Oyuncaq ayı

Oyuncaq ayı haradadır yaxud məşhur filmin ssenarisi necə təkrarlandı

55
(Yenilənib 12:46 22.07.2017)
Baş verənlər "İtalyanların Rusiyada qeyri-adi sərgüzəştləri" kinokomediyasını ağla gətirir

BAKI, 22 iyul — Sputnik. Bakıda qəribə hadisə baş verib. Bu hadisə Eldar Ryazanovun sevimli "İtalyanların Rusiyada qeyri-adi sərgüzəştləri" kinokomediyasını xatırladır.

Filmdə Rusiyada aslanın altında ölmüş mühacirə aid gizlədilmiş zinət əşyaları axtarılır, Bakıda isə içində zinət əşyaları gizlədilmiş "oyuncaq ayı".

Həm polis, həm də sakin şəhərdə içərisinə 4 min manat dəyərində qızıl-zinət əşyaları gizlədilmiş oyuncaq ayını axtarır.

Bu barədə Sputnik Azərbaycan-a daxili işlər orqanlarından məlumat verilib. 

Nəsimi rayon Polis İdarəsinin 20-ci polis bölməsinə Bakı şəhər sakini, 1986-cı il təvəllüdlü Emil Xudayev müraciət edib. Cavan oğlan bildirib ki, iyulun 19-da saat 18:45-də onun anası, 1962-ci il təvəllüdlü Diana Vəliyeva 3 nömrəli marşrut avtobusuna minib və Mərdanov qardaşları küçəsindəki 109 nömrəli binanın qabağında düşüb.

Vəliyeva 4 min manat dəyərində qızıl-zinət əşyalarını gizlətdiyi oyuncaq ayını da özü ilə götürübmüş. Qadın oyuncağı avtobusda unudub. Əvvəlcə şikayətçilər ayını əlavə yardım olmadan tapmağa çalışıblar. Onlar həmin avtobusun sürücüsünə və hətta bir neçə sərnişinə müraciət ediblər. Sərnişinlər oyuncağı balaca bir oğlanın əlində gördüklərini deyiblər. Yəqin ki, oğlan oyuncağı özü ilə evlərinə aparıb.

Polisdən bildiriblər ki, hazırda onlar bahalı oyuncağı tapmaq üçün hərəkətə keçiblər. Asayiş keşikçiləri güman edirlər ki, ayının yeni sahibləri hələ də onun içində nə olduğunu bilmirlər. Ola bilsin, oğlan oyuncağı küçədə yerə atıb.

Bu arada "BakuBus" şirkəti dünən 3 saylı marşrut avtobusunda Diana Vəliyeva adlı sərnişinin içində qızıl əşyalar olan oyuncağını itirməsi hadisəsi ilə bağlı açıqlama verib. Şirkətin mətbuat xidmətinin rəhbəri Mansur Piriyev Lent.az-a bildirib ki, şirkət olaraq "BakuBus" avtobusunun salonunda itirilmiş əşyalara görə cavabdehlik daşımırlar: 

"Bu, salonda quraşdırılmış lövhədə də göstərilib. Ancaq biz sərnişinlərimizin məmnuniyyətini qazanmaq üçün itirilmiş əşyaları aşkar edərkən onlara təhvil veririk. Hətta bununla bağlı qaynar xətt proqramında əlavə bölmə də yaradılıb. Ancaq təəssüf ki, bəzən avtobusda unudulan əşyaların digər sərnişinlərimiz tərəfindən götürülməsi hallarına da rast gəlmək olur. Bu zaman biz əşyasını itirən sərnişinə polisə müraciət etməsini tövsiyyə edirik. Polis orqanlarından daxil olan rəsmi sorğu əsasında əşyanın itirildiyi və ya digər sərnişin tərəfindən götürülməsi təxmin edilən vaxtın görüntüləri çıxarılaraq polis orqanlarına göndərilir. Bundan sonra isə artıq hüquq-mühafizə orqanları hadisəni araşdırıb qanunvericiliyin tələblərinə uyğun tədbirlər həyata keçirirlər".

M.Piriyev əlavə edib ki, qeyd olunmuş hadisə ilə bağlı onlara hələ ki, rəsmi sorğu daxil olmayıb. Rəsmi müraciət daxil olarsa, məlumatlar və videogörüntülər polis orqanlarına təhvil veriləcək.

