Yanğın baş vermiş ərazi

Azərbaycanda məscid yanğından xilas edildi şok iddia var

5280
(Yenilənib 17:36 23.06.2017)
"Məsciddən qovulan vəhhabilər onu camaatla birgə yandırmağa cəhd ediblər"

Leyla Abdullayeva, Sputnik Azərbaycan

BAKI, 23 iyun — Sputnik. Bu gün yerli vaxtla saat 13:00 radələrində Şabran şəhəri ərazisində, "Stansiya" adlanan ərazidə yerləşən məscidin həyətində yanğın baş verib. Sputnik Azərbaycan-ın bölgə müxbirinin verdiyi məlumata görə, Şabranda baş vermiş yanğın, təxminən 3 hektara yaxın ərazini əhatə edib.

Hadisə nəticəsində məscidin həyətindəki meyvə ağacları yanaraq məhv olub. Yanğın yaşayış binasına keçməyə 10 metr qalmış söndürülüb. Hadisənin başvermə səbəbi ilə bağlı rayon sakinlərinin müxtəlif versiyaları var.

Yanğın təxminən 3 hektara yaxın ərazini əhatə edib
© Sputnik / Leyla Abdullayeva
Yanğın təxminən 3 hektara yaxın ərazini əhatə edib

Kimi yanğının atılmış siqaret kötüyündən baş verdiyini, kimisi isə, vəhhabilər tərəfindən törədildiyini iddia edir. İkinci versiyaya səbəb kimi, vəhhabilərin həmin məsciddən qovulduqları göstərilir.

Qeyd edək ki, sözügedən məscid şəxsi mülkdür. Vəhhabi cərəyanından (sələfilər) olan insanların bir neçə il əvvəl orda namaz qıldıqları, lakin sonra rayon camaatı tərəfindən məsciddən qovulduqları bildirilir.

Yanğın yerli vaxtla saat 13:00 radələrində baş verib
© Sputnik / Leyla Abdullayeva
Yanğın yerli vaxtla saat 13:00 radələrində baş verib

"Vəhhabilər əvvəllər bu məsciddə namaz qılırdılar. Bu isə rayon sakinlərinin ciddi narazılığına səbəb olurdu. Nəticədə onlar məsciddən qovuldular" — deyə, adının çəkilməsini istəməyən Şabran sakini müxbirimizə bildirib.

"Lakin onlar dəfələrlə camaatı bu məscidlə birlikdə yandıracaqları ilə hədələmişdilər. Hazırda məscid fəaliyyət göstərmir. Amma vəhhabilər öz qisaslarını almaq üçün yandıra bilərlər" – sakin vurğulayıb.

Şabran rayonunda yerləşən məscidin həyətində yanğın
© Sputnik / Leyla Abdullayeva
Şabran rayonunda yerləşən məscidin həyətində yanğın

Yanğın bir neçə dəqiqə öncə Fövqəladə Hallar Nazirliyinin Şabran rayon Dövlət Yanğından Mühafizə Hissəsinin yanğınsöndürənləri tərəfindən söndürülüb. Hazırda yanğınsöndürənlər yanğının baş vermə səbəbini dəqiqləşdirirlər.

Məsələ ilə bağlı müraciət etdiyimiz Dini Qurumlarla İş üzrə Dövlət Komitəsinin (DQİDK) mətbuat xidmətindən rəsmi sorğu göndərməyimiz xahiş olundu. Qafqaz Müsəlmanları İdarəsinin (QMİ) mətbuat xidməti ilə əlaqə saxlamaq cəhdimiz isə baş tutmadı.

Şabran rayon Polis İdarəsindən isə Sputnik Azərbaycan-a bildiriblər ki, yanğınla bağlı məlumat həqiqəti əks etdirmir: "Sözügedən ərazidəki fermada bir neçə ağac yanıb. Məscid isə yanğından zərər çəkməyib".

"Yerli sakinlərin məscidin radikal islamçılar tərəfindən yandırıla biləcəyi barədə versiyasına gəlincə, bu, həqiqəti əks etdirmir" — deyə polisdən bildiriblər.

Polisin məlumatına görə, rayonda ictimai təhlükəsizliyi təhdid edə biləcək radikal islamçılar yoxdur: "Kriminogen vəziyyət isə tamamilə nəzarət altındadır".

5280
Teqlər:
yanğın, məscid, sakin, Şabran rayonu, vəhhabi
Əlaqədar
ABŞ-da məscidə gedən müsəlman qızı öldürdülər
Azərbaycanın məscidsiz kəndində namaza qeyri-adi çağırış
Məscid çökdü, ölənlər var
Şeyxülislam "Hacı Cavad" məscidi barədə maraqlı açıqlama verib
“Hacı Cavad” məscidi tarixi abidə deyil"
"İlahiyyat" məscidinin təmsilçisi: "İnsanlığını nə qədər itirəsən ki, Allah evini sökəsən"
Suriyadakı məscid qətliamının əsl səbəbkarı bilindi

Bakıya yağış yağıb, evləri su basıb

357
İntensiv yağan yağışlar nəticəsində Bakı şəhərinin müxtəlif ərazilərində bəzi fərdi evlər və həyətyanı sahələr subasmaya məruz qalıb.

