N saylı hərbi hissədə baş verən partlayışla əlaqədar Xızının Şurabad,Giləzi,Siləlçay və Yaşma qəsəbələrinin əhalisinin yarısı Siyəzənə yarı hissəsi isə Zarat qəsəbəsinə təxliyyə edilir

Partlayış bölgəsinin əhalisi iki istiqamətə təxliyə olunur

4439
(Yenilənib 13:15 27.08.2017)
Kəndlərdəki evlərə çoxlu ziyan dəyib, həyətlərdə qəlpələr aşkarlanıb

Leyla Abdullayeva,Sputnik Azərbaycan

BAKI, 27 avqust — Sputnik. Bu gün N saylı hərbi hissədə baş verən partlayışla əlaqədar Xızı rayonunun Şurabad, Giləzi, Siləlçay və Yaşma qəsəbələrinin əhalisinin yarısı Siyəzən rayonu, yarı hissəsi isə Zarat qəsəbəsi ərazisinə təxliyyə edilir.

Köçürülən sakinlərin Sputnik Azərbaycan-ın bölgə müxbirinə verdikləri məlumata görə, kəndlərdəki evlərə çoxlu ziyan dəyib, həyətlərdə qəlpələr aşkarlanıb. Sakinlərin bəziləri öz avtomobilləri ilə təcili ərazini tərk ediblər.

Son durumla bağlı Müdafiə Nazirliyindən də açıqlama var. MN-in mətbuat xidmətindən Sputnik Azərbaycan-a verilən rəsmi məlumata görə, N saylı hərbi hissəsinin silah anbarında yanğın nəticəsində partlayış baş vermiş əraziyə yaxın Giləzi, Sitalçay və digər yaşayış məntəqələrindəki əhalinin təxliyəsi həyata keçirilib: "Hazırda aidiyyəti qurumlar tərəfindən müvafiq təxirəsalınmaz tədbirlər davam etdirilir".

Xatırladaq ki, bu gün Müdafiə Nazirliyinin N saylı hərbi hissəsinin silah anbarında yanğın baş verib. Nəticədə ərazidə partlama müşahidə olunub.

Müdafiə Nazirliyinin (MN) mətbuat xidmətindən Sputnik Azərbaycan-a verilən məlumata görə, hadisənin səbəblərinin öyrənilməsi və müvafiq təhlükəsizlik tədbirlərinin həyata keçirilməsi məqsədilə aidiyyəti strukturların nümayəndələrindən ibarət qrup hadisə yerindədir. İndiyə olan məlumata görə həlak olan və xəsarət alan yoxdur.

Hərbi hissənin silah anbarında baş vermiş partlayışla əlaqədar hadisə yerinə 10 təcili tibbi yardım briqadası göndərilib. Bu barədə APA-ya Səhiyyə Nazirliyinin Təcili və Təxirəsalınmaz Tibbi Yardım Stansiyasının baş həkimi Mirələm Cəlalov məlumat verib.

Baş həkim qeyd edib ki, partlayışla müşayiət olunan yanğın davam etdiyindən təcili yardım maşınları əraziyə buraxılmır. Hadisə nəticəsində yaralıların olduğu barədə məlumat daxil olduğunu deyən M. Cəlalov ehtiyac yaranacağı təqdirdə əraziyə əlavə briqadalar göndəriləcəyini bildirib.

N saylı hərbi hissənin silah anbarında baş vermiş partlayış və yanğınla əlaqədar olaraq, təhlükəsizlik tədbiri təşkil etmək üçün hal-hazırda Bakı-Quba magistral yolu bağlanıb. Sputnik Azərbaycan-ın bölgə müxbiri xəbər verir ki, hadisə ilə bağlı əraziyə gediş-gəliş dayandırılıb.

Hadisənin Siyəzən rayonu ərazisində yerləşən hərbi hissədə baş verdiyi qeyd olunsa da, həmin ərazi inzibati baxımdan Xızı rayonuna tabedir. Baş verənlərlə əlaqədar ərazi üzrə hərbi komissarlıqlara da müvafiq təlimatlar verilib.

4439
Teqlər:
N saylı hərbi hissə, Xızı rayonu, Sputnik Azərbaycan, kənd, sakin, partlayış, təxliyə, əhali
Əlaqədar
Sürücülərə çağırış: "Partlayış bölgəsinə səfərlərinizi təxirə salın"
Partlayışla əlaqədar şimal bölgəsinə gedən yol bağlandı
Azərbaycanda silah anbarı partladı: əhali evakuasiya olunur

Xırdalanda partlamış evin dağıntıları altından qadın meyiti çıxarılıb

65
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

65
Xırdalanda partlayış yerində

Xırdalanda dağıntılar altından xilas edilənlərin sayı artır

21
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

21