Reyhan Məmmədova

Bakıda idmançı qızın faciəli ölümü polisi yeni qərar verməyə vadar edib

3194
(Yenilənib 18:03 10.07.2017)
DYP-dən ilkin versiya açıqlandı, yekun addım isə...

İradə Cəlil, Sputnik Azərbaycan

BAKI, 10 iyul — Sputnik. Xətai rayonu, Nobel prospektində baş vermiş avtomobil qəzası hələ də sosial şəbəkələrdə müzakirə olunur. Həmin hadisədə idmançı Reyhan Məmmədova dünyasını dəyişmişdi. Yüksək surətlə hərəkət edən avtomobil idmançını piyada zolağının üzərində vurmuşdu. Hadisədən sonra ərazidən piyada zolağı götürüldü. Sürücü Əlifağa Məmmədov haqqında isə yol qəzası ilə bağlı cinayət işi başlanıldı.

Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev
© Photo : REPORT
Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev

Respublika Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyevin Sputnik Azərbaycan-a verdiyi açıqlamaya görə, hadisə ilə bağlı araşdırma aparılır: "Görüntülərdən də görünür ki, qızı vuran nəqliyyat vasitəsi yüksək surətlə idarə edilib. Düzdür, biz onun surətini gözəyarı müəyyən edə bilmərik. Bu, sadəcə bizim vizual baxışımızla digər nəqliyyat vasitələrinə nisbətən gördüyümüz surət həddidir".

"Amma istənilən halda bununla bağlı müəyyən ekspertiza rəy verməlidir ki, həmin nəqliyyat vasitəsinin surəti nə qədər olub, avtomobili qəzadan yayınmaq üçün saxlamaq imkanı olub, ya olmayıb. Bunu ekspertiza müəyyən etməlidir" — K. Əliyev bildirib.

Onun sözlərinə görə, həmin videogörüntüyə baxanda məlum olur ki, hadisə sürücü məsuliyyətsizliyindən baş verib: "Çünki həmin yerdə piyada zolağı da, piyada nişanı da var. Sürücü heç olmasa, o xətti görməli idi. Görüntüləri hamı görüb. Qız bir qədər dayanır, yəqin ki, çaşır, bilmir sürücü arxadan keçəcək, ya öndən. Amma sürücü istiqamətini dəyişmədən gəlib vurub keçir. Sözsüz ki, sürücüyə istiqamətini dəyişməməyə onun surəti mane olur".

K. Əliyev bildirir ki, söylədikləri sadəcə versiyadır, əsl səbəb isə istintaqın yekunu zamanı müəyyən ediləcək.

Qeyd etdiyimiz kimi, idmançının ölümündən sonra həmin ərazidə piyada zolağı və piyada keçidi işarəsi götürülüb. Kamran Əliyev bildirir ki, piyada keçidləri təkcə həmin ərazidən deyil, bir neçə digər yerlərdən də götürülüb: "Yəni, elə keçid zolaqları var ki, ya yaxınlığında keçid yeri var, ya da Yol Hərəkəti Təhlükəsizliyi Komissiyasının qərarı olmadan ayrı-ayrı qurumlar tərəfindən çəkilərək, icazəsiz nişan qoyulub. Sözsüz ki, bunların da qarşısı alınır. Məsələn, akademik Həsən Əliyev küçəsində bir neçə piyada keçidi ləğv edilib. Bu, o demək deyil ki, orada piyada vurma halı qeydə alınıb".

"Yaxınlıqda keçid varsa, yolun hərəkət surəti keçidin olmasına imkan vermirsə, olan keçidlər təhlükəsizlik baxımından effektli deyilsə, keçid nəqliyyatın hərəkətinə problem yaradırsa, keçidlər ləğv edilir" — DYP sözçüsü vurğulayıb.

Keçidlər
Karikatura
Keçidlər

Xatırladaq ki, azərbaycanlı idmançı, dağadırmanma, qayayadırmanma, buzadırmanma üzrə çempion Reyhan Məmmədova avtomobil qəzasında dünyasını dəyişib. Qəza Nobel prospekti — Zığ şosesində baş verib. Axşam vaxtlarında qeydə alınan qəzada Reyhan Məmmədova iti ilə piyada keçidindən yol keçirmiş. Həmin ərazidən keçən Əlifağa Məmmədovun idarə etdiyi "BMW" markalı, 90 XU 928 nömrəli avtomobil idmançını vurub. Bakının Xətai rayonu ərazisində azərbaycanlı idmançı Reyhan Məmmədovanın ölümü ilə nəticələnən yol qəzası ilə bağlı cinayət işi başlanılıb. Faktla bağlı Xətai rayon Polis İdarəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsilə cinayət işi başlanılıb.

