Şəki rayon Mərkəzi Xəstəxanası

Şəkidə avtomobil dərəyə yuvarlanıb

220
(Yenilənib 17:55 15.08.2017)
Hadisə zamanı bir ailənin 3 üzvü xəsarət alıb

Şahpəri Abbasova, Sputnik Azərbaycan

BAKI, 15 avqust — Sputnik. Şəkidən Qaxa doğru hərəkət edən 90 DH 600 dövlət nömrə nişanlı avtomobil idarəetməni itirib və yol kənarında olan dərəyə yuvarlanıb. Sputnik Azərbaycan-ın bölgə müxbirinin verdiyi məlumata əsasən, hadisə zamanı bir ailənin 3 üzvü, Bərdə rayon sakinləri 51 yaşlı Nərimanova Kəmalə, 65 yaşlı Nərimanov Yusif və 7 yaşlı Nərimanbəyli Nərmin xəsarət alıb.

Şəki Rayon Mərkəzi Xəstəxanasından verilən məlumata görə, avtomobil qəzasından 7 yaşlı Nərmin və 65 yaşlı Yusif canını cüzi xəsarətlərlə qurtarsa da, 51 yaşlı Kəmalə Nərimanovanın vəziyyəti ağırdır. Qəza zamanı xəsarət alan qadın hazırda reanimasiyadadır. İlkin ehtimala görə hadisə sürət həddini aşma səbəbindən baş verib.

Faktla bağlı Şəki Rayon Polis Şöbəsi tərəfindən araşdırma aparılır.

220
Teqlər:
avtomobil qəzası, qəza, Qax, Şəki, Azərbaycan
Əlaqədar
Sürücüsü olmayan motosiklet qəza törətdi
Dəhşətli qəzanın qurbanı yenə piyada oldu
Dəhşətli avtobus qəzası: 36 nəfər öldü
Pişik, arxiv şəkli

Bakıda "pişik əməliyyatı" - VİDEO

50
(Yenilənib 16:54 24.05.2020)
Yerli sakinlər FHN işçilərini çağırsalar da, onlar başqa briqadanın gələcəyini deyərək pişiyi quyudan çıxarmayıblar

BAKI, 24 may — Sputnik. Bakının İçərişəhər ərazisində yerli sakinlər xilasetmə əməliyyatında iştirak ediblər.

Sputnik Azərbaycan bildirir ki, bu barədə Erkin İbrahimov sosial şəbəkədə məlumat paylaşıb.

Onun sözlərinə görə, on gün imiş ki, Qalada üç iri və səkkiz bala pişikdən ibarət "ailəni" yemləyirmiş. Bir neçə gün əvvəl pişiklərdən birinin yoxa çıxdığını görüb. Məlum olub ki, mavru 10 metr dərinliyi olan quyuya düşüb. Yerli sakinlər FHN işçilərini çağırsalar da, onlar başqa briqadanın gələcəyini deyərək pişiyi çıxarmayıblar.

Erkin İbrahimovun sözlərinə görə, sakinlərdən dənizdə işlədiyi deyilən Samir Zeynalovun belinə ip bağlayaraq quyuya sallayıblar. O da pişik balasını sağ-salamat quyudan çıxara bilib: "Allah razı olsun sizdən, qardaşlar! Ləhcənizə, şirin-şirin danışığınıza, iynəli atmacalarınıza qurban olaram! Allah hər zaman ürəyinizcə versin. Bir pişik balasına görə vaxtını, əziyyətini əsirgəməyən gözəl insanlar. Əsas qəhrəman Samir ilə şəkil çəkdirmək istəsəm də, qonşular onun dənizə növbəyə getdiyini dedilər. Samiri bağrıma basıram! Bu çətin zamanlarda belə insanlıq nümünələri cəmiyyət üçün, hər birimiz üçün çox önəmlidir!"

Qeyd edək ki, Erkin İbrahimov idman yazarıdır, xarici mətbuatda Azərbaycan futbolu və ümumiyyətlə idman barədə yazılarla çıxış edir.

