Mercedes Benz-Gelandewagen avtomobilinin interyeri

Baş nazirin müavininin nəvəsinin "Gelandewagen"i barədə ilginc iddia

4169
(Yenilənib 22:23 15.08.2017)
Nübar Həsənalıyeva: Bizi sexdə yaşamağa məcbur etdilər, bizə ayrılan pullara nəvələrinə Gelandewagen aldılar.

BAKI, 15 avgust — Sputnik. Baş nazirin birinci müavini, Qaçqınların və Məcburi Köçkünlərin işi üzrə Dövlət Komitəsinin sədri Əli Həsənovun nəvəsi Nail Allahverdiyevin "Mercedes Gelandewagen"" markalı avtomobili ilə törətdiyi dəhşətli qəza məcburi köçkünləri də özündən çıxarıb.

Sumqayıtın Tuk zavodunun ərazisində məskunlaşan 17 məcburi köçkün ailəsi ağır şərtlər altında yaşamalarına görə, məhz Əli Həsənovu günahlandırıblar.

Sputnik Azərbaycan-ın məlumatına görə, gununsesi.info-ya danışan məcburi köçkünlər bildiriblər ki, illərdir ağır metal istehsal edən zavodun sexlərində, kanalizasiya suyunun içində yaşadıqlarından, uşaqları onkoloji xəstəliklərdən əziyyət çəkirlər.

"Uşaqlarımız burada xəstə doğulur. Əksəriyyət də onkoloji xəstədir. Yəni, bu sexlərdə məskunlaşanlardan dünyasını dəyişənlərin ölüm haqqında şəhadətnamələrində ölüm səbəbi kimi onkoloji problem yazılır. Hazırda burada yaşayan 17 ailənin hər birinin ailəsində onkoloji xəstəlikdən əziyyət çəkənlər var. Dəfələrlə Qaçqın və Məcburi Köçkünlərlə İş üzrə Dövlət Komitəsinin sədri, baş nazirin müavini Əli Həsənovun qəbuluna düşmək üçün müraciət etmişik. Lakin heç birində bizi Ə.Həsənov qəbul edib, dinləməyib" — deyə Cəbrayıl rayonunun Çullu kəndindən məcburi köçkün Nübar Həsənalıyeva bildirib. O, qeyd edib ki, burada məskunlaşan ailələr dəfələrlə səlahiyyətli şəxslərə məktublar ünvalasalar da, onların qəbuluna gedərək buradan köçürülmələrini rica etsələr də, heç bir nəticəsi olmayıb.

Məcburi köçkünlər onların həyat şəraitinin yaxşılaşdırılmasına dövlət büdcəsindən ayrılan vəsaitlərin Əli Həsənov tərəfindən mənimsənildiyi qənaətindədirlər. Onların fikrincə, avqustun 3-də Əli Həsənovun nəvəsinin Heydər Əliyev prospektində iki nəfərin ölümü və ili nəfərin ağır yaralanması ilə nəticələnən qəzanı törətdiyi "Mercedes Gelandewagen" markalı maşın da məcburi köçkünlərə çatacaq vəsaitlər hesabına əldə edilib.

"Çörək pulu ilə 2000 AZN-ni (N.Həsənalıyeva iddia edir ki, məcburi köçkünlər üçün tikilən binada mənzillə təmin olunmaq üçün ondan 2000 AZN pul istəyiblər-red.) necə yığım ki, mənə də ev versinlər? Əli Həsənov nəvəsinə ötüşmək üçün "Gelandewagen" ala bilir, maşın kolleksiyası toplayır, amma qaçqının problemini həll edə bilmir?! Hamını qıran-çatan nəvəsinə pul tapır, amma məni köçürməyə pul tapmadı?! O maşınlara verdiyi pula 100-lərlə qaçqına normal mənzil şəraiti yaratmaq olar. Əli müəllimdə bu qədər pul haradandır?!" — deyə N.Həsənalıyeva bildirib.

4169
Teqlər:
məcburi köçkünlər, qəza, Mercedes Gelandewagen, Nail Allahverdiyev, Əli Həsənov, Azərbaycan, Bakı
Mövzu:
Bakıda dəhşətli "Gelandewagen" qəzası (10)
Əlaqədar
Aeroport yolunda daha bir “Gelandewagen” olayı
"Gelandewagen" qəzasında yaralananlarla bağlı üzücü xəbər
"Gelandewagen" qəzasında yaralanan Türkiyə vətəndaşları haqda yeni məlumat
"Gelandewagen" olayında adı hallanan deputatdan etiraf: "...mənim də payım var"
"Gelandawagen" qəzasında yeni gəlişmə: o adam...
Parçalı-buludlu hava, arxiv şəkli

Hava şəraiti yenə dəyişəcək?

