Təcili yardım

Ələt-Astara yolu qana boyandı

1407
(Yenilənib 16:15 29.06.2017)
Cəsədləri FHN əməkdaşları çətinliklə avtomobildən çıxarıblar

Rahim Zakiroğlu, Sputnik Azərbaycan

BAKI, 29 iyun — Sputnik. Bu gün səhər saatlarında Ələt-Astara magistral yolunun Masallı rayonunun Sərçuvar kəndi ərazisindən keçən hissəsində dəhşətli avtomobil qəzası baş verib. Sputnik Azərbaycan-ın bölgə müxbirinin verdiyi xəbərə görə, 37 yaşlı Beyləqan rayon sakini Mehdi Hüseynovun idarə etdiyi "Mercedes" markalı yük avtomobili ilə, Masallı rayon Xıl kənd sakini, 29 yaşlı Elmin Bayramovun idarə etdiyi "VAZ-2106" markalı minik avtomobili toqquşub.

Qəza nəticəsində Elmin Bayramov və anası, 51 yaşlı Rehanə Bayramova hadisə yerində həlak olub. Onların avtomobildə sıxılmış cəsədləri Fövqəladə Hallar Nazirliyinin (FHN) əməkdaşları tərəfindən çıxarılıb.

"VAZ-2106"-nın digər sərnişini Mahir Bayramov, həmçinin "Mercedes" markalı yük vatomobilinin sürücüsü Mehdi Hüseynov və sərnişini müxətlif dərəcəli bədən xəsarətləri alıb. Yaralananlar Masallı Rayon Mərkəzi Xəstəxanasına yerləşdiriliblər.

Yaralılardan Mahir Bayramovun vəziyyətinin ağır olduğu bildirilir. Hazırda baş verən hadisə ilə bağlı araşdırmalar davam etdirilir.

1407
Teqlər:
Mehdi Hüseynov, Ələt-Astara magistral yolu, Masallı rayonu, qəza, avtomobil
Əlaqədar
Formula-da yenə qəza baş verdi
Qəza nəticəsində 5 nəfər xəsarət aldı
Qubada ağır qəza olub
Ağır qəza baş verdi: uşaqlar xəsarət aldılar
Tanınmış vəkil yol qəzasında öldü

İcra başçısının müavinini maşın vurdu

7
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

7

Sabaha gözlənilən hava proqnozu açıqlandı

23
(Yenilənib 13:33 09.08.2020)
Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti təşkil edəcək.

BAKI, 9 avqust - Sputnik. Sabah Bakıda və Abşeron yarımadasında havanın əsasən yağmursuz keçəcəyi gözlənilir.

Milli Hidrometeorologiya Xidmətindən Sputnik Azərbaycan-a verilən məlumata görə, şimal-qərb küləyi əsəcək, gündüz cənub-şərq küləyi ilə əvəz olunacaq. 

Havanın temperaturu Abşeron yarımadasında gecə 21-24, gündüz 30-35, Bakıda gecə 22-24, gündüz 32-34 dərəcə isti olacaq. 

Atmosfer təzyiqi normadan aşağı 755 mm civə sütunu, nisbi rütubət gecə 60-70, gündüz 35-40 faiz təşkil edəcək.   
Abşeron çimərliklərində şimal-qərb küləyi əsəcək, gündüz cənub-şərq küləyi ilə əvəz olunacaq. 

Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti təşkil edəcək.

Sabah Azərbaycanın rayonlarında havanın əsasən yağmursuz keçəcəyi, lakin bəzi şimal və şərq rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Dağlarda duman olacaq. Şərq küləyi əsəcək, ayrı-ayrı yerlərdə  arabir güclənəcək. 

Havanın temperaturu gecə 20-25, gündüz 32-37, dağlarda gecə 12-17, gündüz 19-24 dərəcə  isti olacaq.

23
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0