Arxeoloji qazıntı, arxiv şəkli

Rusiya torpağının altından Azərbaycan tarixi çıxdı

1029
Qızıl Ordanın döyüşçüləri piyaləni Şirvan yürüşü zamanı hərbi qənimət kimi ələ keçirərək, Don torpağına gətiriblər

BAKI, 27 avqust – Sputnik. Azov arxeoloqları Rostov vilayətində qazıntılar aparan zaman unikal Şirvan piyaləsi tapıblar. Sputnik Azərbaycan xəbər verir ki, bu piyalə Don torpağındakı qədim yaşayış məskənləri üçün nadir tapıntıdır. Şirvan şəhərlərində keramikadan hazırlanan qablar demək olar ki, ixrac edilmirmiş və ancaq daxili tələbat üçün nəzərdə tutulurmuş.

Tarixçilər hesab edirlər ki, Qızıl Ordanın döyüşçüləri piyaləni Şirvan yürüşü zamanı hərbi qənimət kimi ələ keçirərək, Don torpağına gətiriblər. Alimlər artefaktın dəqiq yaşını tam tarixi ekspertiza başa çatandan sonra söyləyə biləcəklər.

Rostov vilayətindəki qazıntılar yaxınlaşmaqda olan mundialla bağlıdır. 2018-ci ildə keçiriləcək futbol üzrə Dünya Çempionatı səbəbindən böyük şəhərlərin və idman obyektlərinin yenidən qurulması ilə bağlı olaraq, irimiqyaslı arxeoloji işlər başlayıb.

Demək olar ki, hər yerdə tikinti işləri dayandırılıb. Onların yerində isə arxeoloji ekspedisiyaların çoxsaylı çadırları qurulub. Hər gün yerin altından Don torpağının hələ çox sirləri qoruyub saxladığını sübut edən qədim əşyalar və artefaktlar tapılır.

Azov tarix-diyarşünaslıq muzeyinin arxeologiya şöbəsinin baş elmi işçisi Mixail Qonçarovun sözlərinə görə, torpaq tarixin unikal saxlanc yeridir. "Bizim keçdiyimiz hər metr, yüz il, min il geriyə səfər etməyimiz, dünyamızın kökünə qayıtmağımızdır. Bəli, məhz Azov stadionunun yenidən qurulması sayəsində tikinti işçiləri tarixin Qızıl Orda dövrünə aid çox böyük saxlanc yerinə rast gəliblər. Burada şəhər də var, yaşayış evləri də, emalatxanalar da. Bu, bizim dövrün çox böyük tapıntısıdır" – deyə o bildirib.

Qonçarov onu da nəql edib ki, yeni stadiona aparan kommunikasiyaların çoxu orta əsrlər Azakının böyük hissəsindən keçdiyindən, tikinti işçilərinə tarixi artefaktları aşkar etməyə imkan verib. "Biz hamımız alışmışıq ki, burada türklərə məxsus olan və Birinci Pyotrun hücum etdiyi Azov qalası var. Amma o, boş yerdən yaranmayıb" – Qonçarov bildirib.

Onun sözlərinə görə, təxminən 1270-ci ildə Menqu-Teymur xan bu ərazidə Azak şəhərinin əsasını qoyub və şəhər haradasa XVI əsrin əvvəlinə kimi mövcud olub. Sonra şəhər dağıdılıb, xarabalığa çevrilib. Amma yarandığı ilk dövrlərdə şəhər sürətlə böyüyüb, inkişaf edib və Qızıl Ordada problemlər yaşanmasaydı, çox yaxşı gələcəyi ola bilərdi.

Azak, həmin dövrün meyarlarına görə kifayət qədər böyük şəhər olub, orada 30 min əhali yaşayırmış. Alim qeyd edir ki, bu, orta əsrlər şəhəri üçün böyük rəqəmdir.

Qonçarov onu da bildirib ki, Azak XIII-XIV əsrlərdə kifayət qədər vacib rol oynayıb. Orada italiyalıların, genuyalıların və venesiyalıların ticarət faktoriyaları olub.

"Bir sözlə, şəhər Avropa və Asiyanı birləşdirən vacib ticarət punktu olub" – alim qeyd edib.