BAKI, 26 sentyabr - Sputnik. 26 sentyabr 2021-ci il tarixində gecə saatlarından başlayaraq Fövqəladə Hallar Nazirliyinin "112" qaynar telefon xəttinə Bakı şəhəri sakinlərindən yağışların törətdiyi fəsadların aradan qaldırılması ilə əlaqədar müraciətlər daxil olub.

Sputnik Azərbaycan Fövqəladə Hallar Nazirliyinin saytına istinadla bildirir ki, qəbul edilmiş müraciətlərlə əlaqədar olaraq, ilk növbədə, Fövqəladə Hallar Nazirliyi tərəfindən əməliyyat şəraitinin qiymətləndirilməsi aparılıb.

Müəyyən olunub ki, intensiv yağan yağışlar nəticəsində Bakı şəhərinin müxtəlif ərazilərində bəzi fərdi evlər və həyətyanı sahələr subasmaya məruz qalıb.

Yağıntıların törətdiyi fəsadların aradan qaldırılması üçün Fövqəladə Hallar Nazirliyinin müvafiq qurumlarının canlı qüvvə və texnikası suçəkmə və digər təxirəsalınmaz təcili tədbirlərin həyata keçirilməsinə cəlb olunub.

357
Bosfor boğazı, arxiv şəkli

Bosforda toqquşan Rusiya Türkiyə gəmiləri limanda lövbərə qoyulub

1244
(Yenilənib 12:59 25.09.2021)
Rusiya KİV-ləri Türkiyə hakim dairələrinə istinadən xəbər verir ki, hadisə nəticəsində xəsarət alanlar olmayıb.

BAKI, 25 sentyabr - Sputnik. Bosfor boğazında Rusiya və Türkiyəyə məxsus yük gəmiləri toqquşub.

Bu barədə RİA Novosti Türkiyə hakim dairələrinə istinadən xəbər verir.

"Hadisə yerinə üç xilasedici kater və 14 yedəkçi gəmi göndərilib. "Rusiç 10" və "Tahsin İmamoğlu" gəmiləri limanda lövbərə qoyulub", - deyə Türkiyənin Sahil Mühafizəsi Xidmətindən bildirilib.

Məlumatda deyilir ki, xoşbəxtlikdən hadisə nəticəsində xəsarət alanlar olmayıb.

 

1244
Teqlər:
Rusiya, Türkiyə, gəmirmə, Bosfor boğazı

Bakıda şəhidlərinin xatirəsinə səmaya işıq fənərləri buraxılıb

0
"Şəhidlərimiz qürurumuzdur" adlı aksiyası zamanı "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Bu gün vətən müharibəsi zamanı şəhid olan soydaşlarımızın xatirəsinə həsr edilən anım tədbiri keçirilib.

Heydər Əliyev Fondunun "Regional İnkişaf" İctimai Birliyinin "Şəhidlərimiz qürurumuzdur" adlı aksiyası zamanı bu gün təməli qoyulan Vətən müharibəsi memorial kompleksi və Zəfər muzeyinin ərazisində quraşdırılmış xüsusi projektorlardan səmaya yönələn şüalar Zəfər tağını simvolizə edib. Aksiyada "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Qeyd edək ki, sentyabrın 27-si Vətən Müharibəsinin başlamasının bir ili tamam olur. 44 günlük Vətən Müharibəsində torpaqlarımızın azadlığı uğrunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilib. Artıq bir necə gündür ölkədə Anım Gününə hazırlıqlar gedir.

Eyni zamanda Bakının bəzi küçə və prospektlərində eyvanlardan bayraqlar asılıb. Bu gün saat 12:00-da ölkə ərazisində şəhidlərimizin əziz xatirəsi bir dəqiqəlik sükutla yad edilib. Şəhər sakinləri, hərbçilər və rəsmilər İkinci Fəxri Xiyabanda uyuyan şəhidlərimizin məzarlarına baş çəkərək şəhidlərin xatirələrini yad ediblər.

Paytaxtda Müzəffər Ali Baş Komandan İlham Əliyev və birinci xanım Mehriban Əliyevanın iştirakı ilə yürüş keçirilib. Yürüş iştirakçıları əllərində Vətən müharibəsində qəhrəmancasına şəhid olanların şəkilləri əks olunan plakatlar daşıyıblar.

0
  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.