50
Şüşə qırıntısı, arxiv şəkli

Ramazan şirniyyatı qismət olmadı: Mingəçevirdəki qəzanın təfərrüatı

20
(Yenilənib 15:31 24.05.2020)
Həyat yoldaşının avtomobil idarə etməyi öyrətdiyi Zülfiyə adlı başqa bir xanım “Opel” markalı maşının idarəetməsini itirib və avtomobil evin darvazası qarşısına toplaşan kütləyə çırpılıb

BAKI, 24 may — Sputnik. Mingəçevirdə 10-dan çox insanın xəsarət alması ilə nəticələnən qəzanın təfərrüatı məlum olub.

Sputnik Azərbaycan APA-ya istinadən bildirir ki, Mingəçevir sakini Elnarə Abdullayeva Ramazan bayramı münasibəti ilə fərdi evinin həyətində qonşulara və uşaqlara şirniyyat paylayıb.

Bu zaman həyat yoldaşının avtomobil idarə etməyi öyrətdiyi Zülfiyə adlı başqa bir xanım “Opel” markalı maşının idarəetməsini itirib və avtomobil evin darvazası qarşısına toplaşan kütləyə çırpılıb. Nəticədə 10-u uşaq olmaqla, 13 nəfər xəsarət alıb. Yaralılar xəstəxanalara yerləşdiriliblər. 

TƏBİB-dən verilən məlumata görə, xəstəxanaya yerləşdirilən 13 nəfərdən 9-na ambulator yardım göstərilərək evə buraxılacaq.

Qəza nəticəsində 2 uşaq kəllə-beyin travması alıb, vəziyyətləri ağırdır. Xəsarət alan iki uşağın isə vəziyyəti orta ağırdır. 

Faktla bağlı araşdırma başlanılıb.

20
Əlaqədar
Sürücü dəhşətli qəzada yanaraq öldü
Bu il yol qəzalarında bəxtləri gətirməyən çox olub
Qadın sürücü maşınla on nəfəri vurdu
Bayram günü dəhşətli qəza: Avtomobil iki hissəyə bölündü
Külək istiqamətini göstərən qurğu, arxiv şəkli

Ölkədəki faktiki hava şəraiti açıqlandı

0
Mayın 25-i səhər saatlarından güclü-şimal küləyi zəifləyib, dalğanın hündürlüyü Neft Daşları stansiyasının məlumatına əsasən 2.6 metrə enib

BAKI, 25 may — Sputnik. Milli Hidrometeorologiya Xidməti kaktiki hava şəraitini açıqlayıb. Sputnik Azərbaycan-a Milli Hidrometeorologiya Xidmətindən verilən məlumata əsasən mayın 25-i səhərədək bəzi şimal və qərb rayonlarında yağış yağıb. Düşən yağıntının miqdarı Sarıbaşda (Qax) 8 mm, Zaqatala, Kişçayda (Şəki) 3 mm, Daşkəsən, Ağdərə, Tovuz, Balakən, Lerikdə 2 mm, Şahbuz, Ordubad, Gədəbəy, Göygöl, Gəncə, Şəmkir, Ceyrançöl, Ağstafa, Oğuz, Şəki, Qrız, Mingəçevir, Sabirabad, Cəfərxan, Biləsuvar, Yardımlı, Astara, Xınalıqda 1 mm olub.  Mayın 25-i səhər saatlarından güclü-şimal küləyi zəifləyib, dalğanın hündürlüyü Neft Daşları stansiyasının məlumatına əsasən 2.6 metrə enib. 

Qeyd: Mayın 25-də gün ərzində hava şəraiti Bakıda və Abşeron yarımadasında əsasən yağmursuz keçəcək, mülayim şimal-şərq küləyi əsəcək.  Azərbaycanın şərq rayonlarında hava şəraiti əsasən yağmursuz keçəcək, qərb rayonlarında isə gündüz yağıntılar tədricən kəsiləcək. Mülayim qərb küləyi 5-10 m/s, arabir 15-17 m/s təşkil edəcək. Havanın maksimal temperaturu Bakıda və Abşeron yarımadasında 21-25, aran rayonlarında 25-30, dağlıq rayonlarda 14-18 dərəcə isti təşkil edəcək.

0