Bodrumda zəlzələ

Türkiyədəki azərbaycanlı məşhurlar o qorxunc gecəni anlatdılar

211
(Yenilənib 14:18 21.07.2017)
Bodrumda dincələn azərbaycanlı ulduzlar zəlzələnin dəhşətli anlarını paylaşıblar

BAKI, 21 iyul — Sputnik. Türkiyənin cənub-qərb sahillərində güclü zəlzələ baş verib. Əsas zərbə kurort şəhəri olan Bodrum və yunan adası olan Kosda hiss olunub. Bu dəhşətli təbiət hadisəsinin şahidləri arasında təkcə adi insanlar deyil, bura dünyanın müxtəlif yerlərindən istirahətə gələn məşhur insanlar da olub. Onların arasında bir neçə gündür Bodrumda istirahət edən azərbaycanlı aparıcılar, müğənnilər, bloqgerlər də var ki, onlar da bu zəlzələni heç gözləmirmiş.

Hadisə ulduzların yaxınlarını və pərəstişkarlarını narahat edib. Məşhurların əksəriyyəti gecə ilə öz səhifələrində, sosial şəbəkələrdəki hesablarında bu zəlzələ ilə bağlı statusları, fotoları, videoçarxları paylaşıblar. Ulduzların bir neçəsi titrəyişlər baş verən zaman keçirdikləri hissləri, öz emosiyalarını Sputnik Azərbaycan-la bölüşüblər.

"Ekstrim istirahətimiz davam edir. 2000-ci ildə Bakı zəlzələsinin həyəcanını yaşadıq rəsmən. 6.8 bal nə bal, bütün otel həyətdədir. Salamatçılıqdır, dağıntı və tələfat yoxdur" — deyə Bodrumda öz həyat yoldaşı ilə bal ayını keçirən məşhur aparıcı İlkin Həsənli öz "Facebook" səhifəsində yazıb.

"Dostlar, biz bu gecə dəhşət yaşadıq. Maqnitudası 6.3 olan zəlzələ. Şükür Allaha ki, hər şey yaxşıdır. Bizim üçün dua edin. Hamı küçədədir. Allah bizi qorusun, amin" — deyə bloqger Zaur Nəcəfbəyov öz "Facebook" səhifəsində yazıb.

Onun sözlərinə görə, baxmayaraq ki, artıq səhər açılıb, insanlar hələ də otelə qayıtmaq istəmirlər: "Qorxurlar ki, zəlzələ təkrarlanar".

"Həyatımda ilk dəfə belə güclü zəlzələ görürdüm. Bu, nə idi? Hələ də davam edir. Bütün insanlar küçədədir" — deyə qızı ilə birlikdə istirahət edən müğənni Ayan Babakişiyeva öz "Instagram" səhifəsində yazıb.

Aparıcı Günel Hümbətovanı isə yeraltı təkanlar o qədər qorxudub ki, indiyə qədər özünə gələ bilməyib. Onun sözlərinə görə, o, hazırda 16-cı mərtəbədədir. "Dərhal yuxulu olan qızımı tutdum. Zəlzələdən çox qorxuram, üstəlik də 16-cı mərtəbədəyəm. Buradan heç yerə düşə bilməzsən" — deyə aparıcı Sputnik Azərbaycan-a bildirib.

Azərbaycanlı müğənni İradə İbrahimova isə etiraf edib ki, uzun illərdir ailəsi ilə birlikdə Türkiyədə yaşamasına baxmayaraq, indiyə qədər belə dəhşət görməyib. Onlar öz evlərində yaşayırlar və küçəyə çıxmağa risk etməyiblər. İbrahimova qeyd edib ki, hazırda hər şey qaydasına düşüb, amma qorxu hələ də qalmaqdadır.

"Səhər dükana getmişdim, bütün ərzaqlar yerə tökülmüşdü. Bu, dəhşətli gecə idi. Kaş, bir daha təkrarlanmasın. Hər şeydən çox uşaqlara görə qorxuram" — deyə müğənni öz Instagram səhifəsində yazıb.

Qeyd edək ki, iyulun 21-də gecə Egey dənizimdə maqnitudası 6,7 bal olan təkanlar qeydə alınıb. Təkanların episentri Türkiyənini Bodrum şəhərinin 10,3 kilometrliyində və yunan adası Kosun 16,2 kilometrliyində olub. Bodrumda 70-ə yaxın adam tibbi yardım üçün müraciət edib. Əldə olunan məlumata görə, ümumilikdə zəlzələ nəticəsində 170-ə qədər adam müxtəlif dərəcəli bədən xəsarətləri alıb, iki nəfər isə dünyasını dəyişib.

