Neftçi

Bakıda "İstiqlal" ordenli neftçi qətlə yetirilib

152
(Yenilənib 16:12 10.07.2017)
Qatil qurbanının əllərini laqundanın naqili ilə bağlayıb və onun başına küt alətlə zərbə vurub

BAKI, 10 iyul — Sputnik. Bakının Nərimanov rayonunda vəhşicəsinə qətl hadisəsi törədilib. Bu barədə Sputnik Azərbaycan-a hüquq-mühafizə orqanlarından məlumat verilib.

Cinayətin qurbanı Barışev Yuri Petroviçdir. Barışevin cəsədi bu gün sözügedən rayonun 17-ci polis bölməsinin ərazisində yerləşən binanın 5-ci mərtəbəsindəki mənzilində tapılıb. Qatil qurbanının əllərini laqundanın naqili ilə bağlayıb və onun başına küt alətlə zərbə vurub.

İlkin məlumata görə, qətldən bir qədər əvvəl Barışev onun evinə qonaq gələn şəxslə birlikdə spirtli içki qəbul edib. Kriminalistlər mənzilə baxış zamanı yeyib-içmək məclisinin olduğunu müəyyən ediblər.

Qətlin baş verdiyi an dəqiq məlum deyil, çünki hələlik cəsəd morqa gedib çatmayıb. Qeyd edək ki, qətlə yetirilmiş şəxsin cəsədini ilk olaraq qonşusu tapıb.

Bu hadisə ilə bağlı "Qəsdən adam öldürmə" maddəsi ilə cinayət içi açılıb. Hazırda hüquq-mühafizə orqanları qətli törətməkdə şübhəli bilinən şəxsi axtarır.

Məlumata görə, Barışev neftçi olub və Azərbaycan prezidenti tərəfindən "İstiqlal" ordeni ilə təltif edilib.

152
Teqlər:
"İstiqlal" ordeni, Barışev Yuri Petroviç, Nərimanov rayonu, qətl, Bakı
Əlaqədar
Övladını çəkiclə qətlə yetirən şəxsə hökm oxunub
Qətlə yetirilən iş adamı ilə bağlı rəsmi bəyanat yayıldı
Azərbaycanlı biznesmenin müəmmalı qətli
Kirayənişinin qətli məsələsi xüsusi nəzarətə götürüldü
Dəhşətli qətlin tükürpədən təfərrüatları
Çeçenistanda döyüşmüş şəxs Moskvada qətliam törədib