3194
Teqlər:
piyada zolağı, Nobel prospekti, Reyhan Məmmədova, keçid, Xətai rayonu, Kamran Əliyev, DYP, avtomobil qəzası, idmançı, polis, sürücü
Əlaqədar
Baş verən qəzada 5 nəfər yaralandı
Rayonun girişində ağır qəza
Dəhşətli qəzada 80-ə yaxın insan həlak oldu
Qəza nəticəsində bir ailənin 6 üzvü xəsarət alıb
Avtobus qəzaya uğradı, 13 nəfər öldü
Toy mərasiminə gedən avtomobil qəzaya düşüb: xəsarət alanlar var
At, arxiv şəkli

Gədəbəydə naməlum şəxslər atı ağacdan asıblar

0
(Yenilənib 22:48 26.02.2021)
Tovuz rayonu Keşməli kənd sakini Həsənov Elton ona məxsus atın Gədəbəy rayonunun Saratovka kəndində ağacdan asıldığı ilə bağlı polisə şikayət ərizəsi təqdim edib.

BAKI, 26 fevral — Sputnik. Gədəbəy rayonunda Tovuz sakininə məxsus atın hələ ki, kimliyi məlum olmayan şəxs və ya şəxslər tərəfindən ağacdan asılmasına görə polis araşdırmalara başlayıb.

Bu barədə "Report"a DİN-ın Mətbuat Xidmətinin Gəncə regional qrupunun baş inspektoru, polis baş leytenantı Eşqin Qasımov bildirib.

“Vətəndaş Elton Həsənovun müraciəti ilə əlaqədar Gədəbəy rayon Polis Şöbəsində araşdırmalar aparılır, araşdırmanın nəticəsindən asılı olaraq məsələyə hüquqi qiymət veriləcək” - deyə, DİN rəsmisi bildirib.

Qeyd edək ki, Tovuz rayonu Keşməli kənd sakini Həsənov Elton İlham oğlu ona məxsus atın Gədəbəy rayonunun Saratovka kəndində hələlik kimliyi bilinməyən şəxs və ya şəxslər tərəfindən ağacdan asıldığı ilə bağlı polisə şikayət ərizəsi təqdim edib.

0
Məhkəmə hakiminin çəkici, arxiv şəkli

"İçəridəkiləri" çıxarmağa söz verən kişini tutdular

0
(Yenilənib 20:25 25.02.2021)
Bu "vəzifəli" kişi müxtəlif şəxslərdən ümumilikdə 40 min manat pul alıb, əvəzində həbsdə olanların cəzalarının azalacağını və pensiya düzəltməyi söz verib

BAKI, 25 fevral — Sputnik. Özünü vəzifəli şəxs kimi təqdim edərək vətəndaşların hüquqlarını pozan şəxsin qanunsuz əməlləri ifşa edilib. Bu barədə Baş Prokrorluqdan Sputnik Azərbaycan-a verilən məlumatda bildirilib. Qeyd olunub ki, baş prokuror yanında Korrupsiyaya qarşı Mübarizə Baş İdarəsində Babayev Zaur Xudabaxış oğlunun qanunsuz hərəkətləri barədə daxil olmuş məlumat əsasında aparılan araşdırma nəticəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanıb.

Aparılmış istintaq-əməliyyat tədbirləri ilə Zaur Babayevin özünü dövlət orqanının vəzifəli şəxsi kimi təqdim edərək ayrı-ayrı vaxtlarda cəzaçəkmə müəssisəsində saxlanılan təqsirləndirilən şəxsin cəzasının azaldılmasına, mənzilin özəlləşdirilməsinə və pensiya təyin edilməsinə köməklik göstərilməsinə dair yalan vədlər verərək guya səlahiyyətli vəzifəli şəxslərə verilməsi adı altında müxtəlif şəxslərdən ümumilikdə 40 min manat pul vəsaitini alaraq dələduzluq etməsinə və vətəndaşları vəzifəli şəxs tərəfindən bilə-bilə qanunsuz hərəkətlər etməyə görə rüşvət verməyə təhrik etməsinə əsaslı şübhələr yaranıb.

25 fevral 2021-ci il tarixdə Zaur Babayevə Cinayət Məcəlləsinin 310 (vəzifəli şəxsin səlahiyyətlərini mənimsəmə), 32.4, 312.2 (vəzifəli şəxs tərəfindən bilə-bilə qanunsuz hərəkətlər etməyə görə ona rüşvət verməyə təhrik etmə), 178.2.4 (dələduzluq xeyli miqdarda ziyan vurmaqla törədildikdə) və digər maddələri ilə ittiham elan edilmiş, məhkəmənin qərarı ilə barəsində həbs qətimkan tədbiri seçilib.

Hazırda cinayət işi üzrə əhəmiyyət kəsb edən halların, cinayətlərin törədilməsində hər hansı formada iştirak etmiş digər şəxslərin müəyyənləşdirilməsi istiqamətində istintaq-əməliyyat tədbirləri davam etdirilir.

0
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0