211
Teqlər:
qorxu, müğənni, zəlzələ, insan, gecə, Türkiyə
Əlaqədar
İbrahim Tatlısesin oğlu zəlzələ anını canlı yayımladı
Azərbaycanda da zəlzələ baş verdi
Qonşu ölkələrdə baş verən güclü zəlzələ nəticəsində ölənlər var
Qonşumuzda 8 bal gücündə zəlzələ
Diqqət: qonşuda zəlzələ oldu
Azərbaycanın cənubunda zəlzələ olub
Qandal, arxiv şəkli

Arvadını öldürməyə cəhd edən şəxs saxlanıb

9
(Yenilənib 14:07 26.09.2020)
Hazırda cinayəti törətməkdə şübhəli bilinən Rasim Məsimovun tutularaq istintaqa cəlb edilməsi, habelə hadisənin təfərrüatlarının tam, hərtərəfli və obyektiv araşdırılması istiqamətində intensiv istintaq və əməliyyat-axtarış tədbirləri davam etdirilir.

BAKI, 26 sentyabr — Sputnik. Sentyabrın 25-də Gədəbəy rayonu ərazisində Qurudərə kənd sakini Zülfiyyə Məsimovaya çoxsaylı bıçaq xəsarətlərinin yetirilməsi barədə rayon prokurorluğuna məlumat daxil olub.

Sputnik Azərbaycan Gədəbəy rayon Prokurorluğunun mlumatına istinadla xəbər verir ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılan araşdırmalarla zərərçəkmişin keçmiş əri Rasim Məsimovun şəxsi münasibətlər zəminində aralarında yaranmış münaqişə zamanı bıçaqla çoxsaylı xəsarətlər yetirməklə Zülfiyyə Məsimovanı qəsdən öldürməyə cəhd edərək hadisə yerindən qaçmasına əsaslı şübhələr müəyyən edilib.

Faktla bağlı Gədəbəy rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

Hazırda cinayəti törətməkdə şübhəli bilinən Rasim Məsimovun tutularaq istintaqa cəlb edilməsi, habelə hadisənin təfərrüatlarının tam, hərtərəfli və obyektiv araşdırılması istiqamətində intensiv istintaq və əməliyyat-axtarış tədbirləri davam etdirilir.

9
Ukraynada An-26 təyyarəsinin qəzaya uğraması

Zelenski An-26 təyyarələrinin uçuşlarına qadağa qoydu

181
(Yenilənib 14:04 26.09.2020)
Qərar Xarkov yaxınlığında An-26 təyyarəsinin qəzaya uğramasının səbəbinin aydınlaşdırılmasına qədər qüvvədə olacaq.

BAKI, 26 sentyabr — Sputnik. Ukrayna Prezidenti Vladimir Zelenski An-26 təyyarəsinə analoji olan bütün təyyarələrin uçuşlarının dayandırılmasını tapşırıb.

Sputnik Azərbaycan xarici mediaya istinadən xəbər verir ki, bu qərar Xarkov yaxınlığında An-26 təyyarəsinin qəzaya uğramasının səbəbinin aydınlaşdırılmasına qədər qüvvədə olacaq.

An-26 təyyarəsi sentyabrın 25-də Xarkov vilayətində hərbi hava limanından iki kilometr aralıda təlim uçuşları zamanı qəzaya uğrayıb. Qəzanın mümkün səbəbi mühərrikin nasazlığıdır.

Təyyarədə qəza zamanı hərbi təyyarəçilər və kursantlar olub. Göyərtədə olan 27 nəfərdən 20-si kursant və 7-si ekipaj üzvü olub. Son məlumatlara görə, onlardan 26-sı həlak olub.

181
Şərab çəlləkləri, arxiv şəkli

Şərab sisterni partladı, hər yan al rəngə boyandı

0
(Yenilənib 14:46 26.09.2020)
Bununla şirkətə böyük maddi ziyan dəyib. Lakin qəzanın hansı səbəbdən baş verməsi haqda heç bir məlumat verilməyib.

BAKI, 26 sentyabr — Sputnik. İspaniyada şərab sisterninin partlaması hər tərəfi qırmızı rəngə boyayıb. Sputnik Azərbaycan-ın Türkiyə mediasına istinadən xəbərinə görə, hadisə Villamalea vilayətində baş verib. Belə ki, şərab istehsalı zavodunda çaxırla dolu sisternin partlaması ilə 50 min litr qırmızı şərab ətarfa yayılıb.

Qeyd edək ki, hadisə İspaniyanın"Bodegas Vitivinos" adlı şərab evində baş verib. Bildirilib ki, ətrafa yayılan şərab bu il ərzində toplanan məhsul olub. Bununla şirkətə böyük maddi ziyan dəyib. Lakin qəzanın hansı səbəbdən baş verməsi haqda heç bir məlumat verilməyib.

0