiti deformasiyaya uğrayan nəqliyyat vasitəsindən çıxarılaraq aidiyyəti üzrə təhvil verilib.

BAKI, 15 avqust — Sputnik. Sumqayıtda ölümlə nəticələnən yol-nəqliyyat hadisəsi baş verib.

Bu barədə Fövqəladə Hallar Nazirliyindən bildirilib. Xəbərə görə, Nazirliyin "112" qaynar telefon xəttinə daxil olan məlumata əsasən, Sumqayıt şəhərində “Mercedes” markalı minik avtomobili və "İkarus" markalı avtobus toqquşub.

Hadisə yerinə cəlb olunan Sumqayıt Regional Mərkəzinin xilasetmə qüvvələri minik avtomobilində sıxılı vəziyyətdə qalan 1962-ci il təvəllüdlü Əmrahov Şəmkir Heydər oğlunun meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

4
Əli qandallanmış kişi polis bölməsində, arxiv şəkli

Abşeronda qətl, ər arvadını öldürdü

8
İlqar Vəliyev şübhəli şəxs qismində tutularaq istintaqa cəlb edilib. Hazırda iş üzrə zəruri istintaq tədbirləri həyata keçirilir.

BAKI, 15 avqust — Sputnik. Avqustun 14-də saat 12 radələrində Abşeron rayonu ərazisində 1975-ci il təvəllüdlü Səyyarə Vəliyevanın yaşadığı mənzildə çoxsaylı bıçaq xəsarətləri yetirilməklə öldürülməsi barədə rayon prokurorluğuna məlumat daxil olub. Sputnik Azərbaycan Abşeron rayon prokurorluğunun məlumatına istinadla xəbər verir ki,dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin əri 1967-ci il təvəllüdlü İlqar Vəliyev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

İlqar Vəliyev şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri həyata keçirilir.

8
Belarus Prezidenti Aleksandr Lukaşenko, arxiv şəkli

Aleksandr Lukaşenko: "Sən demə mən ölmüşəm"

0
(Yenilənib 20:36 15.08.2020)
Lukaşenko qeyd edib ki, "Belarusun müdafiəsi" indi bütün İttifaq Dövlətinin müdafiəsidir və "belaruslular tab gətirməsə dalğa yayılacaq".

BAKI, 15 avqust — Sputnik. Belarus Prezidenti Aleksandr Lukaşenko respublikaya qarşı "təcavüz" baş verdiyini bildirib. O deyib ki, bu vəziyyətin inkişafı "artıq yalnız Belarus üçün" təhdid doğurmur.

"Biz dərinlikdə nə baş verdiyini görürük. Biz bunu çox yaxşı görürük", - Belarus prezidenti deyib.

O bildirib ki, "artıq xarici müdaxilənin elementləri ortaya çıxıb."

Prezident həmçinin qeyd edib ki, "Belarusun müdafiəsi" indi bütün İttifaq Dövlətinin müdafiəsidir və "belaruslular tab gətirməsə dalğa yayılacaq".

Dövlət başçısının dediyinə görə, küçələrdəki etirazçılar "nə etdiklərini bilmirlər" və işlərin real vəziyyətini onları "əlaqələndirən və istiqamətləndirən" şəxslər başa düşürlər. O, sosial şəbəkələrdə səhnələşdirilmiş kadrlardan və feyklərdən istifadə edildiyini vurğulayıb.

"Sən demə mənim artıq Moskvada hansısa evimi tapıblar. İndi açıq şəkildə demək istəyirəm: tapmısınız, götürün. Mənim Belarusda heç bir mülkiyyətim yoxdur, kənddə yaşadığım rəsmi iqamətgahdan başqa. Sən demə mən artıq srağagün ölkədən getmişəm, sən demə gah mən ölmüşəm, gah da xəstələnmişəm."

Avqustun 9-da respublikada prezident seçkiləri keçirilib. Mərkəzi Seçki Komissiyasının məlumatına görə, dövlət başçısı Aleksandr Lukaşenko səslərin 80,1 faizini, Svetlana Tixanovskaya isə 10,12 faizini toplayıb. Müxalifət bu nəticələri qəbul etməyib, Tixanovskaya isə Litvaya köçüb. Ölkədə altıncı gün icazəsiz etiraz aksiyaları keçirilir.

0