Qeyd edək ki, vaxtilə Şirvandan ticarət yolu keçib. Bu region bir çox yüzilliklər ərzində xarici qəsbkarların çoxsaylı hücumlarına məruz qalıb və müxtəlif dövlətlərin tərkibinə daxil olub.

1029
Teqlər:
Mixail Qonçarov, Qızıl Orda, Şirvan piyaləsi, Rostov vilayəti, Azov, arxeoloq
Əlaqədar
Bu tapıntı İstanbulun tarixini yenidən yazacaq
Bu tapıntı Azərbaycana xeyli turist cəlb edəcək
Bu tapıntı neftin "bazarını öldürəcək"
Möcüzə tapıntı: O, gecələr işıq saçır
Bu arxeoloji tapıntı alimləri qorxuya saldı
PPX avtomobili, arxiv şəkli

Bərdədə koronavirus xəstəsi qayda pozub, məsuliyyətə cəlb edildi

5
(Yenilənib 15:34 05.12.2020)
Faktla bağlı Bərdə rayon prokurorluğunda Cinayət Məcəlləsinin 139-1.1-ci maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib

BAKI, 5 dekabr — Sputnik. Koronavirus infeksiyasının yayılmasının qarşının alınması məqsədi ilə ölkəmizdə elan edilən xüsusi karantin rejiminin müxtəlif yollarla pozulması hallarına qarşı prokurorluq orqanları tərəfindən kompleks və ardıcıl tədbirlər davam etdirilir.

Sputnik Azərbaycan Bərdə Rayon Prokurorluğunun məlumatına istinadla xəbər verir ki, Bərdə rayon sakini, 1996-cı il təvəllüdlü Alışanov Amil Ədalət oğlu COVID-19 virusu ilə bağlı test analizi verməklə testin nəticəsinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduğu halda, 03.12.2020-ci il tarixdə yaşadığı evi qanunsuz tərk etməklə karantin rejimini kobud surətdə pozub, yeni növ koronavirus infeksiyasının yayılması üçün real təhlükə yaradıb.

Faktla bağlı Bərdə rayon prokurorluğunda Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib.

Hazırda iş üzrə zəruri istintaq hərəkətləri davam etdirilir.

5
Teqlər:
qayda, xəstə, COVID-19, Koronavirus, epidemiya
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Yaşadığı ünvanı tərk edən koronavirus xəstəsi

Samuxda qadını evinə zorla qaytardılar

10
(Yenilənib 11:11 05.12.2020)
Polis əməkdaşları dərhal onun rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadığı ünvana göndəriblər.

BAKI, 5 dekabr — Sputnik. Samuxda yaşayış yerini tərk edən koronavirus xəstəsi məsuliyyətə cəlb edilib. Sputnik Azərbaycan Daxili İşlər Nazirliyinin Mətbuat Xidmətinin Gəncə şəhərindəki regional qrupundan verilən məlumata istinadla xəbər verir ki, Samux rayon Polis Şöbəsinin (RPŞ) əməkdaşları tərəfindən keçirilən müvafiq tədbirlər nəticəsində koronavirus testinin nəticəsi pozitiv çıxan, rayonun Nəbiağalı kənd sakini, Aynur Xəlilovanın ev şəraitində müalicə almasına baxmayaraq, karantin qaydalarını kobud şəkildə pozaraq, yaşadığı ünvanı tərk etməsi müəyyən edilib. Polis əməkdaşları dərhal onun rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadığı ünvana göndəriblər.

Faktla bağlı araşdırmalar davam etdirilir.

10
Teqlər:
karantin, polis, Samux, qayda pozuntusu, xəstə, Koronavirus
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

Bir neçə şəhər rayonda sərtləşdirilmiş xüsusi karantin rejiminin müddəti uzadıldı

5
Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır

BAKI, 5 dekabr - Sputnik. Azərbaycanda sanitar-epidemioloji vəziyyəti nəzərə alaraq Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib.

Sputnik Azərbaycan-ın məlumatına görə, bununla bağlı Nazirlər Kabineti “Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.

Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır.

Qeyd edək ki, əvvəl bu müddət dekabrın 7-si saat 06:00-dək müəyyən edilmişdi.

5
Teqlər:
Xaçmaz, Quba, İsmayıllı, Masallı, Cəlilabad, Biləsuvar, Zaqatala, Qax, Lənkəran, Şəki, sərt karantin rejimi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar