Şəki rayonu “Qumux dərəsi” adlanan ərazidə tibbi tullantılar

Hökumət qurumundan məcburi göstəriş

355
(Yenilənib 17:27 22.08.2017)
Şimal-qərb bölgəsində qanun pozuntuları aşkarlanıb

BAKI, 22 avgust — Sputnik. Ekologiya və Təbii Sərvətlər Nazirliyinin (ETSN) 9 saylı Ərazi Ekologiya və Təbii Sərvətlər şöbəsi nəzarət etdiyi inzibati ərazilərdə (Şəki, Qax, Balakən, Zaqatala) ekoloji qanunvericiliyin tələblərinə riayət olunmasını yoxlamaq məqsədilə növbəti reyd keçirib. Nazirliyin mətbuat xidmətindən Sputnik Azərbaycan-a verilən məlumata görə, keçirilən reyd zamanı Şəki rayonu "Qumux dərəsi" adlanan ərazidə tibbi tullantıların qalaqlandığı aşkar edilib.

Araşdırma zamanı sözügedən ərazinin Baş Layıski bələdiyyəsinin mülkiyyətinə aid olduğu və əraziyə istifadə müddəti sona çatmış 4 m3 həcmində müxtəlif adda iynə və dərman peraparatlarından ibarət tibbi tullantıların atıldığı məlum olub. Əraziyə Şəki rayonu Gigiyena Epidemologiya Mərkəzinin, rayon Polis Şöbəsinin, Baş Layıski Bələdiyyəsinin və Baş Layıski İnzibati Ərazi Dairəsinin nümayəndələri dəvət edilib.

Faktla bağlı akt tərtib olunub və ərazinin tullantılardan təmizlənməsi üçün Baş Layıski Bələdiyyəsinin sədrinə icrası məcburi olan müddətli "məcburi göstəriş" verilib.

Araşdırma müddətində təhlükəli tullantıları atan təqsirkar şəxslərin müəyyələşdirilməsi mümkün olmayıb. Qanun pozucuları barəsində qanunamüvafiq qaydada tədbir görülməsini təmin etmək məqsədilə təqsirkarların tapılması üçün Şəki rayon Polis Şöbəsinə müraciət edilib.

355
Teqlər:
Baş Layıski bələdiyyəsi, ekoloji qanunvericilik, ETSN, Ekologiya və Təbii Sərvətlər Nazirliyi
Əlaqədar
Bakıda zibilliklər və tullantılar problemi müzakirəyə çıxarılacaq
Cəfər zibilə düşüb, Səməd kədər içində, Hüseyn başını yerdən qaldıra bilmir...
Zibil yeşiklərindən yığır, köhnə hamam vannasında yuyur və...
Nazirlikdən zibil xəbərdarlığı