11
Mayın 9-da Abşeron yarımadasında arabir güclənən gilavar küləyinin 10-da güclü xəzri küləyi ilə əvəz olunacağı, atmosfer təzyiqinin xeyli tərəddüdü gözlənilir ki, bu da bəzi meteohəssas insanlar üçün əsasən əlverişsizdir.

BAKI, 8 may — Sputnik. Mayın 9-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin səhər bəzi yerlərdə çiskin olacağı, gecəyə doğru isə yağış yağacağı gözlənilir. Milli Hidrometeorologiya Xidmətinin Sputnik Azərbaycan-a verdiyi məlumata görə, gündüz arabir güclənən cənub-qərb küləyi əsəcək. Havanın temperaturu Abşeron yarımadasında gecə 11-14, gündüz 18-21, Bakıda gecə 12-14, gündüz 18-20 dərəcə isti olacaq. Atmosfer təzyiqi 763 mm civə sütunundan 757 mm civə sütununa enəcək, nisbi rütubət gecə 70-80, gündüz 50-55 faiz təşkil edəcək.

Mayın 9-da Azərbaycanın rayonlarında hava şəraitinin əsasən yağmursuz keçəcəyi, lakin axşam əsasən şimal və qərb rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Səhər saatlarında duman olacaq, qərb küləyi əsəcək, ayrı-ayrı yerlərdə arabir güclənəcək.

Havanın temperaturu gecə 10-15, gündüz 22-27, dağlarda gecə 5-10, gündüz 13-18 dərəcə isti olacaq.

Tibbi-meteoroloji proqnoza gəlincə, mayın 9-da Abşeron yarımadasında arabir güclənən gilavar küləyinin 10-da güclü xəzri küləyi ilə əvəz olunacağı, atmosfer təzyiqinin xeyli tərəddüdü gözlənilir ki, bu da bəzi meteohəssas insanlar üçün əsasən əlverişsizdir.

11
Mi-8 helikopteri, arxiv şəkli

Kamçatkada Mi-8 vertolyotu yoxa çıxıb

6
Xatırladaq ki, cari ilin yanvar ayında Mi-8 vertolyotu Rusiyanın Krasnoyarsk vilayətinin Boquçanı qəsəbəsindən havaya qalxarkən hava limanının binasının divarına çırpılıb.

 

BAKI, 8 may — Sputnik. Rusiyaya məxsus Kamçatka yarımadası üzərində Mi-8 vertolyotu bir neçə saatdır ki, Yer ilə əlaqəyə çıxmır. Sputnik Azərbaycan Rusiya mediasına istinadən xəbər verir ki, hazırda göyərtəsində iki nəfərin olduğu aparatın uçuş marşrutu üzrə axtarış həyata keçirilir.

"Fiziki şəxs adına qeydə alınmış vertolyot təpələrdən biri üzərində uçuş həyata keçirib", - deyə məlumatda bildirilir.

Xatırladaq ki, cari ilin yanvar ayında Mi-8 vertolyotu Rusiyanın Krasnoyarsk vilayətinin Boquçanı qəsəbəsindən havaya qalxarkən hava limanının binasının divarına çırpılıb.

6
Taxıl biçini, arxiv şəkli

Taxıl biçini başlayacaq - Kombaynlara GPS qoşulur

0
(Yenilənib 23:29 08.05.2021)
May ayının sonundan etibarən Azərbaycanda taxıl biçininə başlanılacaq. Hazırda biçinə cəlb ediləcək kombaynlar üzərində sazlama işləri aparılır.

BAKI, 8 may — Sputnik. May ayının sonundan etibarən Azərbaycanda taxıl biçininə başlanılacaq. Bununla əlaqədar "Aqroservis" ASC tərəfindən biçinə hazırlıq işlərinin əsas mərhələsinə start verilib.

Sputnik Azərbaycan xəbər verir ki, hazırda biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri həyata keçirilir.

Həmçinin, biçin zamanı düzgün dislokasiya planının qurulması üçün kombaynlar GPS nəzarət sistemi ilə təchiz edilir. Bu innovativ nəzarət sistemi biçin zamanı düzgün dislokasiya yaradılması, operativliyin təmin edilməsi, prosesə nəzarət edilməsi və şəffaf idarəetmə mexanizminin qurulmasına imkan yaradır.

Qeyd edək ki, taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara ödənişsiz təlimlər keçirilib. Müxtəlif markalı kombaynlar üzrə ümumlikdə 263 mexanizator təlimlərdə iştirak edib. Təlimlərdə yüksək nəticə əldə edən mexanizatorlar sertifikat ilə təmin ediliblər.

0