55
Teqlər:
Bakı, Rusiya, Mansur Piriyev, Eldar Ryazanov, Emil Xudayev, Diana Vəliyeva, Nəsimi rayon Polis İdarəsi
Əlaqədar
Başına torba keçirilərək oğurlanan biznesmen olub-bitənləri anlatdı
Televiziyadan oğurluq edən nəhayət ki, ələ keçdi
İcra Hakimiyyətinin qarşısında oğurluq baş verib
Şabran sakinindən kuryoz oğurluq

Bakıya yağış yağıb, evləri su basıb

357
İntensiv yağan yağışlar nəticəsində Bakı şəhərinin müxtəlif ərazilərində bəzi fərdi evlər və həyətyanı sahələr subasmaya məruz qalıb.

BAKI, 26 sentyabr - Sputnik. 26 sentyabr 2021-ci il tarixində gecə saatlarından başlayaraq Fövqəladə Hallar Nazirliyinin "112" qaynar telefon xəttinə Bakı şəhəri sakinlərindən yağışların törətdiyi fəsadların aradan qaldırılması ilə əlaqədar müraciətlər daxil olub.

Sputnik Azərbaycan Fövqəladə Hallar Nazirliyinin saytına istinadla bildirir ki, qəbul edilmiş müraciətlərlə əlaqədar olaraq, ilk növbədə, Fövqəladə Hallar Nazirliyi tərəfindən əməliyyat şəraitinin qiymətləndirilməsi aparılıb.

Müəyyən olunub ki, intensiv yağan yağışlar nəticəsində Bakı şəhərinin müxtəlif ərazilərində bəzi fərdi evlər və həyətyanı sahələr subasmaya məruz qalıb.

Yağıntıların törətdiyi fəsadların aradan qaldırılması üçün Fövqəladə Hallar Nazirliyinin müvafiq qurumlarının canlı qüvvə və texnikası suçəkmə və digər təxirəsalınmaz təcili tədbirlərin həyata keçirilməsinə cəlb olunub.

357
Bosfor boğazı, arxiv şəkli

Bosforda toqquşan Rusiya Türkiyə gəmiləri limanda lövbərə qoyulub

1244
(Yenilənib 12:59 25.09.2021)
Rusiya KİV-ləri Türkiyə hakim dairələrinə istinadən xəbər verir ki, hadisə nəticəsində xəsarət alanlar olmayıb.

BAKI, 25 sentyabr - Sputnik. Bosfor boğazında Rusiya və Türkiyəyə məxsus yük gəmiləri toqquşub.

Bu barədə RİA Novosti Türkiyə hakim dairələrinə istinadən xəbər verir.

"Hadisə yerinə üç xilasedici kater və 14 yedəkçi gəmi göndərilib. "Rusiç 10" və "Tahsin İmamoğlu" gəmiləri limanda lövbərə qoyulub", - deyə Türkiyənin Sahil Mühafizəsi Xidmətindən bildirilib.

Məlumatda deyilir ki, xoşbəxtlikdən hadisə nəticəsində xəsarət alanlar olmayıb.

 

1244
Teqlər:
Rusiya, Türkiyə, gəmirmə, Bosfor boğazı

Bakıda şəhidlərinin xatirəsinə səmaya işıq fənərləri buraxılıb

0
"Şəhidlərimiz qürurumuzdur" adlı aksiyası zamanı "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Bu gün vətən müharibəsi zamanı şəhid olan soydaşlarımızın xatirəsinə həsr edilən anım tədbiri keçirilib.

Heydər Əliyev Fondunun "Regional İnkişaf" İctimai Birliyinin "Şəhidlərimiz qürurumuzdur" adlı aksiyası zamanı bu gün təməli qoyulan Vətən müharibəsi memorial kompleksi və Zəfər muzeyinin ərazisində quraşdırılmış xüsusi projektorlardan səmaya yönələn şüalar Zəfər tağını simvolizə edib. Aksiyada "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Qeyd edək ki, sentyabrın 27-si Vətən Müharibəsinin başlamasının bir ili tamam olur. 44 günlük Vətən Müharibəsində torpaqlarımızın azadlığı uğrunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilib. Artıq bir necə gündür ölkədə Anım Gününə hazırlıqlar gedir.

Eyni zamanda Bakının bəzi küçə və prospektlərində eyvanlardan bayraqlar asılıb. Bu gün saat 12:00-da ölkə ərazisində şəhidlərimizin əziz xatirəsi bir dəqiqəlik sükutla yad edilib. Şəhər sakinləri, hərbçilər və rəsmilər İkinci Fəxri Xiyabanda uyuyan şəhidlərimizin məzarlarına baş çəkərək şəhidlərin xatirələrini yad ediblər.

Paytaxtda Müzəffər Ali Baş Komandan İlham Əliyev və birinci xanım Mehriban Əliyevanın iştirakı ilə yürüş keçirilib. Yürüş iştirakçıları əllərində Vətən müharibəsində qəhrəmancasına şəhid olanların şəkilləri əks olunan plakatlar daşıyıblar.

0
  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.